ବିରୋଧିଙ୍କ ଉପରେ ବର୍ଷିଲେ ଅମିତ୍ ଶାହ । ବିଦେଶ ମନ୍ତ୍ରୀ ଏସ୍ ଜୟଶଙ୍କରଙ୍କ ବକ୍ତବ୍ୟ ବେଳେ ହଟ୍ଟଗୋଳ ନେଇ ବିରୋଧୀଙ୍କ ଉପରେ ବର୍ଷିଲେ କେନ୍ଦ୍ର ଗୃହମନ୍ତ୍ରୀ । ଅମିତ୍ ଶାହ କହିଲେ, ନିଜ ଦେଶର ବିଦେଶ ମନ୍ତ୍ରୀଙ୍କ ଉପରେ ଭରସା ନାହିଁ କିନ୍ତୁ ବିଦେଶ ଉପରେ ରହିଛି ବିରୋଧୀଙ୍କ ଭରସା । ବିରୋଧୀଙ୍କର ଭାରତର ବୈଦେଶିକ ମନ୍ତ୍ରୀଙ୍କ ବକ୍ତବ୍ୟ ଉପରେ ଭରସା ନାହିଁ କିନ୍ତୁ ଅନ୍ୟ ଦେଶ ଉପରେ ଭରସା ରହିଛି ।

ସେହି ଦଳର ବିଦେଶ ସହ କଣ ମହତ୍ତ୍ବ ରହିଛି ସେ ବୁଝିପାରୁଛନ୍ତି । ଏଥିଯୋଗୁଁ ସେମାନେ ବିରୋଧୀ ଆସନରେ ବସିଛନ୍ତି । ଆଗକୁ ଆହୁରି ୨୦ବର୍ଷ ବସିବେ ବୋଲି କେନ୍ଦ୍ର ଗୃହମନ୍ତ୍ରୀ କଟାକ୍ଷ କରିଥିଲେ । ବିରୋଧୀ ମାନେ ପ୍ରଶ୍ନ ପଚାରି ଉତ୍ତର ଶୁଣିବାକୁ ପ୍ରସ୍ତୁତ ନୁହନ୍ତି । ସେମାନେ ଅଯଥା ହଟ୍ଟଗୋଳ ସୃଷ୍ଟି କରିବାକୁ ଚାହୁଁଛନ୍ତି । ଏଭଳି ଗୁରୁତ୍ବପୂର୍ଣ୍ଣ ଆଲୋଚନା ବେଳେ ବିରୋଧୀମାନେ ଧୈର୍ଯ୍ୟର ସହ ଶୁଣିବା ଦରକାର ।