ଏପ୍ରିଲ 22 ତାରିଖ । ମଙ୍ଗଳବାର । ସମୟ 2.45 ରୁ 3 ଟା ହେବ । ସ୍ଥାନ ପହଲଗମ୍ ର ବୈସରନ ଭ୍ୟାଲି । ଏହି ସ୍ଥାନକୁ ଗାଡି ମୋଟର ଯାଏନି । କେବଳ ପାଦରେ ଚାଲି ଚାଲି କିମ୍ବା ଘୋଡା ଉପରେ ବସି ଯିବାକୁ ପଡେ । ଯେହା ଆତଙ୍କବାଦୀଙ୍କ ପାଇଁ ସହଜ ହୋଇଥିଲା । ଆତଙ୍କବାଦୀଙ୍କ ପ୍ରଥମ ଅସ୍ତ୍ର ଥିଲା ସେନା ପୋଷାକ । ଆଉ ମୁଣ୍ଡରେ ହେଲମେଟ୍ । ହେଲମେଟ୍ ରେ ଲାଗିଥାଏ କ୍ୟାମେରା । ପ୍ରଥମେ ସେମାନେ ସୁରକ୍ଷାକର୍ମୀ ହେବାର ନାଟକ କରିଥିଲେ । ପରେ ଲୋକଙ୍କ ବିଶ୍ୱାସ ଜିତି ଅଞ୍ଚଳରେ ପ୍ରବେଶ କରିଥିଲେ । ଦେଖିଥିଲେ ସବୁକିଛି ଠିକ୍ ଠାକ୍ ଚାଲିଛି । ତାପରେ ଫାଙ୍କା ଗୁଳି ଚାଳନା କରିଥିଲେ ।

#WATCH | Dombivali, Maharashtra: Rajshree Akul, sister-in-law of the Pahalgam terror attack victim Atul Mone, says, "We got to know that he (Atul Mone) was killed in the attack. He was shot in the stomach. We request from the government that the terrorists should get severe… pic.twitter.com/9hiEtElffM

— ANI (@ANI) April 23, 2025

ବାହାରେ ଗୁଳି ବର୍ଷା ହେଉଥାଏ । ଟେଣ୍ଟ ଭିତରେ ଥରୁଥାନ୍ତି ପର୍ଯ୍ୟଟକ । ସେନା ପୋଷାକକୁ ହାତରେ ବନ୍ଧୁକ ଧରି ପଶି ଆସିଲେ ଆତଙ୍କବାଦୀ । ଆମକୁ କହିଲେ ତମେ ଇସଲାମର ପଦ ଅର୍ଥାତ୍ କଲମା ଗାଅ । ଯେତେବେଳେ କଲମା ଗାଇ ପାରିଲିନୁ ସେତେବେଳେ ଆଖିବୁଜା ଗୁଳି ଚଳାଇଥିଲେ । ଗୋଟେ ବାଜିଲା ମୁଣ୍ଡରେ...ଗୋଟେ କାନରେ । ଆଉ ଗୋଟିଏ ପିଠିରେ । ଯାହାକୁ ବଖାଣିଛନ୍ତି ସଦ୍ୟ ସଦ୍ୟ ବାପାକୁ ହରାଇଥିବା ଗୋଟେ ଝିଅ ।

ବୟସ 26 ବର୍ଷ । ବାପା ମା ଓ ପୁରା ପରିବାରର ମୋଟ୍ 5 ଜଣଙ୍କ ସହ ବୁଲି ଆସିଥିଲେ ଭାରତର ଭୂସ୍ୱର୍ଗକୁ । ବାପା ବିଜନେସ୍ ମ୍ୟାନ୍ । ଆତଙ୍କୀଙ୍କ ଗୁଳିରେ ସେ ଚିର ଦିନ ପାଇଁ ଶୋଇଯାଇଛନ୍ତି । ବୁକୁ ଫଟେଇ କାନ୍ଦୁଛନ୍ତି ଝିଅ ଓ ମା । ତାଙ୍କ ଆଖି ଆଗରେ ଖାଲି ବାପାଙ୍କର ମୃତ୍ୟୁ ହୋଇନି..ମୃ.ତାଙ୍କ ଦାଦାଙ୍କୁ ମଧ୍ୟ ସେ ହରାଇଛନ୍ତି । ପ୍ରଥମେ ବାପା ଟଳିପଡିବା ପରେ ଅତି ନିର୍ମମ ଭାବେ ଆତଙ୍କୀ ତାଙ୍କ ଦାଦାଙ୍କ ଉପରେ ଗୁଳି ବର୍ଷା କରିଥିଲେ ।

