ଭାରତ ଭିତରେ ଆଟାକ କରିବା ପାଇଁ ପାକିସ୍ତାନ ଯୋଜନା କରୁଥିବା ବିଶେଷ ଗୁଇନ୍ଦା ସୂତ୍ରରୁ ସୂଚନା ମିଳିଛି। ଏପରିକି ରାଜଧାନୀ ଦିଲ୍ଲୀରେ ଏହି ଆକ୍ରମଣ ହେବା ନେଇ ଚିନ୍ତା ପ୍ରକଟ ହୋଇଛି। ଗୁଇନ୍ଦା ବିଭାଗରୁ ଆସିଥିବା ସୂଚନା ଅନୁଯାୟୀ ବାଂଲାଦେଶ ଦେଇ କିଛି ପାକିସ୍ତାନୀ ଆତଙ୍କୀ ଦେଶରେ ପଶିପାରନ୍ତି ଓ ସେମାନେ ଆସନ୍ତା ଗଣତନ୍ତ୍ର ଦିବସରେ ଆଟାକ କରିବା ପାଇଁ ଯୋଜନା କରୁଛନ୍ତି।

ଏଣୁ ଏହା ଆଗରୁ ପ୍ରଶାସନକୁ ସତର୍କ ରହିବା ପାଇଁ କୁହାଯାଇଛି। ସେପଟେ ଦିଲ୍ଲୀ ସମେତ ଜାମ୍ମୁ ଓ କାଶ୍ମିରୀରେ କଡା ସୁରକ୍ଷା ବ୍ୟବସ୍ଥା କରାଯାଇଛି।
ଏହି ବିପଦକୁ ଦୃଷ୍ଟିରେ ରଖି, ସାରା ଦେଶରେ, ବିଶେଷକରି ଦିଲ୍ଲୀ ଏବଂ ଜମ୍ମୁ ଏବଂ କାଶ୍ମୀରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ଦିଲ୍ଲୀ ପୋଲିସର ସୂଚନା ଅନୁଯାୟୀ, ଏକ ସମନ୍ୱିତ ଫେସ ରେକଗନାଇଜେସନ ପ୍ରଣାଳୀ (FRS) ଏବଂ ଥର୍ମାଲ୍ ଇମେଜିଂ ପ୍ରଯୁକ୍ତିବିଦ୍ୟା ସହିତ ସଜ୍ଜିତ AI-ସକ୍ଷମ ସ୍ମାର୍ଟ ଚଷମା ମଧ୍ୟ ନିୟୋଜିତ କରିଛି।

ଏହି ସ୍ମାର୍ଟ ଚଷମା କିଛି ସେକେଣ୍ଡ ମଧ୍ୟରେ ମୁହଁ ସ୍କାନ କରିପାରିବ ଏବଂ ସୁରକ୍ଷା ଏଜେନ୍ସିଗୁଡ଼ିକୁ ଜନଗହଳିପୂର୍ଣ୍ଣ ଅଞ୍ଚଳରେ ସତର୍କତା ବଜାୟ ରଖିବାରେ ସାହାଯ୍ୟ କରିବ।

ସୁରକ୍ଷା ବାହିନୀ ଜମ୍ମୁ ଏବଂ କାଶ୍ମୀରରେ ମଧ୍ୟ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିଛି, ପୋଲିସ ମହାନିର୍ଦ୍ଦେଶକ (DGP) ନଲିନ୍ ପ୍ରଭାତ ସମ୍ପ୍ରତି ଉପତ୍ୟକାର ସୁରକ୍ଷା ସମୀକ୍ଷା କରିଛନ୍ତି।

ଅଧିକାରୀଙ୍କ ସହିତ ଏକ ବୈଠକରେ, ଡିଜିପି କହିଛନ୍ତି ଯେ କର୍ମଚାରୀମାନେ ଆଇନର ଶାସନ ବଜାୟ ରଖିବା ପାଇଁ ନିଷ୍ଠା, ବୃତ୍ତିଗତତା ଏବଂ ପ୍ରତିବଦ୍ଧତାର ସହିତ କାମ କରିବା ସହିତ ଏକ ଲୋକ-ଅନୁକୂଳ ପୋଲିସିଂ ଆଭିମୁଖ୍ୟ ବଜାୟ ରଖିବା ଉଚିତ।

ଲୋକଙ୍କ ସୁରକ୍ଷାକୁ ନଜରରେ ରଖି ପ୍ରଶାସନ ସମସ୍ତ ସ୍ଥାନରେ ପୋଲିସ ମୁତୟନ କରିବା ସହ ଗଣତନ୍ତ୍ର ଦିବସ ପାଇଁ ଆଜି ଠାରୁ ଯାତାୟାତ ସମୟରେ ଯାନବାହନ ଯାଞ୍ଚ ପ୍ରକ୍ରିୟା ଆରମ୍ଭ କରିଦେଇଛି।

ଏହାସହ ପଢ଼ନ୍ତୁ: ରାଜ୍ୟ ସରକାରଙ୍କ ଛାଟ, ପିଲାଙ୍କ ପାଇଁ ସୋସିଆଲ ମିଡିଆ ବ୍ୟାନ୍‌...

