ପୁଣି ଆଉ ଏକ ଷ୍ଟ୍ରାଇକ, କଳାକାରଙ୍କ ପରେ ଫିଲ୍ମ-ଗୀତ ଓ ସିରିଜ୍ ବ୍ୟାନ୍
ପୁଣି ଆଉ ଏକ ଷ୍ଟ୍ରାଇକ। ପାକିସ୍ତାନର ଅଣ୍ଟା ଭାଙ୍ଗିଲା ଭାରତ। ଗୋଟିଏ ପରେ ଗେଟାଟିଏ ଷ୍ଟ୍ରାଇକ୍ ମାଧ୍ୟମରେ ପାକିସ୍ତାନକୁ ଭିକ ମାଗିବାକୁ ବାଧ୍ୟ କଲାଣି ଭାରତ। ଭାରତ ସରକାର ଭାରତରେ ଥିବା ଅନେକ ପାକିସ୍ତାନୀ ସେଲିବ୍ରିଟିଙ୍କ ସୋସିଆଲ ମିଡିଆ ଆକାଉଣ୍ଟକୁ ବ୍ୟାନ୍ କରିଥିଲେ। ଏଥିରେ ପାକିସ୍ତାନୀ ଫିଲ୍ମ, ଗୀତ, ୱେବ୍ ସିରିଜ୍ ଏବଂ ପଡକାଷ୍ଟ ଭଳି ବିଷୟବସ୍ତୁ ସାମିଲ। ସୂଚନା ଏବଂ ପ୍ରସାରଣ ମନ୍ତ୍ରଣାଳୟ OTT ପ୍ଲାଟଫର୍ମ ଏବଂ ମିଡିଆ ଷ୍ଟ୍ରିମିଂ ପ୍ଲାଟଫର୍ମ ଗୁଡ଼ିକୁ ଏକ ପରାମର୍ଶ ଜାରି କରିଛି। ଏହାର ଅର୍ଥ ହେଉଛି OTT ପ୍ଲାଟଫର୍ମ, YouTube ଏବଂ ସମସ୍ତ ପ୍ରକାରର ଅଡିଓ ଷ୍ଟ୍ରିମିଂ ପ୍ଲାଟଫର୍ମରେ ପାକିସ୍ତାନରେ ନିର୍ମିତ ସମସ୍ତ ପ୍ରକାରର ବିଷୟବସ୍ତୁ ଭାରତରେ ନିଷିଦ୍ଧ କରାଯାଇଛି।
ସରକାର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ଏଥିରେ କୁହାଯାଇଛି ଯେ ଭାରତରେ ହୋଇଥିବା ଅନେକ ଆତଙ୍କବାଦୀ ଆକ୍ରମଣରେ ପାକିସ୍ତାନ ସରକାରୀ ଏବଂ ଅଣ-ସରକାରୀ ଉପାଦାନଗୁଡ଼ିକର ଲିଙ୍କ୍ ମିଳିଛି। ଭାରତ ୭ ମେ’ ରାତିରେ ପାକିସ୍ତାନର ୯ଟି ଆତଙ୍କବାଦୀ ଶିବିର ଉପରେ କ୍ଷେପଣାସ୍ତ୍ର ମାଡ଼ କରିଥିଲା। ଏବେ ଭାରତ ପାକିସ୍ତାନକୁ ଆଉ ଏକ ବଡ଼ ଝଟକା ଦେଇଛି। ଭାରତରେ ପାକିସ୍ତାନରେ ତିଆରି ସମସ୍ତ ପ୍ରକାରର କନଣ୍ଟେଣ୍ଟକୁ ନିଷିଦ୍ଧ କରିବା ପାଇଁ ଏକ ନିର୍ଦ୍ଦେଶ ଜାରି କରାଯାଇଛି। ଯେଉଁଥିରେ କୁହାଯାଇଛି ଯେ ଏବେ ଠାରୁ, ପାକିସ୍ତାନରୁ ସମସ୍ତ ପ୍ରକାରର କନଣ୍ଟେଣ୍ଟ ଭାରତରେ ପ୍ରଦର୍ଶନ ବନ୍ଦ କରାଯିବା ଉଚିତ।
ମନ୍ତ୍ରଣାଳୟର ଆଡଭାଇଜରୀ କହିଛି, “ଜାତୀୟ ସୁରକ୍ଷାକୁ ଧ୍ୟାନରେ ରଖି, ସମସ୍ତ OTT ପ୍ଲାଟଫର୍ମ, ମିଡିଆ ଷ୍ଟ୍ରିମିଂ ପ୍ଲାଟଫର୍ମ ଏବଂ ମଧ୍ୟସ୍ଥିମାନଙ୍କୁ ପରାମର୍ଶ ଦିଆଯାଉଛି ଯେ ସେମାନେ ପାକିସ୍ତାନରେ ନିର୍ମିତ ୱେବ୍ ସିରିଜ୍, ସିନେମା, ଗୀତ, ପଡକାଷ୍ଟ ଏବଂ ଅନ୍ୟାନ୍ୟ ଷ୍ଟ୍ରିମିଂ ମିଡିଆ ବିଷୟବସ୍ତୁକୁ ତୁରନ୍ତ ବନ୍ଦ କରନ୍ତୁ। ଯାହା ସବସ୍କ୍ରିପସନ୍ କିମ୍ବା ଅନ୍ୟ କୌଣସି ଉପାୟରେ ଉପଲବ୍ଧ।” ଏବେ ପାକିସ୍ତାନ ଚିନ୍ତାରେ ।
