Nitin Nabin Targets / ରାହୁଲ ଓ କେଜ୍ରିଓ୍ବାଲଙ୍କୁ ସିଧା ନିଶାନା କଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନ

ନୁଆଦିଲ୍ଲୀ,୧୦/୧୦: ଆନ୍ଦୋଳନ ନାଁରେ ଅରାଜକତା ସୃଷ୍ଟି କରୁଥିବା ବିକ୍ଷୋଭକାରୀଙ୍କୁ କଡା ସମାଲୋଚନା କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନ ।ଦେଶରେ ଏକ ଅତ୍ୟନ୍ତ ବିପଜ୍ଜନକ ଏବଂ ଗମ୍ଭୀର ପରିସ୍ଥିତି ସୃଷ୍ଟି କରିବାର ପ୍ରୟାସ କରାଯାଉଛି। ୧୪୦କୋଟି ଲୋକ ଶାନ୍ତି ଏବଂ ସୌହାର୍ଦ୍ଦ୍ୟରେ ବାସ କରି ଭାରତର ବିକାଶରେ ମିଳିତ ଭାବେ ଅବଦାନ ଦେଉଥିବା ବେଳେ ଦେଶକୁ ଅସ୍ଥିର କରିବା ପାଇଁ ପ୍ରୟାସ ଚାଲିଛି। ଏଥିପାଇଁ ଦୁଇଟି ଗୋଷ୍ଠୀକୁ ସେ ଦାୟୀ କରିଛନ୍ତି । ଗୋଟିଏ 'ଇଣ୍ଡି ଆଲାଏନ୍ସ'ର ରାହୁଲ ଗାନ୍ଧୀଙ୍କ ଦ୍ୱାରା ପରିଚାଳିତ ଏବଂ ଅନ୍ୟଟି ଅରବିନ୍ଦ କେଜ୍ରିୱାଲଙ୍କ ସହଯୋଗୀ CJP ଦ୍ୱାରା ପରିଚାଳିତ।

ଭାରତର ଜନସାଧାରଣ ଆପଣଙ୍କ ଉଦ୍ଦେଶ୍ୟକୁ ସ୍ପଷ୍ଟ ଭାବରେ ବୁଝିପାରୁଛନ୍ତି। ଦେଶରେ କିଏ ଅଧିକ ଅସ୍ଥିରତା ସୃଷ୍ଟି କରିପାରିବ ସେନେଇ ହେଉଥିବା 'ଅରାଜକ ପ୍ରତିଯୋଗିତା' ସଫଳ ହେବ ନାହିଁ। ଏମାନଙ୍କୁ ଜନସାଧାରଣ ପ୍ରତ୍ୟାଖାନ କରିଛନ୍ତି । ସେଥିରୁ ଶିକ୍ଷାଲାଭ କରିବା ପରିବର୍ତ୍ତେ, ଦେଶକୁ ଅସ୍ଥିର କରିବା ପାଇଁ ଏକ ଷଡ଼ଯନ୍ତ୍ର କରାଯାଉଛି। ବିଦେଶୀ ଶକ୍ତିଙ୍କ ନିର୍ଦ୍ଦେଶରେ ଏଭଳି ଅରାଜକତା ସୃଷ୍ଟି କରାଯାଉଛି । ବିଶ୍ୱବ୍ୟାପୀ ସଙ୍କଟ ସତ୍ତ୍ୱେ, ଦେଶ କ୍ରମାଗତ ଅଗ୍ରଗତି ପଥରେ ଆଗକୁ ବଢ଼ୁଛି। ତଥାପି, ଏହି ସତ୍ୟଟି ଆପଣଙ୍କୁ ହଜମ ହେଉନାହିଁ।

ପଢନ୍ତୁ ଐହି ଖବର: ପ୍ରଫେସର ପଦରୁ କଂଗ୍ରେସ ସାଂସଦ ବିମୋଲ ଆକୋଇଜାମଙ୍କୁ ବହିଷ୍କାର କଲା JNU, ଜାଣନ୍ତୁ କାହିଁକି ?

ଆପଣ ଭାରତର ଅଭିବୃଦ୍ଧି, ପ୍ରଗତି ଏବଂ ଉନ୍ନତିକୁ ସହ୍ୟ କରିପାରୁନାହାନ୍ତି। ଏକ ଆତ୍ମନିର୍ଭରଶୀଳ ଏବଂ ସଶକ୍ତ ରାଷ୍ଟ୍ର ଭାବରେ ଭାରତ ଆଗକୁ ବଢ଼ୁଥିବା ଦେଖି ଆପଣ ସହ୍ୟ କରିପାରୁନାହାନ୍ତି ଏବଂ ବିଦେଶୀ ଶକ୍ତିମାନଙ୍କ ଇଙ୍ଗିତରେ ଏହାକୁ ଅସ୍ଥିର କରିବାକୁ ଚେଷ୍ଟା କରୁଛନ୍ତି। ମୁଁ ସ୍ପଷ୍ଟ ଭାବରେ କହିବାକୁ ଚାହେଁ: ଭାରତୀୟ ଗଣତନ୍ତ୍ରର ଅପାର ଶକ୍ତି ରହିଛି, ଏବଂ ଏହି ଦେଶର ଦେଶପ୍ରେମୀମାନେ ଆପଣଙ୍କ ଏହି ଅଭିସନ୍ଧିକୁ ପଣ୍ଡ କରିବା ପାଇଁ ଏକଜୁଟ ହେବେ।"