ମାତିଛନ୍ତି ନ୍ୟୁଡ୍ ଗାଙ୍ଗ୍ । ଉଲଗ୍ନ ହୋଇ ଆସୁଛନ୍ତି...ମହିଳାଙ୍କୁ ଅପହରଣ କରିବାକୁ ଚେଷ୍ଟା କରୁଛନ୍ତି । ଯାହା ଏବେ ଉତ୍ତରପ୍ରଦେଶର ମେରଠ ଦୌରାଲାରେ ଆତଙ୍କ ଖେଳାଇଛି । ଗତ ପାଞ୍ଚ ଦିନ ମଧ୍ୟରେ ଚାରୋଟି ଘଟଣା ସାମ୍ନାକୁ ଆସିଛି । ଯାହା ଯୋଗୁଁ ମହିଳାମାନେ ଏବେ କ୍ଷେତ ମଧ୍ୟ ଦେଇ କାମକୁ ଯିବାକୁ ବି ଭୟ କରୁଛନ୍ତି ।

ଜଣେ ଯୁବତୀ କ୍ଷେତକୁ କାମ କରିବାକୁ ଯିବା ସମୟରେ ନ୍ୟୁଡ୍ ଗ୍ୟାଙ୍ଗର ଜଣେ ଯୁବକ ତାଙ୍କୁ ଟାଣି ନେବାକୁ ଚେଷ୍ଟା କରିଥିଲା । ଯୁବତୀ ଜଣଙ୍କ ଚିତ୍କାର କରିବାରୁ ସେଠାରୁ ସେ ଦୌଡି ପଳାଇଥିଲା । ଏପରି ବାରମ୍ବାର ଘଟିବା ପରେ ୟୁପି ପୋଲିସ ଏବେ ହାଇଟେକ୍ ଉପାୟରେ ଅଭିଯୁକ୍ତଙ୍କୁ ଖୋଜୁଛି ।

ପ୍ରକୃତରେ, ଗତ କିଛି ଦିନ ଧରି ମେରଠର ଭାରାଲା ଅଞ୍ଚଳରେ ଅଜଣା ଆକ୍ରମଣକାରୀ ଆତଙ୍କ ସୃଷ୍ଟି କରୁଛନ୍ତି । ଅଭିଯୋଗ ହେଉଛି ଯେ ଏହି ଆକ୍ରମଣକାରୀମାନେ ଉଲଗ୍ନ ହୋଇ କ୍ଷେତକୁ ଏକା ଯାଉଥିବା ମହିଳାଙ୍କୁ ଟାଣି ନେବାକୁ ଚେଷ୍ଟା କରନ୍ତି । ଗତ ପାଞ୍ଚ ଦିନ ମଧ୍ୟରେ ଚାରି ଜଣ ମହିଳା ସେମାନଙ୍କର ଶିକାର ହୋଇଛନ୍ତି ।

ସୌଭାଗ୍ୟବଶତଃ, ସମସ୍ତ ମହିଳା ନିଜକୁ ମୁକ୍ତ କରି ଖସି ପଳାଇବାରେ ସଫଳ ହୋଇଛନ୍ତି । ଶନିବାର ସକାଳ ପ୍ରାୟ ସାଢ଼େ ୯ଟାରେ ମଧ୍ୟ ସମାନ ଘଟଣା ଘଟିଥିଲା । ମହିଳା ଜଣକ ପାଟି କରିବାରୁ ଗାଁ ଲୋକେ କ୍ଷେତକୁ ଦୈଡି ଯାଇଥିଲେ । ଆଉ ଏ ସମସ୍ତ କଥା ପୋଲିସକୁ ଜଣାଇଥିଲେ । କ୍ଷେତକୁ ଘେରାବନ୍ଦୀ କରି ଏକ ସର୍ଚ୍ଚ ଅପରେସନ ମଧ୍ୟ କରାଯାଇଥିଲା, କିନ୍ତୁ ଅଭିଯୁକ୍ତମାନେ ଖସି ପଳାଇଛନ୍ତି । କ୍ଷେତ ଉପରେ ନଜର ରଖିବା ପାଇଁ ଡ୍ରୋନ ବ୍ୟବହାର କରାଯାଉଛି । ଗ୍ରାମବାସୀ କହିଛନ୍ତି ଯେ ଆକ୍ରମଣକାରୀମାନେ କ୍ଷେତର କୌଣସି ସ୍ଥାନରେ ଲୁଚି ରହିଛନ୍ତି । ଯେଉଁଥିପାଇଁ ପୋଲିସ ଡ୍ରୋନ ବ୍ୟବହାର କରି କ୍ଷେତଗୁଡ଼ିକୁ ତଲାସ କରିଥିଲା କିନ୍ତୁ ପୋଲିସକୁ କୌଣସି ସଫଳତା ମିଳିଲା ନାହିଁ ।

ଏବେ ପୋଲିସ ଅଞ୍ଚଳର ନିର୍ଜନ ରାସ୍ତା ଏବଂ ଚାଷ ରାସ୍ତାରେ ସିସି ଟିଭି କ୍ୟାମେରା ଲଗାଇବା ମଧ୍ୟ ଆରମ୍ଭ କରିଛି । ଯାହା ଦ୍ଵାରା ଆକ୍ରମଣକାରୀମାନେ କ୍ୟାମେରା ପରିସରରେ ଆସିପାରିବେ ।

Argus News | argus news | -Argusnews Home: Odisha Latest News, Breaking News, Trending News, Live TV and more