Pahalgam Terrorist Attack: ଏପଟେ ପାଣି ବନ୍ଦ କଲା ଭାରତ, ସେପଟେ ଡ୍ୟାମ୍ ଖୋଲି ଭସାଇଦେଲା POK !
ହାତରେ ନୁହେଁ ଭାତରେ ପାକିସ୍ତାନକୁ ମାରୁଛି ଭାରତ । ଏପଟେ ପାଣି ବନ୍ଦ କରି ଶୁଖାଇଦେଲା, ସେପଟେ ପାଣି ଛାଡ଼ି ଭସାଇଦେଲା । POKରେ ବନ୍ୟା ସ୍ଥିତି । ଗୋଟିଏ ପଟେ ପାଣି ବନ୍ଦ କଲା, ଅନ୍ୟପଟେ ପାଣିରେ ଭସାଇଦେଲା ଭାରତ ।
ପହଲଗାମରେ ହିନ୍ଦୁଙ୍କ ହତ୍ୟାକାଣ୍ଡ ପରେ ଭାରତ-ପାକିସ୍ତାନ ସମ୍ପର୍କ ଅଧିକ ତିକ୍ତ ହୋଇଛି। ପଡ଼ୋଶୀ ଦେଶକୁ ପାନେ ଦେବା ପାଇଁ ଭାରତ ଅନେକ କଟକଣା ଲଗାଇଛି। ଏଥିରେ ସିନ୍ଧୁ ଜଳ ଚୁକ୍ତି ସ୍ଥଗିତ ରଖିବା ମଧ୍ୟ ସାମିଲ ରହିଛି। ଭାରତର ପ୍ରତିବନ୍ଧକ ଯୋଗୁଁ ସମଗ୍ର ପାକିସ୍ତାନ ଆତଙ୍କିତ ଅବସ୍ଥାରେ ରହିଛି। ପାକିସ୍ତାନୀ ନେତାମାନଙ୍କ ବୟାନ ଦର୍ଶାଉଛି ଯେ ସେଠାରେ ପରିସ୍ଥିତି ଆହୁରି ଖରାପ। ଏବେ ଖବର ଆସୁଛି ଯେ ପିଓକେରେ ଝେଲମ୍ ନଦୀର ଜଳସ୍ତର ହଠାତ୍ ବୃଦ୍ଧି ପାଇଛି। ସେଠାରେ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଛି। ସ୍ଥାନୀୟ ଅଧିକାରୀଙ୍କ କହିବା କଥା ଭାରତ ଶନିବାର କୌଣସି ପୂର୍ବ ସୂଚନା ବିନା 'ଉରି ଡ୍ୟାମ୍'ରୁ ପାଣି ଛାଡ଼ିଛି। ପିଓକେର ଅଧିକାରୀମାନେ ଭାରତକୁ "ଜଳ ଆତଙ୍କବାଦ" ବୋଲି ଅଭିଯୋଗ କରିଛନ୍ତି।
ପାଣି ଛାଡିବା ଫଳରେ POKର ହାତିଆନ ବାଲାରେ ଜଳ ଜରୁରୀକାଳୀନ ପରିସ୍ଥିତି ସୃଷ୍ଟି ହୋଇଛି। ନଦୀ କୂଳରେ ରହୁଥିବା ସ୍ଥାନୀୟ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର ହେବାକୁ ପଡିଛି। ତେବେ ପାକିସ୍ତାନର ଏଭଳି ଦାବି ଉପରେ ଭାରତ ପକ୍ଷରୁ କୌଣସି ସ୍ପଷ୍ଟିକରଣ କିମ୍ବା ପ୍ରତ୍ୟାଖ୍ୟାନ କରାଯାଇ ନାହିଁ। ପାକିସ୍ତାନୀ ଅଧିକାରୀ ଏହି ପଦକ୍ଷେପକୁ ଅନ୍ତର୍ଜାତୀୟ ମାନଦଣ୍ଡ ଏବଂ ସିନ୍ଧୁ ଜଳ ଚୁକ୍ତିନାମାର ଉଲ୍ଲଂଘନ ବୋଲି କହିଛନ୍ତି।
ଆପଣଙ୍କୁ କହିରଖୁଛୁ ଯେ ୨୨ ଏପ୍ରିଲରେ ପହଲଗାମରେ ଆତଙ୍କବାଦୀଙ୍କ ଦ୍ୱାରା ହିନ୍ଦୁଙ୍କ ନରସଂହାର ପରେ, ଭାରତ ୨୩ ଏପ୍ରିଲରେ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିଥିଲା। ପିଓକେରେ ରହୁଥିବା ଲୋକମାନେ କହିଛନ୍ତି ଯେ ଜଳର ଦ୍ରୁତ ପ୍ରବାହ ଯୋଗୁଁ ଆମେ ଆମର ଧନ ଜୀବନ ରକ୍ଷା କରିବାକୁ ସଂଘର୍ଷ କରୁଛୁ।
