ଜମ୍ମୁ ଓ କାଶ୍ମୀରରେ ଗତକାଲି ରାତି ସ୍ଥିତି ଶାନ୍ତିପୂର୍ଣ୍ଣ ରହିଥିଲା । ଆନ୍ତର୍ଜାତିକ ସୀମା ନିକଟରେ କୌଣସି ଗୁଳିମାଡର ଖବର ନଥିବା ଭାରତୀୟ ସେନା ପକ୍ଷରୁ କୁହାଯାଇଛି । ପହଲଗାମ୍ ଆତଙ୍କୀ ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ଦେଖାଦେଇଥିଲା । ଆତଙ୍କୀ ଆଡ୍ଡାକୁ ଟାର୍ଗେଟ କରି ଭାରତ ଆକ୍ରମଣ କରିଥିଲା । ଏହାପରେ ଦୁଇଦେଶ ମଧ୍ୟରେ ଅସ୍ତ୍ରବିରତି ଉଲ୍ଲଂଘନ ହୋଇଥିଲା ।

ଶନିବାର ଦୁଇଦେଶ ଅସ୍ତ୍ରବିରତି ପାଇଁ ରାଜି ହେବା ପରେ ପାକିସ୍ତାନ ପକ୍ଷରୁ ଏହାର ଉଲ୍ଲଂଘନ କରାଯାଇଥିଲା । ଭାରତ ଏହାର କଡା ଜବାବ ଦେଇଥିଲା । ଜମ୍ମୁ କାଶ୍ମୀର, ଶ୍ରୀନଗର ଓ ଗୁଜରାଟର ବିଭିନ୍ନ ସ୍ଥାନରେ ଭାରତ ସୀମା ଭିତରକୁ ପାକିସ୍ତାନ ଡ୍ରୋନ୍ ପଠାଇବାକୁ ଚେଷ୍ଟା କରିଥିଲା । ଭାରତ ଏହାର ମୁହଁତୋଡ ଜବାବ ଦେଇଥିଲା ।