ଦିଲ୍ଲୀରେ ଦୁଇଟି ଏକ୍ସପ୍ରେସ ୱେର ଶୁଭାରମ୍ଭ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସହରାଞ୍ଚଳ ସମ୍ପ୍ରସାରଣ ରାସ୍ତା UER-୨ ଏବଂ ଦ୍ଵାରକା ଏକ୍ସପ୍ରେସ ୱେର ଉଦଘାଟନ କରିଛନ୍ତି ମୋଦି । ଦୁଇଟି ସ୍ଥାନରେ ଚାରିସ୍ତରୀୟ ଇଣ୍ଟର ଚେଞ୍ଜ ବ୍ୟବସ୍ଥା ଥିବା ଦୁଇଟି ରାସ୍ତା ପାଇଁ ଖର୍ଚ୍ଚ ହୋଇଛି ୧୧ ହଜାର କୋଟି ଟଙ୍କା । ଏହି ଏକ୍ସପ୍ରେସ ୱେରେ ରହିଛି ୩.୬ କିଲୋମିଟର ଲମ୍ବା ଟନେଲ।

ଏକ୍ସପ୍ରେସ ୱେର ଉଭୟ ପାର୍ଶ୍ଵରେ ୩ ଲେନ ବିଶିଷ୍ଟ ସର୍ଭିସ ରୋଡ ରହିଛି । ଏକ୍ସପ୍ରେସ ୱେ ତିଆରିରେ ସାମିଲ ଶ୍ରମିକଙ୍କ ସହ ଆଲୋଚନା କରିଥିଲେ ପ୍ରଧାନମନ୍ତ୍ରୀ । ଏହାସହ ନିଜେ ସେ ଏକ୍ସପ୍ରେସ ୱେରେ କିଛି ବାଟ ଚାଲି ଚାଲି ଯାଇଥିଲେ । ଏହି ଦ୍ବାରିକା ଏକ୍ସପ୍ରେସ ଓ୍ବେର ଏହାର ଦୈର୍ଘ୍ୟ-୨୯ କିଲୋମିଟର । ୧୦.୧ କିଲୋମିଟର ଦିଲ୍ଲୀରେ, ୧୯ କିଲୋମିଟର ହରିୟାଣାରେ । ଏଥିପାଇଁ ବ୍ୟୟ ହୋଇଛି ୮୬୧୧ କୋଟି । କେବଳ ଦିଲ୍ଲୀ ପାଇଁ ୫୩୬୦ କୋଟି ଖର୍ଚ୍ଚ ହୋଇଛି ।

ଏଥିରେ ଅଛି ୫.୧ କିଲୋମିଟର ଟନେଲ । ଯାହାକି IGI ବିମାନବନ୍ଦରକୁ ସଂଯୋଗ କରୁଛି । ଗୁରୁଗ୍ରାମକୁ ସୁବିଧା ସଂଯୋଗୀକରଣ ହୋଇଛି ଆଉ କମିଛି ଯାତ୍ରା ସମୟ । ଅର୍ବାନ ଏକ୍ସଟେନସନ ରୋଡ-2 । ଏହାର ଦୌର୍ଘ୍ୟ-75.71 କିଲୋମିଟର । ଏଥିପାଇଁ ବ୍ୟୟ ହୋଇଛି 6445 କୋଟି । ଦିଲ୍ଲୀର ତୃତୀୟ ରିଂ ରୋଡ ପରି ଡିଜାଇନ ହୋଇଛି । ଗୁରୁଗ୍ରାମ, ପଶ୍ଚିମ ଓ ଦକ୍ଷିଣ ଦିଲ୍ଲୀ, NH-44, ଚଣ୍ଡିଗଡ଼, ପଞ୍ଜାବ, ଓ ଜାମ୍ମୁ କାଶ୍ମୀର ମଧ୍ୟରେ ଯାତାୟତ ସୁବିଧା ହେବ ।