#WATCH | Dombivali, Thane | Rahul Akul, relative of the Pahalgam terror attack victim Atul Mone, says, "...I spoke to his (Atul Mone) wife, who told me that he was shot dead in front of her after he asked if he was a Hindu." pic.twitter.com/rC6jwPuQrS

— ANI (@ANI) April 23, 2025

ଝିଅ କୁହନ୍ତି ଆମେ 5 ଜଣ ବୁଲିବାକୁ ଆସିଥିଲୁ । Mini Switzerlandରେ ବୁଲୁ ବୁଲୁ ହଠାତ୍ ହେଲା ଆକ୍ରମଣ । ପ୍ରଥମେ ଆମେ ଭାବିଲୁ ଏହା ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହେଉଛି । ହେଲେ ଆତଙ୍କବାଦୀମାନେ ସେନା ପୋଷାକରେ ଆସିଥିଲେ । ହିନ୍ଦୁଙ୍କୁ ଖୋଜି ଖୋଜି ମାରିଥିଲେ । କିଏ ସ୍ୱାମୀକୁ ହରାଇ କାନ୍ଦି କାନ୍ଦି କହୁଥିଲା ଯେ ମୋ ସ୍ୱାମୀକୁ ମାରିଲ ତ ମତେ ମାର । ହେଲେ ଆତଙ୍କୀ ମାରିନଥିଲେ କହିଥିଲେ ଯାଅ ତମ ମୋଦିଙ୍କୁ କହିବ ଆମ କଥା । ଅର୍ଥାତ୍ ପ୍ରଧାନମନ୍ତ୍ରୀ ମୋଦିଙ୍କୁ ସମର୍ଥନ କରିଥିବାରୁ ତୁମେ ମାନେ ଦୋଷୀ ବୋଲି କହିଥିଲେ । ଖାଲି ଏତିକି ନୁହେଁ ଆତଙ୍କବାଦୀମାନେ ନୀରିହ ଜନତା ଓ ପିଲାଙ୍କୁ ମାରନ୍ତି ନାହିଁ ଲୋକଙ୍କୁ କହିବାକୁ ତାଙ୍କୁ ବାଧ୍ୟ କରିଥିଲେ ।

#WATCH | Union Home Minister Amit Shah arrives at Baisaran meadow, the site of the Pahalgam terror attack pic.twitter.com/i9f6muLgTq

— ANI (@ANI) April 23, 2025

ପହଲଗମ୍ ରେ ଆତଙ୍କବାଦୀ ଆକ୍ରମଣ ପୁରା ଦେଶକୁ ସ୍ତବ୍ଧ କରିଦେଇଥିବାବେଳେ ଏବେ ସାମନାକୁ ଆସୁଛି ବୈସରନ ଭ୍ୟାଲିର ସୁନ୍ଦର ସୁନ୍ଦର ଚିତ୍ର । ଯେଉଁମାନେ ପୂର୍ବରୁ ଏହି ସ୍ଥାନକୁ ବୁଲିବାକୁ ଯାଇଥିଲେ, ଫଟୋ ପୋଷ୍ଟ କରି ଦୁଃଖ ପ୍ରକାଶ କରିଛନ୍ତି । ବିଶ୍ୱାସ ମଧ୍ୟ କରି ପାରୁନାହାନ୍ତି ଯେ ଏତେ ସୁନ୍ଦର ପର୍ଯ୍ୟଟନ ସ୍ଥଳରେ ଏମିତି ହୃଦୟ ବିଦାରକ ଘଟଣା ଘଟିଯାଇଛି । ଯେଉଁଠି ସେମାନେ ସୁନ୍ଦର ସ୍ମୃତି ସାଉଁଟି ଫେରିଥିଲେ..ସେଠି କାହାର ସିନ୍ଦୁର ଲିଭିଯାଇଛି ତ କିଏ ଅନାଥ ହୋଇଯାଇଛି । ଆଉ କାହାର ସୁଖ ଛଡେଇ ନେଇଛି କାଶ୍ମୀର ।