ଜମ୍ମୁ-କାଶ୍ମୀରର ପହଲଗାମରେ ଆତଙ୍କବାଦୀ ଆକ୍ରମଣ ପରେ ଏଲଓସିରେ ଉତ୍ତେଜନା ବୃଦ୍ଧି ପାଇଛି । ଲଗାତାର ଚତୁର୍ଥ ଦିନ ପାଇଁ ଅସ୍ତ୍ରବିରତି ଉଲ୍ଲଂଘନ ଭଙ୍ଗ କରିଛି ପାକ୍ । LoCର ବିଭିନ୍ନ ସ୍ଥାନରେ ପାକ୍‌ ସେନାର ଗୁଳିମାଡ଼ । ଉଚିତ ଜବାବ ଦେଉଛନ୍ତି ଭାରତୀୟ ସେନା । ୨୭ ଓ ୨୮ ତାରିଖ ରାତିରେ, ପାକିସ୍ତାନ ସେନା ପୋଷ୍ଟ ଗୁଡ଼ିକ କୁପୱାରା ଏବଂ ପୁଞ୍ଚ ଜିଲ୍ଲାର ସଂଲଗ୍ନ ଅଞ୍ଚଳରେ ନିୟନ୍ତ୍ରଣ ରେଖା ପାର ହୋଇ ବିନା ପ୍ରରୋଚନାରେ ଛୋଟ ଅସ୍ତ୍ରଶସ୍ତ୍ରରୁ ଗୁଳି ଚଳାଇ ଥିଲେ । ତୁତମାରି ଗଳି ଓ ରାମପୁର ସେକ୍ଟର ସମ୍ମୁଖରେ ବି ପାକ୍‌ ସେନା ଗୁଳିମାଡ଼ କରିଥିଲେ । ପ୍ରତି ଜବାବ ଦେଇଛନ୍ତି ଭାରତୀୟ ସେନା ।

ସେପଟେ ପହଲଗାମ୍ ଆତଙ୍କୀ ଆକ୍ରମଣ ଘଟଣାରେ ଭାରତର କଡ଼ା ପଦକ୍ଷେପ ପରେ ବିଦା ହେଉଛନ୍ତି ପାକିସ୍ତାନୀ । ଭାରତରୁ ବିଦା ହେଲେ ଆଉ ୨୩୭ ପାକିସ୍ତାନୀ । ରବିବାର ଅଟାରୀ ବର୍ଡର ଦେଇ 237 ଜଣଙ୍କୁ ପାକିସ୍ତାନ ବିଦା କରାଯାଇଛି । ସେହିପରି ଶନିବାର ୭୫ ଓ ଶୁକ୍ରବାର ୧୯୧ ଜଣ ପାକିସ୍ତାନୀ ନାଗରିକଙ୍କୁ ବିଦା କରାଯାଇଥିଲା । ସେପଟେ ରବିବାର ଅଟାରୀ ବର୍ଡର ଦେଇ ପାକିସ୍ତାନରୁ ସ୍ବଦେଶ ଫେରିଥିଲେ ଆଉ ୩୩୫ ଭାରତୀୟ । ପହଲଗାମ ଆତଙ୍କବାଦୀ ଆକ୍ରମଣ ଘଟଣା ପରେ ଭାରତର କଡ଼ା ପଦକ୍ଷେପ ଫଳ ପାକିସ୍ତାନକୁ ଭୋଟିବାକୁ ପଡ଼ିଛି ।