Pahalgam Terror Attack: ଧର୍ମ ପଚାରି ଗୁଳି କରିଥିବା ଲୋକଙ୍କୁ ସ୍ଥାନୀୟ ଲୋକ ଦେଇଥିଲେ ଆଶ୍ରୟ !
Key Points
ଆତଙ୍କୀ ବର୍ବରତା ଭିଆଇଥିବା ତିନି ଆତଙ୍କୀଙ୍କୁ ସେମାନେ ସହଯୋଗ କରିଥିଲେ ।
ଏପ୍ରିଲ ୨୨ ପହଲଗାମରେ ୨୬ଜଣ ନିରୀହ ପର୍ଯ୍ୟଟକଙ୍କୁ ହତ୍ୟା କରାଯାଇଥିଲା ।
ଆତଙ୍କବାଦୀଙ୍କୁ ସେମାନେ ଖାଦ୍ୟ ଦେବା ସହ ରହିବାର ବ୍ୟବସ୍ଥା କରିଥିଲେ ।
ପହଲଗାମ୍ ଆତଙ୍କୀ ଆକ୍ରମଣର ମିଳିଲା ବଡ ପ୍ରମାଣ । ନିରୀହ ପର୍ଯ୍ୟଟକଙ୍କୁ ହତ୍ୟା କରିଥିବା ଆତଙ୍କବାଦୀଙ୍କୁ ସହଯୋଗ କରିଥିବା ଦୁଇଜଣଙ୍କୁ ଗିରଫ କରିଛି ଏନଆଇଏ । ସେମାନେ ପହଲଗାମର ବାସିନ୍ଦା । ଆତଙ୍କୀ ବର୍ବରତା ଭିଆଇଥିବା ତିନି ଆତଙ୍କୀଙ୍କୁ ସେମାନେ ସହଯୋଗ କରିଥିଲେ । ଏଥିସହ ଆକ୍ରମଣ କରିଥିବା ତିନି ଆତଙ୍କବାଦୀ ଲସ୍କର ଏ ତୋଇବା ଆତଙ୍କବାଦୀ ସଂଗଠନର ବୋଲି ସେମାନେ ସ୍ପଷ୍ଟ କରିଛନ୍ତି । ଆତଙ୍କବାଦୀଙ୍କୁ ସେମାନେ ଖାଦ୍ୟ ଦେବା ସହ ରହିବାର ବ୍ୟବସ୍ଥା କରିଥିଲେ । ଆତଙ୍କୀ ଆକ୍ରମଣ ପାଇଁ ସେମାନଙ୍କୁ ଗୁରୁତ୍ବପୂର୍ଣ୍ଣ ତଥ୍ୟ ଯୋଗାଇଥିଲେ । ଏପ୍ରିଲ ୨୨ ପହଲଗାମରେ ୨୬ଜଣ ନିରୀହ ପର୍ଯ୍ୟଟକଙ୍କୁ ହତ୍ୟା କରାଯାଇଥିଲା ।
NIA ତଦନ୍ତ ଅନୁଯାୟୀ, ଗିରଫ ପରଭେଜ ଅହମ୍ମଦ ଏବଂ ବଶିର ଅହମ୍ମଦ ଆକ୍ରମଣ ପୂର୍ବରୁ ହିଲ ପାର୍କର ଏକ କୁଡ଼ିଆରେ ଜାଣିଶୁଣି ତିନି ଜଣ ସଶସ୍ତ୍ର ଆତଙ୍କବାଦୀଙ୍କୁ ଆଶ୍ରୟ ଦେଇଥିଲେ। ସେମାନେ ଦୁହେଁ ୨୨ ଏପ୍ରିଲ ଅପରାହ୍ନରେ ପହଲଗାମ ଗସ୍ତରେ ଆସୁଥିବା ପର୍ଯ୍ୟଟକଙ୍କୁ ସେମାନଙ୍କ ଧାର୍ମିକ ପରିଚୟ ଆଧାରରେ ବାଛି ବାଛି ହତ୍ୟା କରିଥିବା ଆତଙ୍କବାଦୀମାନଙ୍କୁ ଖାଦ୍ୟ, ବାସସ୍ଥାନ ଏବଂ ଲଜିଷ୍ଟିକ୍ ସହାୟତା ଯୋଗାଇଥିଲେ। ଏହି ଆକ୍ରମଣ ଗତ ଦଶନ୍ଧି ମଧ୍ୟରେ ସାଧାରଣ ନାଗରିକଙ୍କ ଉପରେ ହୋଇଥିବା ସବୁଠାରୁ ବଡ଼ ଆତଙ୍କବାଦୀ ଆକ୍ରମଣ ଥିଲା।
ଜାତୀୟ ତଦନ୍ତକାରୀ ସଂସ୍ଥା କହିଛି ଯେ, ଉଭୟ ସନ୍ଦିଗ୍ଧଙ୍କୁ ୧୯୬୭ ମସିହାର ବେଆଇନ କାର୍ଯ୍ୟକଳାପ (ନିବାରଣ) ଆଇନର ଧାରା ୧୯ ଅନୁଯାୟୀ ଗିରଫ କରାଯାଇଛି। ୨୨ ଏପ୍ରିଲରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣ ପରେ ଏକ ମାମଲା ପଞ୍ଜିକରଣ କରିବା ପରେ ତଦନ୍ତକାରୀ ସଂସ୍ଥା ମାମଲାର ଅଧିକ ତଦନ୍ତ କରୁଛି ।
ପହଲଗାମରେ ଆତଙ୍କବାଦୀ ଆକ୍ରମଣ ପରେ, ତଦନ୍ତ ଏଜେନ୍ସିଗୁଡ଼ିକ ଆକ୍ରମଣର ଅପରାଧୀଙ୍କୁ ଗିରଫ କରିବା ପାଇଁ ନିରନ୍ତର ଅଭିଯାନ ଚଳାଇଛନ୍ତି, କିନ୍ତୁ ସେମାନେ ଏପର୍ଯ୍ୟନ୍ତ ଆତଙ୍କବାଦୀଙ୍କ ପାଖରେ ପହଞ୍ଚି ପାରି ନାହାନ୍ତି। ଏପରି ପରିସ୍ଥିତିରେ, ଆତଙ୍କବାଦୀଙ୍କୁ ଆଶ୍ରୟ ଦେବା ଅଭିଯୋଗରେ ଧରାପଡ଼ିଥିବା ଦୁଇ ସ୍ଥାନୀୟ ଲୋକଙ୍କ ମାଧ୍ୟମରେ ତଦନ୍ତ ଏଜେନ୍ସିଗୁଡ଼ିକ ସେମାନଙ୍କ ପାଖରେ ପହଞ୍ଚିପାରିବେ ବୋଲି ଆଶା ସୃଷ୍ଟି ହୋଇଛି।
#WATCH श्रीनगर, जम्मू-कश्मीर: NIA ने पहलगाम आतंकी हमले में शामिल आतंकवादियों को शरण देने के आरोप में 2 लोगों परवेज अहमद जोथर और बशीर अहमद जोथर को गिरफ्तार किया गया है।
— ANI_HindiNews (@AHindinews) June 22, 2025
नेशनल कॉन्फ्रेंस के प्रमुख फारूक अब्दुल्ला ने कहा, "अब हम उनसे पता लगाएंगे कि वे (आतंकवादी) कौन थे और कहां से… pic.twitter.com/5Ro7JyWHsk
