ଅର୍ଗସ ବ୍ୟୁରୋ: ଏକକ ନିର୍ବାଚନକୁ ନେଇ ଗଠିତ କମିଟି ଆଜି ରିପୋର୍ଟ ଦାଖଲ କରିଛନ୍ତି ।  ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଅଧ୍ୟକ୍ଷତାରେ ଗଠିତ କମିଟି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଏହି ରିପୋର୍ଟ ପ୍ରଦାନ କରିଛନ୍ତି । ଏକ ସମୟରେ ଉଭୟ ଲୋକସଭା ଓ ବିଧାନସଭା ନିର୍ବାଚନ ପାଇଁ କେନ୍ଦ୍ର ସରକାରଙ୍କ ପକ୍ଷରୁ କଣ ରୋଡ ମ୍ୟାପ୍ ପ୍ରସ୍ତୁତ କରାଯିବ ସେ ସମ୍ପର୍କରେ କମିଟି ରିପୋର୍ଟ ଦେଇଛନ୍ତି । କମିଟିର ରିପୋର୍ଟ ପ୍ରାୟ ୧୮ ହଜାର ପୃଷ୍ଠାର ରହିଛି ବୋଲି ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ଏ ସମ୍ପର୍କରେ କିନ୍ତୁ ଆନୁଷ୍ଠାନିକ ଘୋଷଣା ହାଇନାହିଁ ।

ଗୋଟିଏ ସମୟରେ ଲୋକସଭା ଓ ବିଧାନସଭା ନିର୍ବାଚନ ପାଇଁ କେନ୍ଦ୍ର ସରକାରଙ୍କ ପକ୍ଷରୁ କେତେକ ସାମ୍ବିଧାନିକ ପ୍ରକ୍ରିୟା ପୂରଣ କରିବାକୁ ପଡିବ । ଏଥିପାଇଁ ସମ୍ବିଧାନର ୫ଟି ଧାରାରେ ସଂଶୋଧନ କରିବାକୁ ପଡିପାରେ । ନିର୍ବାଚନ ସଂସ୍କାର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପକ୍ଷରୁ ନିଆଯାଉଛି ପଦକ୍ଷେପ  । ଏଥିପାଇଁ  ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଅଧ୍ୟକ୍ଷତାରେ ଗଠିତ କମିଟିରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ପୂର୍ବତନ ବିରୋଧୀ ଦଳ ନେତା ଗୁଲାମ ନବୀ ଆଜାଦ, ପୂର୍ବତନ ଅର୍ଥ କମିଶନ ଅଧ୍ୟକ୍ଷ ଏନ.କେ. ସିଂ, ପୂର୍ବତନ ଲାକସଭା ମହାସଚିବ ସୁବାସ କଶ୍ୟପ ଓ ବରିଷ୍ଠ ଆଇନଜୀବୀ ହରିଶ ସାଲଭେ ସଦସ୍ୟ ରହିଛନ୍ତି ।

ପୂର୍ବରୁ ମଧ୍ୟ ଦେଶରେ ଏକକ ନିର୍ବାଚନ ହେଉଥିଲା । ୧୯୬୭  ପର୍ଯ୍ୟନ୍ତ ଲୋକସଭା ଓ ବିଧାନସଭା ନିର୍ବାଚନ ଗୋଟିଏ ସମୟରେ ହେଉଥିଲା। କିନ୍ତୁ ତା ପରଠାରୁ କିଛି ରାଜ୍ୟ ବିଧାନସଭା ଓ ଲୋକସଭା ଭଙ୍ଗ ହେବାରୁ ବିଭିନ୍ନ ସମୟରେ ନିର୍ବାଚନ ହୋଇଥିଲା ।

ଅଧିକ ପଢ଼ନ୍ତୁ ଦେଶ ଖବର: