ଅର୍ଗସ ବ୍ୟୁରୋ: ନୂଆଦିଲ୍ଲୀ ବିଜ୍ଞାନ ଭବନରେ ବିଭିନ୍ନ ବର୍ଗରେ ୪୫ଟି ପଞ୍ଚାୟତିରାଜ ସଂସ୍ଥାକୁ ଜାତୀୟ ପଞ୍ଚାୟତ ପୁରସ୍କାର ପ୍ରଦାନ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ମୋଟ୍‌ ୭ଟି ବର୍ଗରେ ପୁରସ୍କୃତ ହୋଇଛି ଓଡ଼ିଶା । ଗଞ୍ଜାମ ଓ ସୁନ୍ଦରଗଡ଼ ଜିଲ୍ଲା ଦୁଇଟି ପଞ୍ଚାୟତକୁ ମିଳିଛି ପୁରସ୍କାର । ଛତ୍ରପୁର ଶ୍ରେଷ୍ଠ ବ୍ଲକ୍‌ ଏବଂ କୋରାପୁଟ ଶ୍ରେଷ୍ଠ ଜିଲ୍ଲା ପଞ୍ଚାୟତ ପୁରସ୍କାର ପାଇଛନ୍ତି ।

ଅଧିକ ପଢନ୍ତୁ: ଜାତୀୟ ପଞ୍ଚାୟତ ପୁରସ୍କାରରେ 7ଟି ପୁରସ୍କାର ପାଇବ ଓଡିଶା
ଓଡ଼ିଶାର ରାଜ୍ୟ ଗ୍ରାମୀଣ ବିକାଶ ଓ ପଞ୍ଚାୟତିରାଜ ପ୍ରତିଷ୍ଠାନ ଜାତୀୟ ସ୍ତରରେ ଦ୍ବିତୀୟ ସ୍ଥାନ ଅଧିକାର କରିଛନ୍ତି । ତେବେ ଗଞ୍ଜାମ ଜିଲ୍ଲା ରଙ୍ଗେଇଲୁଣ୍ଡା ବ୍ଲକର କେଳୁଆପଲ୍ଲିକୁ ସୁସ୍ଥ ପଞ୍ଚାୟତ ଭାବେ ଦୀନଦୟାଲ ଉପାଧ୍ୟାୟ ପଞ୍ଚାୟତ ସତତ ବିକାଶ ପୁରସ୍କାର ପ୍ରଦାନ କରାଯାଇଛି । ସେହିପରି ଆତ୍ମନିର୍ଭରଶୀଳ ଭିତ୍ତିଭୂମି ନିର୍ମାଣ ପାଇଁ ହିଞ୍ଜିଳିକାଟୁ ବ୍ଲକ ସାହାପୁର ପଞ୍ଚାୟତ ସାରା ଦେଶରେ ଦ୍ବିତୀୟ ସ୍ଥାନ ହାସଲ କରିଛି ।

‘ପୁରସ୍କାରପ୍ରାପ୍ତ ପଞ୍ଚାୟତ ଗୁଡ଼ିକର କାର୍ଯ୍ୟ ଉପରେ ଶ୍ରେଷ୍ଠ ଅଭ୍ୟାସ’ ଶୀର୍ଷକ ପୁସ୍ତିକା ଉନ୍ମୋଚନ କରିଛନ୍ତି କେନ୍ଦ୍ରମନ୍ତ୍ରୀ ରାଜୀବ ରଞ୍ଜନ ସିଂହ । ଏହି ଅବସରରେ ରାଷ୍ଟ୍ରପତି କହିଛନ୍ତି, ପଞ୍ଚାୟତକୁ ସଶକ୍ତ କରିଛି ଭାରତର ସମ୍ବିଧାନ । ମେରୀ ପଞ୍ଚାୟତ ଆଜି କୃଷକ ମାନଙ୍କ ହିତରେ କାର୍ଯ୍ୟ କରୁଛି । ଆଜି ପଞ୍ଚାୟତ ଦ୍ରୁତି ଗତିରେ ବିକଶିତ ହେଉଛି ।

Argus News | argus news | Odisha Latest News, Breaking News, Trending News, Live TV