ଅପରେସନରେ ସିନ୍ଦୂରରେ ପାକିସ୍ତାନର ଆତଙ୍କୀ ଆଡ୍ଡା ସହ ଏୟାରବେସ୍ ଧ୍ବଂସ ହୋଇଛି । କିନ୍ତୁ ଏଥିରେ ପାକିସ୍ତାନରେ ଥିବା ଆଣବିକ ପ୍ରତିଷ୍ଠାନ ମଧ୍ୟ କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି । ଇସଲାମବାଦଠାରୁ ୧୦କିମି ଦୂରରେ ଥିବା ରାଓ୍ବଲପିଣ୍ଡି ନିକଟ ନୂରଖାନ୍ ଏୟାର ବେସକୁ ଭାରତ ଟାର୍ଗେଟ କରିଥିଲା । ଏଥିଯୋଗୁଁ ସେଠାରେ ଥିବା ଆଣବିକ ପ୍ରତିଷ୍ଠାନରେ ବଡ ଧରଣର କ୍ଷୟକ୍ଷତି ହୋଇଥିବା ସୂଚନା ମିଳିଛି ।

୧୦ ମେ'ରେ ଭାରତର ଆକ୍ରମଣରେ ପାକିସ୍ତାନର ଆଣବିକ ବ୍ଲାକଆଉଟ୍ ହୋଇଯାଇଥିଲା । ନୂରଖାନ ଏୟାରବେସରେ ମିସାଇଲ ବର୍ଷା କରିଥିଲା ଭାରତ । ପାକିସ୍ତାନର ଏୟାର ଡିଫେନସ ସିଷ୍ଟମ ପୁରା ଫେଲ ମାରିଥିଲା । ଏଥିରେ ପୁରା ହଡବଡ ହୋଇଯାଇଥିଲା ପାକିସ୍ତାନ । ହିରୋସିମା, ନାଗାସାକି ପରି ଆଉ ଏକ ବିପର୍ଯ୍ୟୟ ହୋଇଯିବ କି ? ଏହି ଆଶଙ୍କା ପାକିସ୍ତାନକୁ ଘାରିଥିଲା । ନିଜର ରକ୍ଷା ପାଇଁ ଆମେରିକାର ଶରଣରେ ପଶିଥିଲା ପାକିସ୍ତାନ୍ । ୭ମେ ରେ ଭାରତ ପାକିସ୍ତାନର ଆତଙ୍କୀ ଆଡ୍ଡାକୁ ପ୍ରଥମେ ଟାର୍ଗେଟ କରିଥିଲା ।

ଏହାପରେ ୧୦ରେ ବ୍ରହ୍ମୋସ ମିସାଇଲ, ହାମର ଦ୍ବାରା ଆକ୍ରମଣ ହୋଇଥିଲା । ଆଉ ଏଥିରେ ଟାର୍ଗେଟ ଥିଲା ନୁରଖାନ୍ ଏୟାର ବେସ । ବ୍ରହ୍ମୋସ ମିସାଇଲ ନୁରଖାନ୍ ଏୟାରବେସ୍ ନିକଟ ଆଣବିକ କେନ୍ଦ୍ରରେ ପହଞ୍ଚିବାର ସାମର୍ଥ୍ୟ ରଖିଥିବାରୁ ପୁରା ପାକିସ୍ତାନର ନିଦ ହଜିଯାଇଥିଲା । ଏପରିକି ରାଓ୍ବଲପିଣ୍ଡି ନିକଟରେ ଆଣବିକ ବିକିରଣର ଆଶଙ୍କା ଥିବା ଆମେରିକା ଗୁଇନ୍ଦା ବିଭାଗକୁ ସୂଚନା ମିଳିଥିଲା । ଏହାପରେ ଟ୍ରମ୍ପ ପ୍ରଶାସନର ମଧ୍ୟ ନିଦ ହଜିଯାଇଥିଲା ।