Travel App / ଯାତ୍ରୀଙ୍କ ପାଇଁ ଖୁସି ଖବର: ଏହି ଆପରେ ଯାତ୍ରୀଙ୍କ ସୁରକ୍ଷା ଉପରେ ବିଶେଷ ଧ୍ୟାନ
Key Points
ଡ୍ରାଇଭରମାନେ ଭାରତ ଟ୍ୟାକ୍ସିରେ କାହିଁକି ଯୋଗ ଦେଉଛନ୍ତି ?
ସୁରକ୍ଷା ଉପରେ ବିଶେଷ ଧ୍ୟାନ ।
ଦେଶରେ ଓଲା ଏବଂ ଉବର ଭଳି ଆପର କ୍ରେଜ୍ ବଢ଼ିବାରେ ଲାଗିଛି । ଲୋକମାନେ ଅଧିକ ଦିନ ଧରି ଓଲା ଏବଂ ଉବର ଭଳି ଆପରେ ନିଜର ଆବଶ୍ୟକତା ପୂରଣ କରୁଛନ୍ତି । ଏହି ଆପ୍ ଗୁଡ଼ିକ ଏତେ ମାତ୍ରାରେ ବ୍ୟବହାର ହେଉଛି ଯେ ସେମାନେ ମନ ଇଚ୍ଛା ମୂଲ୍ୟ ବୃଦ୍ଧି କରୁଛନ୍ତି ଏଥି ଯୋଗୁଁ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ଲୋକମାନେ ।
କିନ୍ତୁ ବର୍ତ୍ତମାନ ସମୟରେ ଏହି ସମସ୍ୟାର ସମାଧାନ ହୋଇଛି । ସରକାର ଏକ ନୂଆ ଆପ୍ ଆଣୁଛନ୍ତି, ଯାହା ସଠିକ୍ ମୂଲ୍ୟ ନେବା ସହ ଯାତ୍ରୀମାନଙ୍କ ପାଇଁ ସୁରକ୍ଷିତ ମଧ୍ୟ । ସରକାରଙ୍କ ଆଧାରିତ ଏକ ମଡେଲ୍ ଟ୍ୟାକ୍ସି ଆପ୍, ଯାହା କେନ୍ଦ୍ର ସମବାୟ ମନ୍ତ୍ରଣାଳୟର ଉଦ୍ୟମରେ ଲଞ୍ଚ କରାଯାଉଛି । ଏହାର ପାଇଲଟ୍ ପ୍ରୋଜେକ୍ଟ ପ୍ରାୟ ସମ୍ପୂର୍ଣ୍ଣ ହୋଇଛି, ଏବଂ ଏହା ୨୦୨୬ ଜାନୁଆରୀ ମାସରେ ପ୍ରମୁଖ ସହରଗୁଡ଼ିକରେ ଲଞ୍ଚ ହେବ ।
ଭାରତ ଟ୍ୟାକ୍ସି ଆପ୍ କ’ଣ?
ଭାରତ ଟ୍ୟାକ୍ସି ଆପ୍ ହେଉଛି ଏକ ମୋବାଇଲ୍-ଆଧାରିତ କ୍ୟାବ୍ ବୁକିଂ ପ୍ଲାଟଫର୍ମ ଯାହା ଜନସାଧାରଣ ଏବଂ ଡ୍ରାଇଭର ଉଭୟଙ୍କ ଆବଶ୍ୟକତା ପୂରଣ କରିବା ପାଇଁ ଡିଜାଇନ୍ କରାଯାଇଛି । ଏହି ଆପ୍ ମାଧ୍ୟମରେ ଅଟୋ, କାର ଏବଂ ବାଇକ୍ ଟ୍ୟାକ୍ସି ବୁକିଂ କରାଯାଇଥାଏ । ଏହି ସେବା ଦେଶର ପ୍ରଥମ ଜାତୀୟ ଗତିଶୀଳତା ସମବାୟ ଭାବରେ ବିବେଚିତ ସହକାର ଟ୍ୟାକ୍ସି ସମବାୟ ଲିମିଟେଡ୍ ଅଧୀନରେ ପରିଚାଳିତ ହେବ । ଏହି ଆପର ମୂଳ ଲକ୍ଷ୍ୟ ହେଉଛି ଡ୍ରାଇଭରମାନଙ୍କ ପାଇଁ ଏକ ଭଲ ରୋଜଗାର ଏବଂ ଯାତ୍ରୀମାନଙ୍କୁ ସୁଲଭ ସେବା ଯୋଗାଇବା ।
ଡ୍ରାଇଭରମାନେ ଭାରତ ଟ୍ୟାକ୍ସିରେ କାହିଁକି ଯୋଗ ଦେଉଛନ୍ତି?