ଏଣିକି ଆଉ ପିଲାମାନେ ବ୍ୟବହାର କରିପାରିବେନି ସୋସିଆଲ ମିଡିଆ। ଏହି ଦେଶରେ ପିଲାମାନଙ୍କ ସୋସିଆଲ ମିଡିଆ ବ୍ୟବହାର ଉପରେ ଲାଗିଲା ବ୍ରେକ। ଆନ୍ଧ୍ର ପ୍ରଦେଶର ଚନ୍ଦ୍ରବାବୁ ନାଇଡ଼ୁ ସରକାର ୧୬ ବର୍ଷରୁ କମ ବୟସ ପିଲାଙ୍କ ପାଇଁ ସୋସିଆଲ୍ ମିଡିଆ ଉପରେ ପ୍ରତିବନ୍ଧକ ଲଗାଇବା ଉପରେ ଯୋଜନା କରୁଛନ୍ତି । ରିଲ୍ସ ନିଶା ସମସ୍ତଙ୍କୁ ଘାରିଛି। ସେ ଛୋଟ ପିଲା ହୁଅନ୍ତୁ ଅବା ବୟସ୍କ। ଭାଇରାଲ ହେବାର ନିଶା ଏତେ ଘାରିଛି ଯେ, ଦିନ ବିତୁଛି ରିଲ୍ସରେ ଆଉ ସକାଳ ଆରମ୍ଭ ହେଉଛି ରିଲ୍ସ ଦୁନିଆରୁ। ପିଲାମାନେ ମଧ୍ୟ ପାଠ ନପଢ଼ି ଆଜିକାଲି ରିଲ୍ସ ଏବଂ ଭିଡିଓ କରିବାରେ ବ୍ୟସ୍ତ ହୋଇଯାଉଛନ୍ତି। ଯାହାକୁ ଦୃଷ୍ଟିରେ ରଖି ସରକାର ଏଭଳି ପଦକ୍ଷେପ ଗ୍ରହଣ କରିଛନ୍ତି।

ରାଜ୍ୟର ଆଇଟି ମନ୍ତ୍ରୀ ନାରା ଲୋକେସ ସ୍ୱିଜରଲାଣ୍ଡର ଡାଭୋସରେ ଆୟୋଜିତ ୱାର୍ଲଡ ଇକୋନୋମିକ ଫୋରମରେ ବ୍ଲୁମବର୍ଗ ସହ ଆଲୋଚନାରେ ଏହା କହିଛନ୍ତି । ନାରା ଲୋକେସ ସ୍ପଷ୍ଟ କରିଛନ୍ତି ଯେ କମ ବୟସ ପିଲାଙ୍କୁ ସୋସିଆଲ୍ ମିଡିଆରେ ଉପଲବ୍ଧ ଅନେକ ପ୍ରକାର ସାମଗ୍ରୀକୁ ସଠିକ୍ ଭାବେ ବୁଝିପାରନ୍ତି ନାହିଁ, ଯାହା ସେମାନଙ୍କ ମାନସିକ ଓ ଭାବନାତ୍ମକ ବିକାଶ ଉପରେ ନକାରାତ୍ମକ ପ୍ରଭାବ ପକାଇଥାଏ ।ଟିଡିପିର ରାଷ୍ଟ୍ରୀୟ ମୁଖ୍ୟପାତ୍ର ଦୀପକ ରେଡ୍ଡୀ ଏହି ପ୍ରସ୍ତାବକୁ ସମର୍ଥନ କରି କହିଛନ୍ତି, ପୂର୍ବ ସରକାର ସମୟରେ ସୋସିଆଲ୍ ମିଡିଆର ଦୁରୁପଯୋଗ ହେଉଥିଲା ଓ ମୁଖ୍ୟତଃ ମହିଳାଙ୍କ ବିରୁଦ୍ଧରେ ଆପତ୍ତିଜନକ ଓ ଅପମାନଜନକ ଆକ୍ରମଣ କରାଯାଉଥିଲା । ସେ କହିଛନ୍ତି, କମ ବୟସର ପିଲାମାନେ ଭାବନାତ୍ମକ ଭାବେ ପରିପକ୍ୱ ନଥାନ୍ତି ଏବଂ ନକାରାତ୍ମକ କଣ୍ଟେଣ୍ଟକୁ ବୁଝିପାରନ୍ତି ନାହିଁ ।