Flood Rescue / ନେପାଳ ବନ୍ୟାରେ ଚମତ୍କାର: ୨୪ ଘଣ୍ଟା ପରେ ମାଟି ତଳୁ ଜୀବିତ ଉଦ୍ଧାର ହେଲା କୁନି ଝିଅ

ନେପାଳର ବନ୍ୟାକୁ ହରାଇଦେଲା ଏହି କୁନି ଝିଅ... ପଙ୍କର ତଳେ ଦବିଗଲେ କିନ୍ତୁ ତଥାପି ମୃତ୍ୟୁ ନେଇପାରିଲା ନାହିଁ । ପାତାଳରେ କାଟିଲେ ୨୪ ଘଣ୍ଟା । ପ୍ରତିଟି ସମୟରେ ମୃତ୍ୟୁ ସହ କରୁଥିଲେ ଲଢ଼େଇ । ପ୍ରକୃତିର ତାଣ୍ଡବ ଆଗରେ ବାଜିମାତ କରିଛନ୍ତି ଏହିଭଳି ଅନେକ । ପଙ୍କ ତଳେ ପୋତି ହୋଇଗଲେ । ନା ନିଃଶ୍ବାସ ନେବାକୁ ବାଟ ଥିଲା ନା ବାହାରିବାକୁ । ଜୀବନ ବଞ୍ଚାଇବାକୁ ଖାଲି ଡହଳବିକଳ ହେଉଥିଲେ ।

ବାହାରକୁ ଶୁଭୁଥିଲା ବିକଟାଳ କାନ୍ଦର ସ୍ବର । କାନ ଡେରି ଶୁଣିବା ପରେ ଜଣାପଡ଼ିଥିଲା କେହିଜଣେ କାନ୍ଦୁଛି । ଆଉ ତାପରେ ଆରମ୍ଭ ହୋଇଥିଲା ରେସ୍କ୍ୟୁ । ମାଡ଼ିଆସିଥିବା ମୃତ୍ୟୁର ବନ୍ୟା ବି ଆଜି ହାର ମାନିଯାଇଛି ଏହି କୁନି ଝିଅଟି ଆଗରେ । ବନ୍ୟା ପାତାଳରେ ଦାବି ଦେଇଥିଲେ ମଧ୍ୟ ସେ ମୃତ୍ୟୁ ସହ କରିଛନ୍ତି ଲଢ଼େଇ। ନା ପାଖରେ ବାପା ମା' ଥିଲେ ନାକି ପରିବାରର ଆଉ କିଏ । ଏକା ଲଢ଼ିଥିଲେ ସେ ମାଟି ତଳେ ସେ କିଟ୍‌ମିଟ୍‌ ଅନ୍ଧାରରେ । ନେପାଳର ଏହି ଦୃଶ୍ୟ ଛାତିକୁ ଆନ୍ଦୋଳିତ କରିଦେଉଛି ।

ମୃତ୍ୟ ସହ ୨୪ ଘଣ୍ଟା ସଂଘର୍ଷ କରିଲା ପରେ ବାହାରକୁ ବାହାରି ଆସିଛି କୁନି ଝିଅଟି । ମୃତ୍ୟୁ ଏହି କୁନି ଝିଅଟିକୁ ଛୁଇଁ ପାରି ନାହିଁ। ଯଦି ଦେଖିବା ନେପାଳର ବନ୍ୟା ଶହ ଶହ ଲୋକଙ୍କୁ ମାରି ଦେଇଛି । ଅନକେ ଲୋକ ଏବେବି ପଙ୍କ ତଳେ ପୋତି ହୋଇ ରହିଛନ୍ତି । ମୃତ୍ୟୁ ସଂଖ୍ୟା ୧ ହଜାରକୁ ଛୁଇଁପାରେ । କିନ୍ତୁ ଏହି କୁନି ଝିଅଟିକୁ ମୃତ୍ୟୁ ଛୁଇଁ ପାରି ନାହିଁ । ନେପାଳର ଯବାନ କୁନି ଝିଅଟିକୁ ଉଦ୍ଧାର କରିଛନ୍ତି । ମାଟିତଳୁ ଉଦ୍ଧାର କରି ବାହାରକୁ ନେଇ ଆସିଛନ୍ତି । ପୁରା ସୁରକ୍ଷିତ ରହିଛି ଝିଅଟି । ତା ମୁହଁରେ ଡର ଭୟ କିଛି ବି ନାହିଁ ।

କେବଳ ଏହି କୁନି ଝିଅଟି ନୁହେଁ । ଅନେକ ଶିଶୁ ବଞ୍ଚି ଯାଇଛନ୍ତି ଏହି ବନ୍ୟାରୁ । ନେପାଳ ଯବାନ ଦୁଇଜଣ କୋମଳମତି ଜାଆଁଳା ଶିଶୁ କନ୍ୟାକୁ ଉଦ୍ଧାର କରିଛନ୍ତି । ବନ୍ୟା ତାଙ୍କୁ ଛୁଇଁପାରି ନାହିଁ । ସମସ୍ତଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି । ମହିଳା ଯବାନ ଦୁଇ ଶିଶୁଙ୍କୁ କୋଳରେ ଧରି ରହିଛନ୍ତି । କାନ୍ଦୁଥିବା ଶିଶୁକୁ ବୁଝାଇବାକୁ ଚେଷ୍ଟା କରୁଛନ୍ତି । ଏମାନେ ସବୁ ମୃତ୍ୟୁର ବନ୍ୟାକୁ ହରାଇ ଦେଇଛନ୍ତି ।

ସବୁଠାରୁ ବଡ଼ କଥା ହେଉଛି ନେପାଳ ଏବେ ମେରୁଦଣ୍ଡ ଭାଙ୍ଗି ପଡ଼ିଛି । ଅଚାନକ ଆସିଥିବା ଏହି ବନ୍ୟା ସବୁ କିଛି ଧ୍ବଂସ କରିଦେଇଛି । ଅଧା ନେପଳ ଏବେ ମାଟି ତଳେ ପୋତି ହୋଇଯାଇଛି । ଯିଏ ଆଉ କେବେ ବାହାରକୁ ଆସିପାରିବ କି ନାହିଁ ତାହ ଅସମ୍ଭବ ଲାଗୁଛି । ପୁରା ଜୋରସୋରେ ଜାରି ରହିଛି ଉଦ୍ଧାରକାର୍ଯ୍ୟ ।