ପ୍ରଧାନମନ୍ତ୍ରୀ ମୋଦିଙ୍କ ସ୍ବର୍ଗତ ମାତାଙ୍କୁ ନେଇ ଏଆଇ ଭିଡିଓ ମାମଲା । ଦିଲ୍ଲୀ ପୋଲିସ ପକ୍ଷରୁ ରୁଜୁ ହୋଇଛି ମାମଲା । ମାଙ୍କୁ ଅପମାନ ନେଇ ରାଜନୀତି ଘମାସାନ ହୋଇଛି । ସୀମା ଟପିଛି କଂଗ୍ରେସର ଅଭଦ୍ରାମୀ । ବିହାର କଂଗ୍ରେସ ପକ୍ଷରୁ ପ୍ରଧାନମନ୍ତ୍ରୀ ମୋଦିଙ୍କ ସ୍ବର୍ଗତ ମାତାଙ୍କୁ ନେଇ ଏଆଇ ଭିଡିଓ ପ୍ରସ୍ତୁତ ହୋଇଥିଲା । ବିହାର କଂଗ୍ରେସର ଅଫିସିଆଲ୍‌ X ହ୍ୟାଣ୍ଡଲ୍‌ରୁ ଏହି AI-ଜେନେରେଟେଡ୍‌ ଭିଡିଓ ପବ୍ଲିସ ହୋଇଥିଲା । ଭିଡିଓରେ, ପ୍ରଧାନମନ୍ତ୍ରୀ ମୋଦୀଙ୍କୁ ସ୍ୱପ୍ନରେ ତାଙ୍କ ମାତା ତାଙ୍କ ରାଜନୀତି ଉପରେ ନିନ୍ଦା କରାଯାଉଥିବା ଦେଖାଯାଇଛି । ଏହା ବିହାର ବିଧାନସଭା ନିର୍ବାଚନ ପୂର୍ବରୁ ପ୍ରକାଶ ପାଇଥିବାରୁ ରାଜନୈତିକ ବିବାଦ ସୃଷ୍ଟି କରିଛି । କଂଗ୍ରେସର ଏପରି କରି ଅଭଦ୍ରାମିର ସବୁ ସୀମା ଉଲ୍ଲଙ୍ଘନ ବୋଲି ବିଜେପି ନେତା ମାନେ କଡା ନିନ୍ଦା କରିଛନ୍ତି । 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ତାଙ୍କ ମାଆ ହୀରାବେନଙ୍କୁ ନେଇ ତିଆରି ହୋଇଥିବା ଆର୍ଟିଫିସିଆଲ ଇଣ୍ଟେଲିଜେନ୍ସ (AI) ଭିଡିଓ ବିରୋଧରେ ଦିଲ୍ଲୀ ପୋଲିସ ଏକ FIR ରୁଜୁ କରିଛି। ଦିଲ୍ଲୀ ପୋଲିସ ଶନିବାର ବିହାର କଂଗ୍ରେସର ସରକାରୀ ସୋସିଆଲ ମିଡିଆ ହ୍ୟାଣ୍ଡେଲ X ରେ ବୁଧବାର ରେ AI/ଡିପ ଫେକ ଭିଡିଓ ଶେୟାର କରିବା ଘଟଣାରେ ଏକ FIR ରୁଜୁ କରିଛି।‘ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ତାଙ୍କ ସ୍ବର୍ଗତ ମାଆଙ୍କ ପ୍ରତିଛବିକୁ ମଳିନ ଏବଂ ଅପମାନିତ କରିବା – ଏହା ମହିଳାଙ୍କ ଆଇନ, ନୈତିକତା ଏବଂ ମର୍ଯ୍ୟାଦାର ଘୋର ଉଲ୍ଲଂଘନ’ ପାଇଁ ଭାରତୀୟ ନ୍ୟାୟ ସଂହିତା, ୨୦୨୩ ର ଧାରା ୧୮(୨), ୩୩୬(୩), ୩୩୬(୪), ୩୪୦(୨), ୩୫୨, ୩୫୬(୨) ଏବଂ ୬୧(୨) ଅନୁଯାୟୀ ଏହି FIR ରୁଜୁ କରାଯାଇଛି।