ଦିଲ୍ଲୀରେ ଭାରତ ଟ୍ୟାକ୍ସି ବ୍ୟବହାର କରୁଥିବା ଡ୍ରାଇଭରମାନେ କହିଛନ୍ତି ଯେ ସେମାନେ ଏଠାରେ ଅଧିକ ସଫଳତା ଏବଂ ସମ୍ମାନ ପାଉଛନ୍ତି । ପୂର୍ବରୁ ଓଲା ଏବଂ ଉବରରେ ଗାଡ଼ି ଚଲାଉଥିବା ଅନେକ ଡ୍ରାଇଭର ଏବେ ନୂତନ ଆପ୍ରେ ଯୋଗ ଦେଉଛନ୍ତି । ସେମାନେ ବିଶ୍ୱାସ କରନ୍ତି ଯେ ଏହା ଦେଶର ଟଙ୍କାକୁ ଦେଶ ଭିତରେ ରଖିବାରେ ସାହାଯ୍ୟ କରିବ ଏବଂ ବିଦେଶୀ କମ୍ପାନୀଗୁଡ଼ିକ ଉପରେ ନିର୍ଭରଶୀଳତା କମାଇବ ।
ସୁରକ୍ଷା ଉପରେ ବିଶେଷ ଧ୍ୟାନ
ଭାରତ ଟ୍ୟାକ୍ସି ଆପ୍ ଯାତ୍ରୀ ଏବଂ ଡ୍ରାଇଭରଙ୍କ ସୁରକ୍ଷାକୁ ପ୍ରାଥମିକତା ଦିଏ । ଏହାକୁ ହାସଲ କରିବା ପାଇଁ, ଦିଲ୍ଲୀ ପୋଲିସ ଏବଂ ଗୁଜରାଟ ପୋଲିସଙ୍କ ସହଯୋଗ ଆବଶ୍ୟକ ଥାଏ । ଏହି ଆପ୍ ରିଅଲ୍-ଟାଇମ୍ ଟ୍ରାକିଂ, ଯାଞ୍ଚ ହୋଇଥିବା ଡ୍ରାଇଭର, ବହୁ-ଭାଷା ଜାଣିଥିବା ଏବଂ ୨୪-ଘଣ୍ଟିଆ ଗ୍ରାହକ ସେବା ଭଳି ସେବା ଯୋଗାଇଥାଏ । ଏହି ଆପ୍ ମେଟ୍ରୋ ନେଟୱାର୍କ ସହିତ ମଧ୍ୟ ସଂଯୁକ୍ତ ହେବ, ଯାହା ଯାତ୍ରାକୁ ଆହୁରି ସହଜ କରିବ।
ଭାରତ ଟ୍ୟାକ୍ସି ଆପ୍ ବର୍ତ୍ତମାନ ଗୁଗୁଲ୍ ପ୍ଲେ ଷ୍ଟୋରରେ ପରୀକ୍ଷା ପାଇଁ ଉପଲବ୍ଧ କରାଯାଇଛି ଏବଂ ଏହା ଖୁବ୍ ଶୀଘ୍ର iOSରେ ମଧ୍ୟ ଉପଲବ୍ଧ ହେବ । ଦିଲ୍ଲୀର ବାସିନ୍ଦାମାନେ ଖୁବ୍ ଶୀଘ୍ର ଏହି ଆପ୍ ବ୍ୟବହାର କରି ଟ୍ୟାକ୍ସି ବୁକ୍ କରିପାରିବେ । ପରବର୍ତ୍ତୀ ସମୟରେ, ଏହି ସେବା ଗୁଜୁରାଟର ରାଜକୋଟ ସମେତ ଅନେକ ସହରରେ ଆରମ୍ଭ ହେବ । ଆଗାମୀ ବର୍ଷ ମଧ୍ୟରେ ଏହାକୁ ଦେଶର ୨୦ଟି ସହରରେ ଆସିବାକୁ ଯୋଜନା ରହିଛି ।
📱 Get Argus News App
✨Related Topics
Explore more stories