ପହଲଗାମ ଆକ୍ରମଣକୁ ନେଇ ବଡ଼ ଖବର । ଆକ୍ରମଣରେ ସାମିଲ ଥିଲେ ୪ ଜଣ ଆତଙ୍କବାଦୀ । ୩ ଜଣ ବିଦେଶୀ ଓ ଜଣେ ସ୍ଥାନୀୟ ଆତଙ୍କୀ ଆକ୍ରମଣରେ ସାମିଲ । ବେସରନ ଘାଟିକୁ ଚାଲି ଚାଲି ଆସିଥିଲେ ଆତଙ୍କବାଦୀ । କୋକରନାଗରୁ ବେସରନ ଘାଟି ଯାଏଁ ଚାଲି ଚାଲି ଆସିଥିଲେ ଆତଙ୍କୀ । ୨୨ ଘଣ୍ଟା ଧରି ଚାଲି ଚାଲି ପହଞ୍ଚିଥିଲେ ଆତଙ୍କବାଦୀ ।

AK-47, M-4 ରାଇଫଲର ବ୍ୟବହାର କରିଥିଲେ ଆତଙ୍କୀ । ଆତଙ୍କବାଦୀ ଆଦିଲ୍ ଥୋକର ଆକ୍ରମଣ ପାଇଁ ଗାଇଡ୍ କରିଥିଲା । ଆକ୍ରମଣ ପୂର୍ବରୁ ଦୁଇ ଜଣଙ୍କଠାରୁ ମୋବାଇଲ୍ ଛଡ଼ାଇଥିଲେ ଆତଙ୍କୀ । ଜଣେ ପର୍ଯ୍ୟଟକ ଓ ଜଣେ ସ୍ଥାନୀୟ ଲୋକଠାରୁ ମୋବାଇଲ୍ ଛଡ଼ାଇଥିଲେ ଆତଙ୍କବାଦୀ ।

ତେବେ ଜାମ୍ମୁ-କାଶ୍ମୀର ପହଲଗାମ୍‌ ହମ୍‌ଲା ପରେ ବଡ଼ ଦମନ ଅପରେସନ୍‌ । ଧୂଳିସାତ୍ ହେଉଛି ଗୋଟିଏ ପରେ ଗୋଟିଏ ଆତଙ୍କୀଙ୍କ ଘର । ପହଲଗାମ ଆକ୍ରମଣରେ ସମ୍ପୃକ୍ତ ଆଉ ୩ ଜଣ ଆତଙ୍କବାଦୀଙ୍କ ଘର ବିସ୍ଫୋରଣରେ ଉଡ଼ାଇ ଦେଇଛନ୍ତି ଭାରତୀୟ ସୁରକ୍ଷା ବାହିନୀ। ବାନ୍ଦିପୋରା, ପୁଲୱାମା ଓ ସୋପିଆନ୍ ଜିଲ୍ଲାରେ ରହିଛି ଏହି ୩ ଆତଙ୍କବାଦୀଙ୍କର ଘର । ୩ ଆତଙ୍କବାଦୀ ହେଲେ ଅଦନାନ ସାଫି, ଅମିର୍ ନାଜିର, ଜାମିଲ୍ ଅହମ୍ମଦ ସେରଗୋଜରି।

ଗତବର୍ଷ ଆତଙ୍କବାଦୀ ସଂଗଠନରେ ଯୋଗ ଦେଇଥିବା ସୋପିଆନ୍ ଜିଲ୍ଲାର ୱାନ୍ଦିନା ଗାଁରେ ଥିବା ଆତଙ୍କବାଦୀ ଅଦନାନ ସାଫିର ଘରକୁ ନଷ୍ଟ କରିଦିଆଯାଇଛି । ସେହିପରି ପୁଲୱାମା ଜିଲ୍ଲାର ଆତଙ୍କବାଦୀ ଅମିର୍ ନାଜିର ଏବଂ ବାନ୍ଦିପୋରାରେ ଥିବା ଲସ୍କର ଏ ତୋଇବାର ଆତଙ୍କୀ ଜାମିଲ୍ ଅହମ୍ମଦ ସେରଗୋଜରିର ଘର ବି ଧୂଳିସାତ୍ କରାଯାଇଛି। ଜାମିଲ୍ 2016ରୁ ଆତଙ୍କବାଦୀ କାର୍ଯ୍ୟକଳାପରେ ସମ୍ପୃକ୍ତ ଅଛି। ଏଥିସହ ମୋଟ 9 ଜଣ ଆତଙ୍କବାଦୀଙ୍କର ଘର ଧୂଳିସାତ୍ ହେଲାଣି ।

ଶନିବାର ସନ୍ଧ୍ୟାରେ ଉତ୍ତର କାଶ୍ମୀରର ପୁକୱାରାର ସ୍ଥିତ ନାରିକୁଟ ଅଞ୍ଚଳରେ ଥିବା ଲସ୍କର ଏ ତୋଏବା ଆତଙ୍କାବଦୀ ଫାରୁକ ଅହମ୍ମଦ ତେଦବାର ଘରକୁ ବିସ୍ଫୋରଣରେ ଉଡାଇ ଦିଆଯାଇଥିଲା । ଫାରୁକ ଏବେ ପାକିସ୍ତାନରେ ରହି କାଶ୍ମୀରେ ଆତଙ୍କବାଦୀ ଆକ୍ରମଣ ପାଇଁ ପାକିସ୍ତାନ ସେନାକୁ ସାହାଯ୍ୟ କରୁଥିବା ଜଣାପଡ଼ିବା ପରେ ଏହି ପଦକ୍ଷେପ ନିଆଯାଇଛି । ଗତକାଲି ସକାଳେ ପୁଲୱାମା, ସୋପିଆନ୍‌ ଓ କୁଲଗାମ୍‌ରେ ୩ ଆତଙ୍କୀଙ୍କ ଘର ଧୂଳିସାତ୍ କରିଥିଲେ ସୁରକ୍ଷାକର୍ମୀ ।

ପୁଲୱାମାରେ ଆତଙ୍କୀ ଏହସାନ୍‌, ସୋପିଆନ୍‌ରେ ଆତଙ୍କୀ ଶାହିଦ୍‌ର ଘର ଓ କୁଲଗାମ୍‌ରେ ଆତଙ୍କୀ ଜାକିରର ଘର ମାଟିରେ ମିଶାଇଛନ୍ତି ସୁରକ୍ଷାକର୍ମୀ । ଶୁକ୍ରବାର ଜମ୍ମୁ କାଶ୍ମୀର ବିଜବେହାରାରେ ଆତଙ୍କବାଦୀ ଆଦିଲର ଘର ଧ୍ବଂସ ସ୍ତୁପରେ ପରିଣତ ହୋଇଥିଲା । ସେହିପରି ତ୍ରାଲରେ ଆତଙ୍କବାଦୀ ଆସିଫ ଶେଖର ଘରକୁ ଆଇଡି ବ୍ଲାଷ୍ଟ କରି ଉଡାଇ ଦିଆଯାଇଥିଲା । ଦୁଇ ଆତଙ୍କବାଦୀ ପହଲଗାଓଁ ନରସଂହାରରେ ଥିଲେ ସାମିଲ ।

Argus News | argus news | Odisha Latest News, Breaking News, Trending News, Live TV