ପାକିସ୍ତାନରୁ ଆସି ମହାକୁମ୍ଭରେ ପ୍ରଥମଥର ବୁଡ଼ ପକାଇଲେ ୫୦ ଜଣ
ଅର୍ଗସ ବ୍ୟୁରୋ: ଭାରତ-ପାକିସ୍ତାନ ମଧ୍ୟରେ ପ୍ରାୟ ସମୟ ସମ୍ବନ୍ଧ ଉତ୍ତେଜନାପୂର୍ଣ୍ଣ ରହୁଛି । କିନ୍ତୁ ଉତ୍ତେଜନା ଭିତରେ ପ୍ରଥମଥର ପାକିସ୍ତାନରୁ ହିନ୍ଦୁ ଆସି ମହାକୁମ୍ଭରେ ସ୍ନାନ କରିଛନ୍ତି । ଜଣେ କି ଦୁଇ ଜଣ ନୁହେଁ ୫୦ରୁ ଅଧିକ ହିନ୍ଦୁ ସୀମାପାର ହୋଇ ମହାକୁମ୍ଭରେ ବୁଡ଼ ପକାଇଛନ୍ତି ।
ପାକିସ୍ତାନ ସିନ୍ଧ ପ୍ରଦେଶର ପ୍ରାୟ ୫୦ ଜଣ ହିନ୍ଦୁ ମହାକୁମ୍ଭକୁ ଆସିଛନ୍ତି । ଗୁରୁବାର ସିନ୍ଧରୁ ଆସି ପ୍ରୟାଗରାଜ ପହଞ୍ଚିଛନ୍ତି ୬୮ ଜଣ ହିନ୍ଦୁ । ମହାକୁମ୍ଭର ସେକ୍ଟର-୯ ସ୍ଥିତ ଶ୍ରୀଗୁଋକାର୍ଷ୍ଣି ଶିବିରରକୁ ସିନ୍ଧରୁ ଆସିଥିବା ଗୋବିନ୍ଦ ରାମ ମାଖିଜା କହିଛନ୍ତି, 'ଆମେ ଯେତେବେଳେ ମହାକୁମ୍ଭ ବିଷୟରେ ଶୁଣିଲୁ ତ ଆସିବାକୁ ଇଚ୍ଛା ହେଲା ।'
📱 Get Argus News App
✨ସେ ଆହୁରି କହିଛନ୍ତି, ଗତବର୍ଷ ଏପ୍ରିଲ୍ ମାସରେ ପାକିସ୍ତାନରୁ ପ୍ରାୟ ୨୫୦ ଜଣ ପ୍ରୟାଗରାଜ ଆସି ବୁଡ଼ ପକାଇଥିଲେ । ଏବେ ସିନ୍ଧର ୬ ଜିଲ୍ଲା- ଗୋଟକି, ସକ୍କର, ଖୈରପୁର, ଶିକାରପୁର, ଫର୍ଜକୋଟ ଓ ଜଟାବାଲର ୬୮ ଜଣ ପ୍ରୟାଗରାଜ ଆସିଛନ୍ତି । ସେଥିମଧ୍ୟରୁ ୫୦ ଜଣ ପ୍ରଥମଥର ମହାକୁମ୍ଭରେ ସାମିଲ୍ ହୋଇଛନ୍ତି ।
ସିନ୍ଧରୁ ଆସିଥିବା ଶ୍ରଦ୍ଧାଳୁ କହିଛନ୍ତି, ଭାରତ ଆସି ବହୁତ ଖୁସି ଅନୁଭବ କରୁଛୁ । ଏଠାକାର ଅନୁଭବ ଓ ଅନୁଭୂତି ବୟାନ କରିବା ଲାଗି ଆମ ନିକଟରେ ଶବ୍ଦ ନାହିଁ । ଆଜି କିଛି ଜଣ ବୁଡ଼ ପକାଇଥିବା ବେଳେ ଅନ୍ୟମାନେ କାଲି ବୁଡ଼ ପକାଇବେ । ଏଠାକୁ ଆସି ସନାତନ ଧର୍ମରେ ଜନ୍ମ ନେଇଥିବାର ଗୌରବ ଅନୁଭବ କରି ପାରୁଥିବା କହିଛନ୍ତି ।