ଆଜି ଅପରେସନ୍‌ ସିନ୍ଦୂର ଉପରେ ସଂସଦରେ ହେବ ୩୨ଘଣ୍ଟାର ଡିବେଟ୍‌ । ଉଭୟ ରାଜ୍ୟସଭା ଓ ଲୋକସଭାରେ ୧୬ଘଣ୍ଟା ଲେଖାଏଁ ଆଲୋଚନା ହେବ । ସଂସଦର ଉଭୟ ସଦନରେ ଚର୍ଚ୍ଚା ଆରମ୍ଭ କରିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ବିଜନେସ୍‌ ଆଡଭାଇଜରୀ କମିଟି ବୈଠକରେ ଏନେଇ ନିଆଯାଇଥିଲା ନିଷ୍ପତ୍ତି । ଆଜି ଲୋକସଭାରେ ଆସନ୍ତାକାଲି ରାଜ୍ୟସଭାରେ ୧୬ ଘଣ୍ଟା ଅପରେସନ ସିନ୍ଦୂର ଉପରେ ହେବ ମହାବିତର୍କ ।

କେନ୍ଦ୍ର ପ୍ରତିରକ୍ଷା ରାଷ୍ଟ୍ର ମନ୍ତ୍ରୀ ସଞ୍ଜୟ ସେଠ କହିଛନ୍ତି, ଅପରେସନ ସିନ୍ଦୂରକୁ ନେଇ ଆଲୋଚନା ପାଇଁ ସରକାର ପ୍ରସ୍ତୁତ । କିନ୍ତୁ ବିରୋଧୀ ମାନେ ଏଥିପାଇଁ ପ୍ରସ୍ତୁତ ନାହାନ୍ତି । ସେମାନେ ହଟ୍ଟଗୋଳ କରି ଗୃହରେ ଅଚଳାବସ୍ଥା ସୃଷ୍ଟି କରୁଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଅପରେସନ ସିନ୍ଦୂର ଜରିଆରେ କିପରି ଶତୃକୁ ମାତ୍ ଦିଆଯାଇଥିଲା ତାହାର ଉତ୍ତର ରଖାଯିବ ।

ସେପଟେ ଅପରେସନ ସିନ୍ଦୂର ଉପରେ ଆଲୋଚନା ପାଇଁ ସରକାର କରିଛନ୍ତି ସ୍ୱତନ୍ତ୍ର ପ୍ରସ୍ତୁତି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ସିଡିଏସ ଅନିଲ ଚୌହାନ, ପ୍ରତିରକ୍ଷା ସଚିବ ରାଜେଶ କୁମାର ସିଂହ ଏବଂ ତିନି ସେନାର ମୁଖ୍ୟଙ୍କ ସହ ବୈଠକ ହୋଇଛି ।