ସେନାକୁ ବଡ଼ ସଫଳତା । ଜାମ୍ମୁ କାଶ୍ମୀରରେ ଅପରେସନ ମହାଦେବରେ 3 ଆତଙ୍କୀଙ୍କ ମୁଣ୍ଡ ଗଡ଼ାଇଛନ୍ତି ଯବାନ । ଶ୍ରୀନଗର ନିକଟ ଲିଡବାସରେ ଲୁଚି ରହିଥିଲେ ପହଲଗାମ ହମଲାରେ ସଂପୃକ୍ତ 3 TRF ଆତଙ୍କୀ। ନିହତ ହୋଇଥିବା ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି । 2 ଦିନ ପୂର୍ବରୁ ଆତଙ୍କୀଙ୍କ ଉପସ୍ଥିତି ନେଇ ଗୁଇନ୍ଦା ସୂଚନା ପରେ ଭାରତୀୟ ସେନା ପକ୍ଷରୁ ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଶ୍ରୀନଗରରେ ଲସ୍କର ସମର୍ଥିତ 3 TRF ଆତଙ୍କୀଙ୍କ ମୁଣ୍ଡ ଗଡ଼ାଇଛନ୍ତି ଯବାନ ।

ମୃତ ଆତଙ୍କବାଦୀ ମଧ୍ୟରେ TRF ଆତଙ୍କବାଦୀ ମୂଷା ସାମିଲ ରହିଥିବା କୁହାଯାଇଛି । ଜାମ୍ମୁ କାଶ୍ମୀରରେ ଅପରେସନ ମହାଦେବକୁ ବଡ଼ ସଫଳତା। ଜମ୍ମୁ କାଶ୍ମୀର ପୋଲିସ ଏବଂ ସିଆରପିଏଫର ମିଳିତ ଅପରେସନ୍ ଚାଲିଛି। ସୂଚନା ଅନୁଯାୟୀ, ସୁରକ୍ଷା ବାହିନୀର ଦଳ ଦାଚିଗାମ ଜଙ୍ଗଲର ଉପର ଭାଗରେ ସର୍ଚ୍ଚ ଅପରେସନ୍ କରୁଥିଲେ। ଏହି ଅଞ୍ଚଳ ଶ୍ରୀନଗରକୁ ତ୍ରାଲ ସହିତ ସଂଯୋଗ କରେ। ଏକ ପାହାଡିଆ ରାସ୍ତା ଦେଇ ଯାଏ। ଅପରେସନ୍ ସମୟରେ ହଠାତ୍ ଗୁଳି ଚାଳନା ଶବ୍ଦ ଶୁଣିବାକୁ ମିଳିଥିଲା। ସୁରକ୍ଷା ଏଜେନ୍ସିଙ୍କ ଅନୁମାନ ଏହି ଅଞ୍ଚଳରେ ଆତଙ୍କବାଦୀ ଗୋଷ୍ଠୀ TRF (ଦି ରେଜିଷ୍ଟାନ୍ସ ଫ୍ରଣ୍ଟ)ର ଆତଙ୍କବାଦୀମାନେ ଲୁଚି ରହିପାରନ୍ତି।

ବିଶେଷକରି ଦାଚିଗାମ ଜାତୀୟ ଉଦ୍ୟାନକୁ TRF ଆତଙ୍କବାଦୀଙ୍କ ମୁଖ୍ୟ ଆଡ୍ଡାସ୍ଥଳ ବୋଲି ବିବେଚନା କରାଯାଇଛି। ଏହି ଗୋଷ୍ଠୀ ପହଲଗାମରେ ଆତଙ୍କବାଦୀ ଆକ୍ରମଣ ପାଇଁ ଦାୟୀ କରାଯାଉଛି। ଘଟଣାକୁ ଦୃଷ୍ଟିରେ ରଖି, ସୋମବାର ସୁରକ୍ଷା ବାହିନୀ ସମଗ୍ର ଅଞ୍ଚଳକୁ ଘେରି ରହିଛନ୍ତି ଏବଂ ସର୍ଚ୍ଚ ଅପରେସନକୁ ଜୋରଦାର କରାଯାଇଛି।

ଅଧିକ ପଢ଼ନ୍ତୁ ଦେଶ ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more