ରାଜସ୍ଥାନରୁ ପାକିସ୍ତାନକୁ ପ୍ରଧାନମନ୍ତ୍ରୀ ମୋଦିଙ୍କ କଡ଼ା ଜବାବ । ଏପ୍ରିଲ୍ ୨୨ର ଜବାବ ଆମେ ୨୨ ମିନିଟରେ ଦେଲୁ । ଯିଏ ସିନ୍ଦୂର ଲିଭାଇବାକୁ ଆସିଥିଲେ ତାଙ୍କୁ ମାଟିରେ ମିଶାଇଲୁ । ଯିଏ ହିନ୍ଦୁସ୍ତାନର ଲହୁ ବୁହାଉଥିଲେ, ତାଙ୍କଠାରୁ ବୁନ୍ଦା ବୁନ୍ଦାର ହିସାବ ନେଲୁ । ସେନାର ପରାକ୍ରମରେ ମାଟି କାମୁଡ଼ିଲା ପାକିସ୍ତାନ । ସିନ୍ଦୂର ଯେତେବେଳେ ବାରୁଦ ହୁଏ, ତାର ପରିଣାମ କଣ ହୁଏ ବିଶ୍ବ ଦେଖିଲା । ଆତଙ୍କର ଫଣା ମକଚି ଦେବାକୁ ଭାରତର ୩ ନୂଆ ନୀତି ହୋଇଛି। ଭାରତ ଉପରେ ଆକ୍ରମଣ ହେଲେ କଡ଼ା ଜବାବ ଦିଆଯିବ । ସମୟ ଆମ ସେନା ସ୍ଥିର କରିବ ।

ଆତଙ୍କୀ ଆଡ୍ଡା ଓ ଆଶ୍ରୟଦାତା ସରକାରଙ୍କୁ ସମାନ ଦେଖିବୁ । ପାକିସ୍ତାନର ଷ୍ଟେଟ୍ ଆଉ ନନ୍ ଷ୍ଟେଟ୍ ଟେରର ଖେଳ ଆଉ ଚାଲିବ ନାହିଁ । ସାରା ବିଶ୍ବ ଆଗରେ ପାକିସ୍ତାନର ପୋଲ୍ ଖୋଲୁଛି । ସାରା ବିଶ୍ବକୁ ଯିବେ ଭାରତର ସର୍ବଦଳୀୟ ପ୍ରତିନିଧିମଣ୍ଡଳୀ । ପାକିସ୍ତାନର ଅସଲ ଚେହେରା ସାରା ବିଶ୍ବକୁ ଦେଖାଯିବ । ପାକିସ୍ତାନ କେବେବି ଭାରତ ସହ ସିଧା ଲଢ଼େଇ ଜିତି ନାହିଁ । ସିଧା ଲଢ଼େଇରେ ସର୍ବଦା ମୁହଁତୋଡ଼ ଜବାବ ପାଇଛି ପାକିସ୍ତାନ ।

ଭାରତ ବିରୋଧୀ ଲଢ଼େଇରେ ଆତଙ୍କବାଦକୁ ଅସ୍ତ୍ର କରିଛି ପାକିସ୍ତାନ । ପାକିସ୍ତାନ ସହ କେବଳ POK ପ୍ରସଙ୍ଗରେ ଆଲୋଚନା ହେବ । ପାକିସ୍ତାନ ଆତଙ୍କୀଙ୍କୁ ରତ୍ପାନୀ କରିବା ଜାରି ରଖିବା ମହଙ୍ଗା ପଡ଼ିବ । ଟଙ୍କା ଟଙ୍କାଏ ପାଇଁ ଭିକ ମାଗିବ ପାକିସ୍ତାନ । ଭାରତୀୟଙ୍କ ରକ୍ତ ସହ ଖେଳିବା ପାକିସ୍ତାନକୁ ମହଙ୍ଗା ପଡ଼ିବ । ଭାରତର ସଂକଳ୍ପରୁ ବିଶ୍ବର କୌଣସି ଶକ୍ତି ଓହରାଇ ପାରିବ । ମୋଦୀର ମୁଣ୍ଡ ଥଣ୍ଡା ଅଛି ଥଣ୍ଡା ରହିବ । ହେଲେ ମୋଦୀର ରକ୍ତ ଗରମ ହୁଏ । ଏବେ ମୋଦୀର ଶିରରେ ରକ୍ତ ନୁହେଁ ଗରମ ସିନ୍ଦୂର ବୋହୂଛି ।

ଆହୁରି ମଧ୍ୟ ମୋଦୀ କହିଛନ୍ତି, ପାକିସ୍ତାନକୁ ଭାରତର ହକ୍ ର ପାଣି ମିଳିବନି । ଭାରତୀୟଙ୍କ ରକ୍ତରେ ଖେଳିବା ପାକିସ୍ତାନୀଙ୍କୁ ମହଙ୍ଗା ପଡ଼ିବ । ପାକିସ୍ତାନ କେବେ ଭାରତଠାରୁ ସିଧା ସଳଖ ଯୁଦ୍ଧ ଜିତିପାରିବନି । ଯେତେବେଳେ ବି ସିଧାସଳଖ ଯୁଦ୍ଧ ହୋଇଛି ସେତେବେଳେ ପାକିସ୍ତାନକୁ ବେଜିତ ହେବାକୁ ପଡିଛି । ସେଥିପାଇଁ ପାକିସ୍ତାନ ଆତଙ୍କବାଦକୁ ଭାରତ ବିପକ୍ଷରେ ଅସ୍ତ୍ର କରିଛି । ସ୍ୱାଧୀନତା ପରଠୁ ଏହା ହିଁ ହୋଇ ଆସିଛି । ହେଲେ ପାକିସ୍ତାନ ଏହା ଭୁଲି ଯାଇଛି ମା’ ଭାରତୀର ସେବକ ମୋଦୀ ଏଠାରେ ଛାତି ଦେଖାଇ ଛିଡ଼ା ହୋଇଛି ।

ଏବେ ଭାରତ ସ୍ପଷ୍ଟ କରିଦେଇଛି ପ୍ରତ୍ୟେକ ଆତଙ୍କୀ ଆକ୍ରମଣର ଜବାବ ଭାରତ ପାକିସ୍ତାନକୁ ଦେବ । ଆଉ ଏହାର ମୂଲ୍ୟ ପାକିସ୍ତାନର ସେନା ଆଉ ପାକିସ୍ତାନର ଅର୍ଥ ବ୍ୟବସ୍ଥା ସହିବ । ଏବେ ପାକିସ୍ତାନ ସହ କୌଣସି ଟ୍ରେଡ୍ ବିଷୟରେ ନୁହେଁ ବରଂ ପିଓକେ ବିଷୟରେ କଥା ହେବ ଭାରତ । ଯଦି ପାକିସ୍ତାନ ଆତଙ୍କୀ କାର୍ୟ୍ୟକଳାପ ବନ୍ଦ ନକଲା ତାକୁ ବହୁମୂଲ୍ୟ ସହିବାକୁ ପଡ଼ିବ ।

Argus News | argus news | Odisha Latest News, Breaking News, Trending News, Live TV