ଚାରିଆଡୁ ଚାପ ପରେ ନଇଁଲା ପାକିସ୍ତାନ । ପହଲଗାମ ଆତଙ୍କବାଦୀ ଆକ୍ରମଣର ତଦନ୍ତ ପାଇଁ ରାଜି ହୋଇଛି ପାକିସ୍ତାନ । ଘଟଣାର ନିରପେକ୍ଷ ତଦନ୍ତ ପାଇଁ ରାଜି ହୋଇଛନ୍ତି ପାକିସ୍ତାନର ପ୍ରଧାନମନ୍ତ୍ରୀ ଶେହବାଜ ସରିଫ୍ । ଏପରିକି ତଦନ୍ତରେ ପାକିସ୍ତାନ ସମସ୍ତ ପ୍ରକାର ସହଯୋଗ କରିବ ବୋଲି ସେ କହିଛନ୍ତି । ପାକିସ୍ତାନ ଆତଙ୍କୀବାଦୀ ସଂଗଠନ ଦି ରେଜିଷ୍ଟାନ୍ସ ଫ୍ରଣ୍ଟ ପହଲଗାମ୍ ଆତଙ୍କବାଦୀ ଆକ୍ରମଣ ପାଇଁ ନିଜକୁ ଦାୟୀ କରିଛି । ଏହି ସଂଗଠନକୁ ଲସ୍କର ଇ ତୋଇବା ଆତଙ୍କୀ ସଂଗଠନ ପକ୍ଷରୁ ସମର୍ଥନ ମିଳୁଛି ।

ପହଲଗାମ୍ ଆତଙ୍କୀ ଆକ୍ରମଣରେ ଦୁଇଜଣ ପାକ୍ ଆତଙ୍କବାଦୀଙ୍କ ହାତ ଥିବା ଠୋସ୍ ପ୍ରମାଣ ମିଳିଛି । ସେପଟ ଜାତିସଂଘ ସୁରକ୍ଷା ପରିଷଦ ପକ୍ଷରୁ ପହଲଗାମ୍ ଆତଙ୍କୀ ଆକ୍ରମଣକୁ ନିନ୍ଦା କରାଯାଇଛି । ସେମାନଙ୍କୁ ପ୍ରୋତ୍ସାହନ, ଆର୍ଥିକ ସହାୟତା, ସଂଗଠିତ କରିବାକୁ ଉଦ୍ୟମ କରିଥିବା ଆତଙ୍କୀ ମାନଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ନେବାକୁ ସୁରକ୍ଷା ପରିଷଦର ସଦସ୍ୟମାନେ ପ୍ରସ୍ତାବ ଦେଇଛନ୍ତି।