ଆଜିଠୁ ଲାଗୁ ହେବ ନୂଆ ନିୟମ । ନୂଆ ପ୍ୟାନ୍ ପାଇଁ ଆଧାର ବାଧ୍ୟତାମୂଳକ କରାଯାଇଛି । ନୂଆ ପାନ୍ କାର୍ଡ ଲାଗି ଆବେଦନ କରିବାକୁ ହେଲେ ବାଧ୍ୟତାମୂଳକ ଭାବେ ଆଧାର ବ୍ୟବହାର କରିବାକୁ ପଡିବ । ପୂର୍ବରୁ ପାନ୍ କାର୍ଡ ଲାଗି ଯେକୌଣସି ଫଟୋ ପରିଚୟପତ୍ର ଓ ଜନ୍ମ ପ୍ରମାଣପତ୍ର ବ୍ୟବହାର ହେଉଥିଲା । ଏଥିସହ ତତ୍କାଳ ଟିକଟ ବୁକିଂ ନିୟମ ବଦଳିବ । ବର୍ଦ୍ଧିତ ରେଳଭଡ଼ା ଲାଗୁ ହେବ । ଏ ନେଇ ରେଳ ମନ୍ତ୍ରାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ତେବେ ରିଜର୍ଭେସନ୍ ଫି, ସୁପରଫାଷ୍ଟ ସରଚାର୍ଜ ଏବଂ ଅନ୍ୟାନ୍ୟ ଶୁଳ୍କ ଅପରିବର୍ତ୍ତିତ ରହିଛି। ଏହି ବିଜ୍ଞପ୍ତି ଅନୁସାରେ ସାଧାରଣ ଶ୍ରେଣୀରେ ୫୦୦ କିଲୋମିଟର ପର୍ଯ୍ୟନ୍ତ ବୃଦ୍ଧି କରାଯାଇନାହିଁ ।

ତେବେ ୫୦୧ରୁ ୧୫୦୦ କିଲୋମିଟର ଦୂରତା ପାଇଁ ୫ ଟଙ୍କା ଏବଂ ୨୫୦୦ କିଲୋମିଟର ପର୍ଯ୍ୟନ୍ତ ଦୂରତା ପାଇଁ ୧୦ ଟଙ୍କା ଏବଂ ୨୫୦୧ ରୁ ୩୦୦୦ କିଲୋମିଟର ଦୂରତା ସ୍ଲାବ୍ ପାଇଁ ୧୫ ଟଙ୍କା ବୃଦ୍ଧି କରାଯାଇଛି । ମହଙ୍ଗା ହେବ କ୍ରେଡିଟ୍ କାର୍ଡ । ବ୍ୟାଙ୍କର କ୍ରେଡିଟ୍ ବ୍ୟବହାରକାରୀଙ୍କୁ ୟୁଟିଲିଟି ବିଲ୍ ପେମେଣ୍ଟ କରିବା ପାଇଁ ଅତିରିକ୍ତ ଶୁଳ୍କ ଦେବାକୁ ପଡିବ ।