ଜୀବନ ବିକଳରେ ଧାଉଁଛନ୍ତି ପାକିସ୍ତାନୀ
ଭାରତୀୟ ଗଣମାଧ୍ୟମ ପକ୍ଷରୁ ଦାବି କରାଯାଇଛି ଯେ ଜମ୍ମୁ-କାଶ୍ମୀରରେ ସମ୍ପ୍ରତି ହୋଇଥିବା ପ୍ରବଳ ବର୍ଷା ଯୋଗୁଁ ପାଣି ଛଡାଯାଇଛି। ପିଓକେ ରାଜଧାନୀ ମୁଜାଫରାବାଦ ଏବଂ ଚାକୋଠିରେ, ସ୍ଥାନୀୟ କର୍ତ୍ତୃପକ୍ଷ ଲାଉଡସ୍ପିକର ମାଧ୍ୟମରେ ଚେତାବନୀ ଦେଇଥିଲେ। ନଦୀର ଜଳସ୍ତର ଦ୍ରୁତ ଗତିରେ ବୃଦ୍ଧି ପାଇବା ହେତୁ, ସ୍ଥାନୀୟ ଲୋକଙ୍କୁ ଯଥାଶୀଘ୍ର ତଳିଆ ଅଞ୍ଚଳ ଖାଲି କରିବାକୁ ଅନୁରୋଧ କରାଯାଇଥିଲା। ପିଓକେର ନଦୀକୂଳ ଗାଁ ଡୁମେଲର ବାସିନ୍ଦା ମହମ୍ମଦ ଆସିଫ କହିଛନ୍ତି ଯେ ଆମେ କୌଣସି ସତର୍କ ସୂଚନା ପାଇନାହୁଁ। ହଠାତ୍ ପାଣି ମାଡ଼ି ଆସିଲା । ଯେଉଁଥିପାଇଁ ଆମେ ଧନ ଜୀବନ ବଞ୍ଚାଇବା ପାଇଁ ଲାଗିପଡ଼ିଲୁ ।
ପିଓକେର ରାଜଧାନୀ ମୁଜାଫରାବାଦର ଜଣେ ଜିଲ୍ଲା ସରକାରୀ ଅଧିକାରୀ ନାଗରିକମାନଙ୍କୁ ନଦୀ କୂଳ କିମ୍ବା ନିକଟବର୍ତ୍ତୀ ଅଞ୍ଚଳରୁ ଦୂରରେ ରହିବାକୁ ପରାମର୍ଶ ଦେଇଛନ୍ତି। ଅଧିକାରୀ କହିଛନ୍ତି ଯେ ଭାରତ ଝେଲମ୍ ନଦୀରୁ ସ୍ୱାଭାବିକ ଅପେକ୍ଷା ଅଧିକ ପାଣି ଛାଡ଼ିବା ଯୋଗୁଁ ମଧ୍ୟମ ଧରଣର ବନ୍ୟା ସ୍ଥିତି ସୃଷ୍ଟି ହୋଇଛି।
କୋହଲା ଏବଂ ଧାଲକୋଟର ତଳିଆ ଅଞ୍ଚଳରେ ମଧ୍ୟମ ଧରଣର ବନ୍ୟା ଆସିଥିବା ସୂଚନା ମିଳିଛି। ପଶୁପକ୍ଷୀ ଏବଂ ଫସଲର ପ୍ରବଳ କ୍ଷତି ହୋଇଥିବା ନେଇ ରିପୋର୍ଟ ଆସିଛି। ଆମେ ଆପଣଙ୍କୁ କହି ରଖୁଛୁ ଯେ ଏକ ଚୁକ୍ତିନାମା ହୋଇଛି। ଯାହା ବିଶ୍ୱ ବ୍ୟାଙ୍କ ଦ୍ୱାରା ବଣ୍ଟାଯାଇଥିବା ନଦୀ ଜଳକୁ ନିୟନ୍ତ୍ରଣ କରିବା ପାଇଁ ଏହା କରାଯାଇଥିଲା। ଏହି ଚୁକ୍ତିନାମା ଅନୁଯାୟୀ ଦୁଇ ଦେଶ ପାଣି ଛାଡ଼ିବାକୁ ନେଇ ସୂଚନା ଆଦାନପ୍ରଦାନ କରିବେ।
ଅଧିକାରୀମାନେ କହିଛନ୍ତି ଯେ ଏବେ ସବୁଠାରୁ ବଡ଼ ଲକ୍ଷ ହେଲା, ସ୍ଥାନୀୟ ବାସିନ୍ଦାଙ୍କ ସୁରକ୍ଷା । ଏହା ଉପରେ ଅଧିକ ଗୁରୁତ୍ୱ ଦିଆଯାଉଛି। ହାତିଆନ୍ ବାଲା ପ୍ରଶାସନ ଅସ୍ଥାୟୀ ଆଶ୍ରୟସ୍ଥଳ ବ୍ୟବସ୍ଥା କରିଛି । ଏହାସହ ଉଦ୍ଧାର କାର୍ଯ୍ୟ ପାଇଁ ସ୍ୱତନ୍ତ୍ର ଟିମ୍ ମଧ୍ୟ ନିୟୋଜିତ କରିଛି। ଆମେ ଯାହା କରିପାରିବୁ ତାହା କରୁଛୁ, କିନ୍ତୁ ଏହି ସଙ୍କଟର ପରିମାଣ ବହୁତ ଅଧିକ ବୋଲି କହିଛନ୍ତି ଜିଲ୍ଲା କମିଶନର ବିଲାଲ ଅହମ୍ମଦ ।
