କମିବ ବିଦ୍ୟୁତ୍ ବିଲ୍ । ସୌର ଶକ୍ତିରେ ଚାଲିବ ଦିଲ୍ଲୀ ବିଧାନସଭା । ଖାଲି ସେତିକି ନୁହେଁ ଓଡିଶା ଭଳି ଦିଲ୍ଲୀ ବିଧାନସଭା ବି ହେବ ପେପର୍ ଲେସ୍ । ଓଡିଶା ବିଧାନସଭାରେ ନୂତନ ଜ୍ଞାନ କୌଶଳ ବ୍ୟବହାର ହେଉଥିବାବେଳେ ଦିଲ୍ଲୀରେ ମଧ୍ୟ ଏହି ପନ୍ଥା ଆପଣାଇବେ ସରକାର ।

ତେବେ ଏନେଇ ଓଡ଼ିଶା ଗସ୍ତରେ ଆସିଛନ୍ତି ଦିଲ୍ଲୀ ବିଧାନସଭାର ପ୍ରତିନିଧି ଦଳ । ବାଚସ୍ପତି ବିଜେନ୍ଦ୍ର ଗୁପ୍ତାଙ୍କ ଅଧ୍ୟକ୍ଷତାରେ ଆସିଛନ୍ତି ଟିମ୍ । ଦିଲ୍ଲୀ ବିଧାନସଭାର ଦେଖିବାକୁ ମିଳିବ ଓଡ଼ିଶା ମଡେଲ । ଓଡ଼ିଶା ବିଧାନସଭା ଭଳି ଦିଲ୍ଲୀ ବିଧାନସଭା ବି ହେବ ପେପର ଲେସ୍ । ଦିଲ୍ଲୀ ବିଧାନସଭାରେ ବ୍ୟବହାର ହେବ Neva ଆପ୍ଲିକେସନ । ଓଡ଼ିଶା ବିଧାନସଭାରେ ଡିଜିଟାଲ ଆସେମ୍ୱଲି ବା Neva ଆପ୍ଲିକେସନ କାର୍ଯ୍ୟକାରିତାକୁ ଷ୍ଟଡି କରିଛନ୍ତି ଦିଲ୍ଲୀ ବିଧାନସଭାର ପ୍ରତିନିଧି ମଣ୍ଡଳୀ । ଦିଲ୍ଲୀ ବିଧାନସଭାକୁ ଡେପୁଟେସନରେ ଯିବେ ଓଡ଼ିଶା ବିଧାନସଭାର ଟେକ୍ନିକାଲ ଟିମ୍ ।

ଦିଲ୍ଲୀ ବିଧାନସଭାକୁ ଡିଜିଟାଲ କରିବା ପାଇଁ ପରାମର୍ଶ ଦେବେ ଓଡ଼ିଶା ବିଧାନସଭାର ଏହି ଟିମ୍ । ଏହି ଅବସରରେ ଦିଲ୍ଲୀ ବାଚସ୍ପତି ବିଜେନ୍ଦ୍ର ଗୁପ୍ତା ସାମ୍ବାଦିକ ସମ୍ମିଳନୀ କରି କହିଛନ୍ତି, ମୋଦିଙ୍କ ଭିଜନ - ଡିଜିଟାଲ ଇଣ୍ଡିଆନ ଏବଂ ଗୋ ଗ୍ରୀନ । ଦିଲ୍ଲୀ ବିଧାନସଭାକୁ ଡିଜିଟାଲ କରାଯିବ । ଓଡ଼ିଶା ବିଧାନସଭାରେ ନୂତନ ଜ୍ଞାନ କୌଶଳ ବ୍ୟବହାର ହେଉଛି । ତେଣୁ ଓଡ଼ିଶା ଭଳି ଦିଲ୍ଲୀ ବିଧାନସଭା ବି ହେବ ପେପର ଲେସ । ଏହାସହ ସୌର ଶକ୍ତିରେ ଚାଲିବ ଦିଲ୍ଲୀ ବିଧାନସଭା । ଏଥିପାଇଁ 100 ଦିନର ଟାର୍ଗେଟ ରଖାଯାଇଛି । କାରଣ ଦିଲ୍ଲୀ ବିଧାନସଭାରେ ବର୍ଷକୁ 2 କୋଟି ଟଙ୍କାର ବିଦ୍ୟୁତ୍ ବିଲ ଖର୍ଚ୍ଚ ହେଉଛି । ତେଣୁ 500 kv ର ସୋଲାର ସିଷ୍ଟମ ଦିଲ୍ଲୀ ବିଧାନସଭା ଛାତରେ ଲଗାଯିବ । ଦିଲ୍ଲୀର ପୂର୍ବ ସରକାର ବିଧାନସଭାରେ Neva କାର୍ଯ୍ୟକାରୀ କରାଇ ଦେଉନଥିଲେ । ଏବେ ସରକାର ବଦଳିବା ପରେ ଉନ୍ନତ ପଦକ୍ଷେପକୁ ଆପଣାଇବେ ନୂଆ ସରକାର ।