ମନୋଜ କୁମାରଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ । ନିଜ ଏକ୍ସ ଆକାଉଣ୍ଟରେ ମୋଦି ଲେଖିଛନ୍ତି, ମନୋଜ ଭାରତୀୟ ସିନେମାର ଜଣେ ପ୍ରତୀକ ଥିଲେ, ଯାହା ତାଙ୍କ ଦେଶପ୍ରେମ ପାଇଁ ପ୍ରବଳ ଆଗ୍ରହକୁ ଦର୍ଶାଉଥିଲା । ଏହା ତାଙ୍କ ଚଳଚ୍ଚିତ୍ରଗୁଡ଼ିକରେ ମଧ୍ୟ ପ୍ରତିଫଳିତ ହେଉଥିଲା । ମନୋଜଙ୍କ କାର୍ଯ୍ୟ ଜାତୀୟ ଗର୍ବର ଭାବନାକୁ ପ୍ରଜ୍ବଳିତ କରିଥିଲା ​​ଏବଂ ପିଢ଼ି ପରେ ପିଢ଼ିକୁ ପ୍ରେରଣା ଦେବ । ଏହି ଦୁଃଖର ମୁହୂର୍ତ୍ତରେ ମନୋଜଙ୍କ ପରିବାର ଓ ପ୍ରଶଂସକଙ୍କୁ ସମବେଦନା ଜଣାଇଛନ୍ତି ପିଏମ୍ ।

ସେହିପରି ମୁଖ୍ୟମନ୍ତ୍ରୀ ମୋହନ ମାଝୀ ମଧ୍ୟ ନିଜ `X' ଆକାଉଣ୍ଟରରେ ପୋଷ୍ଟ କରି ମନୋଜଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି । ଭାରତୀୟ ସିନେମାରେ ଦେଶପ୍ରେମକୁ ପ୍ରେରଣା ଦେବାରେ ମନୋଜଙ୍କ ଅବଦାନକୁ 'ଭାରତ କୁମାର' ଭାବେ ତାଙ୍କ ପ୍ରଶଂସକମାନେ ସର୍ବଦା ସ୍ମରଣ କରିବେ। ମନୋଜ କୁମାରଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । ହିନ୍ଦୀ ସିନେମା ଜଗତକୁ ମନୋଜ କୁମାରଙ୍କ ଅବଦାନ ଅତୁଳନୀୟ ବୋଲି କହିଛନ୍ତି ଧର୍ମେନ୍ଦ୍ର।