ଗୌହାଟୀର ଖାନପାରାଠାରେ ଦୁଇ ଦିନିଆ ଆଡଭାଣ୍ଟେଜ ଆସାମ 2.0 ନିବେଶ ଏବଂ ଭିତ୍ତିଭୂମି ସମ୍ମିଳନୀ 2025କୁ ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ । ଏହି ଅବସରରେ ମୋଦି କହିଛନ୍ତି, ଆସାମରେ ବିଜେପି ସରକାର କ୍ଷମତାକୁ ଆସିବା ପରଠାରୁ, ଆସାମର ଅର୍ଥନୀତିର ମୂଲ୍ୟ ଦ୍ୱିଗୁଣିତ ହୋଇ 6 ଲକ୍ଷ କୋଟି ଟଙ୍କା ହୋଇଛି । ଏହା ଡବଲ ଇଞ୍ଜିନ ସରକାରର ପ୍ରଭାବ । ପୂର୍ବ ଭାରତ ଏବଂ ଉତ୍ତର-ପୂର୍ବର ପବିତ୍ର ଭୂମିରେ ଆଜି ଏକ ନୂତନ ଭବିଷ୍ୟତ ଆରମ୍ଭ ହେଉଛି ।

ଆଡଭାଣ୍ଟେଜ ଆସାମ 2.0 ହେଉଛି ସମଗ୍ର ବିଶ୍ୱକୁ ଆସାମର ସମ୍ଭାବନା ଏବଂ ପ୍ରଗତି ସହିତ ଯୋଡ଼ିବା ପାଇଁ ଏକ ମହା ଅଭିଯାନ । ଆଜି, ଯେତେବେଳେ ଆମ ଦେଶ ଭାରତ ବିକାଶ ଆଡ଼କୁ ଆଗକୁ ବଢ଼ୁଛି, ପୁଣିଥରେ ଆମର ଉତ୍ତର-ପୂର୍ବ ନିଜର ଶକ୍ତି ପ୍ରଦର୍ଶନ କରିବାକୁ ଯାଉଛି । ପୂର୍ବ ଏସିଆ ସହିତ ଆମର ସଂଯୋଗ ନିରନ୍ତର ମଜବୁତ ହେଉଥିବା କହିଛନ୍ତି ପିଏମ୍ । ଆଜିର ସମ୍ମିଳନୀରେ ବିଭିନ୍ନ ଆନ୍ତର୍ଜାତିକ ସଙ୍ଗଠନ, ୱାଲ୍ଟ ଲିଡର ଏବଂ ନିବେଶକ, ପଲିସି ମେକର , ଉଦ୍ୟୋଗ ବିଶେଷଜ୍ଞ, ଷ୍ଟାର୍ଟ ଅପ୍ ଏବଂ ଛାତ୍ରମାନେ ଅଂଶ ଗ୍ରହଣ କରିଥିଲେ । ଦୁଇ ଦିନିଆ ଆସାମ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।