ଅର୍ଗସ ବ୍ୟୁରୋ  ପ୍ରେମାନନ୍ଦଜୀ ମହାରାଜଙ୍କ ନାଁ ରେ ଥାନାରେ ଅଭିଯୋଗ କଲେ ମଥୁରାବାସୀ । ଏମିତି କିଛି ଖବର ଏବେ ସାମ୍ନାକୁ ଆସିଛି । ପ୍ରେମାନନ୍ଦଙ୍କ ଜୀଙ୍କ ଭକ୍ତ କେବଳ ଭାରତ ନୁହେଁ ଭାରତ ବାହାରେ ମଧ୍ୟ ଅଛନ୍ତି । ତାଙ୍କର ଆଦର୍ଶବାନ କଥାରେ ଅନେକ ଲୋକ ଅନୁପ୍ରାଣିତ ହୋଇଛନ୍ତି । କିନ୍ତୁ ପ୍ରଥମଥର ଏମିତି ଖବର ଶୁଣିବାକୁ ମିଳିଛି , ଯେ ପ୍ରେମାନନ୍ଦ ଜୀଙ୍କ ନାଁ ରେ ଥାନାରେ ଅଭିଯୋଗ କରାଯାଇଛି । ମଥୁରାର କିଛି ମହିଳା ତାଙ୍କ ବିରୋଧରେ ସ୍ବର ଉତ୍ତୋଳନ କରି ରାସ୍ତାକୁ ଓହ୍ଲାଇ ବିରୋଧ କରିଛନ୍ତି ।

ତେବେ ବିରୋଧର କାରଣ ହେଉଛି, ପ୍ରେମାନନ୍ଦ ଜୀ ପ୍ରତିଦିନ ରାତି ପ୍ରାୟ ୨ଟା ସମୟରେ ନିଜ ବାସଭବନରୁ ରାଧା କେଳିକୁଞ୍ଜ ଆଶ୍ରମ ପର୍ଯ୍ୟନ୍ତ ପଦଯାତ୍ରା କରିଥାନ୍ତି । ସେହି ସମୟରେ ତାଙ୍କର ଭକ୍ତମାନେ ତାଙ୍କର ଦର୍ଶନ ପାଇଁ ହଜାର ହଜାର ସଂଖ୍ୟାରେ ରାସ୍ତାରେ ଜମା ହୋଇଥାନ୍ତି । ଖୁବ ଜୋରରେ ଗୀତ ବଜାନ୍ତି, ଆତସବାଜୀ କରନ୍ତି। ତା ସହ କିଛି ମହିଳାମାନେ ଭକ୍ତିରେ ରଙ୍ଗୋଲି କରିଥାନ୍ତି । ତେବେ ଟ୍ରାଫିକ ନିକଟରେ ଲୋକ ଭିଡ ହେଉଥିବା କାରଣରୁ ଜରୁରୀକାଳୀନ ପରିସ୍ଥିରେ ଆମ୍ବୁଲାନ୍ସ ଗାଡି ଗୁଡିକ ଯିବାରେ ଅସୁବିଧା ହୁଏ । ସେଥିପାଇଁ ଏସବୁକୁ ନେଇ ମଥୁରା ଏନଆରଆଇ(NRI) ଗ୍ରୀନ କଲୋନୀର ବାସିନ୍ଦା ଏକ ବୈଠକ କରିଥିଲେ । ଯେଉଁଥିରେ ସେମାନେ କହିଥିଲେ, କି ଏତେ ରାତିରେ ଏମିତି ଶବ୍ଦ ହେଉଥିବାରୁ କଲୋନୀରେ ଲୋକଙ୍କ ଶୋଇବାରେ ବାଧାପ୍ରାପ୍ତ ହେଉଛି । ଛୋଟପିଲା ମାନଙ୍କର ସକାଳୁ ସ୍କୁଲ ଥିବାରୁ ସେମାନେ ରାତିରେ ଶୋଇବ ନିହାତି ଦରକାର । ତେଣୁ ଏତେ ଭିଡର ଶବ୍ଦ ଏବଂ ଗୀତ ବାଜୁଥିବାରୁ ସେମାନେ ପ୍ରେମାନନ୍ଦଜୀଙ୍କ ରାତ୍ରକାଳୀନ ଯାତ୍ରାକୁ ନେଇ ଥାନାରେ ଅଭିଯୋଗ କରିଥିବା କହିଛନ୍ତି ।

ତେବେ ବର୍ତ୍ତମାନ ପ୍ରେମାନନ୍ଦଜୀଙ୍କ ଶରୀର ଅସୁସ୍ଥ କାରଣରୁ ସେ ପଦଯାତ୍ରା ସ୍ଥଗିତ ରଖିଥିବା ସୂଚନା ମିଳିଛି । ଆଗକୁ ସେ ପଦଯାତ୍ରା କରିବେ କି ନାହିଁ ସେ ନେଇ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ ।