ୟେମେନରେ କେରଳର ନର୍ସ ନିମିଷା ପ୍ରିୟାଙ୍କ ମୃତ୍ୟୁଦଣ୍ଡ ବାତିଲ । ଭାରତ ପାଇଁ ଏହା ଏକ ବଡ଼ ବିଜୟ । ୟେମେନରେ ଭାରତୀୟ ନର୍ସ ନିମିଷା ପ୍ରିୟାଙ୍କୁ ଦିଆଯାଇଥିବା ମୃତ୍ୟୁଦଣ୍ଡକୁ ସମ୍ପୂର୍ଣ୍ଣ ବାତିଲ କରାଯାଇଛି । ରାଜଧାନୀ ସାନାରେ ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି । ଭାରତୀୟ ଗ୍ରାଣ୍ଡ ମୁଫତି ମୁସଲିୟାରଙ୍କ କାର୍ଯ୍ୟାଳୟ ଏ ସମ୍ପର୍କରେ ଏକ ବିବୃତ୍ତି ଜାରି କରିଛି । ତଥାପି, ବିବୃତ୍ତିରେ କୁହାଯାଇଛି ଯେ ୟେମେନ ସରକାରଙ୍କ ପକ୍ଷରୁ ଏପର୍ଯ୍ୟନ୍ତ ସରକାରୀ ସ୍ଥରରେ ଘୋଷଣା କରାଯାଇନାହିଁ । ନିମିଶା ପ୍ରିୟାଙ୍କ ମାମଲା ୨୦୧୮ ମସିହାରୁ ଅନ୍ତର୍ଜାତୀୟ ଗଣମାଧ୍ୟମରେ ଶିରୋନାମା ପାଲଟିଥିଲା । କେରଳର ୩୪ ବର୍ଷୀୟ ନର୍ସ ନିମିଶା ପ୍ରିୟା । ୨୦୦୮ ମସିହାରେ ଚାକିରି ଖୋଜିବା ପାଇଁ ୟେମେନ ଯାଇଥିଲେ ।

ୟେମେନର ରାଜଧାନୀ ସାନାରେ, ତାଙ୍କର ଜଣେ ସ୍ଥାନୀୟ ନାଗରିକ ତଲାଲ ଆବଦୋ ମହଦିଙ୍କ ସହ ସାକ୍ଷାତ ହୋଇଥିଲା । ଯାହାଙ୍କ ସହଭାଗୀତାରେ ସେଠାରେ ଏକ କ୍ଲିନିକ୍ ଆରମ୍ଭ କରିଥିଲେ । ପରବର୍ତ୍ତି ସମୟରେ ମାତ୍ରାଧିକ ମେଡିସିନ ଡୋଜ ନେଇଥିବାରୁ ମହଦିଙ୍କର ମୃତ୍ୟୁ ହୋଇଥିଲା । ଏହି ଘଟଣାରେ ୨୦୧୮ ମସିହାରେ ନିମିଶାଙ୍କୁ ହତ୍ୟା ଅଭିଯୋଗରେ ଦୋଷୀ ସାବ୍ୟସ୍ତ କରାଯାଇଥିଲା । ୨୦୨୦ ମସିହାରେ ୟେମେନି କୋର୍ଟ ତାଙ୍କୁ ମୃତ୍ୟୁଦଣ୍ଡ ଦେଇଥିଲେ ।