ଯବାନଙ୍କୁ ଭେଟିଲେ ପ୍ରଧାନମନ୍ତ୍ରୀ ମୋଦି । ଆଜି ସକାଳୁ ସକାଳୁ ଆଦମପୁର ଏୟାରବେସ୍ ଗସ୍ତ କରିଛନ୍ତି ପ୍ରଧାନମନ୍ତ୍ରୀ । ବର୍ତ୍ତମାନର ସ୍ଥିତି ସଂପର୍କରେ ପ୍ରଧାନମନ୍ତ୍ରୀଙ୍କୁ ଅବଗତ କରାଇଛି ବାୟୁସେନା । ଏହି ସମୟରେ ସେ ଯବାନଙ୍କୁ ଭେଟି ଆଲୋଚନା କରିଥିବା ଦେଖିବାକୁ ମିଳିଛି ।

Today early morning, PM Modi went to the Adampur Air Base. He was briefed by Air Force personnel and he also interacted with the brave Jawans. pic.twitter.com/eXiYerYFuC
— ANI (@ANI) May 13, 2025

ଅପରେସନ ସିନ୍ଦୂରରେ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀର (ପିଓକେ)ରେ ନଅଟି ଆତଙ୍କବାଦୀ ଶିବିରକୁ ଟାର୍ଗେଟ କରିବାରେ ଆଦମପୁର ବାୟୁସେନା ଘାଟି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା।

ପାକିସ୍ତାନ ମେ 9 ଏବଂ 10 ମଧ୍ୟରାତ୍ରିରେ କ୍ଷେପଣାସ୍ତ୍ର ଏବଂ ଡ୍ରୋନ୍ ସାହାଯ୍ୟରେ ଆଦମପୁର ବାୟୁସେନା ଘାଟିକୁ ଟାର୍ଗେଟ କରିଥିଲା। ଯାହାର ଦୃଢ ଯବାବ ଦେଇଥିଲା ଭାରତୀୟ ବାୟୁସେନା । ଆଜି ସକାଳୁ ପ୍ରଧାନମନ୍ତ୍ରୀ ମୋଦି ଆଦମପୁର ବାୟୁସେନା ଘାଟିକୁ ଯାଇଥିଲେ । ସେଠାରେ ବାୟୁସେନା କର୍ମଚାରୀମାନେ ତାଙ୍କୁ ବର୍ତ୍ତମାନର ସ୍ଥିତି ସଂପର୍କରେ ସମସ୍ତ ସୂଚନା ଦେଇଥିଲେ । ଏହାପରେ ପ୍ରଧାନମନ୍ତ୍ରୀ ସାହସୀ ଯବାନମାନଙ୍କ ସହିତ ମଧ୍ୟ ଆଲୋଚନା କରିଥିଲେ ।

ଗତକାଲି ଅପରେସନ ସିନ୍ଦୂରକୁ ନେଇ ପ୍ରଥମ ଥର ପାଇଁ ଦେଶବାସୀଙ୍କୁ ସମ୍ବୋଧନ କରିଥିଲେ ମୋଦି । ଯେଉଁଥିରେ ଭାରତର ପରାକ୍ରମୀ ସେନାକୁ ସାଲ୍ୟୁଟ କରିବା ସହ ଗୁଇନ୍ଦା ସଂସ୍ଥା ଓ ବୈଜ୍ଞାନିକଙ୍କୁ ମଧ୍ୟ ପ୍ରଶଂସା କରିଥିଲେ । ଏହାସହ ପାକ୍ କୁ କଡା ଚେତାବନୀ ଦେଇଥିଲେ ପ୍ରଧାନମନ୍ତ୍ରୀ । ଯେ ପାଣି ଓ ରକ୍ତ ଏକା ସାଙ୍ଗରେ ବହିପାରିବନି । ସେହିପରି ଆତଙ୍କବାଦ ଓ ଆଲୋଚନା ଏକା ସଙ୍ଗେ ହୋଇପାରିବ ନାହିଁ । ଟିକ୍ ସେହିପରି ଆତଙ୍କବାଦ ଓ ବାଣିଜ୍ୟ ଏକାଠି ଚାଲିପାରିବନି । ପାକିସ୍ତାନ ସେନା ଓ ପାକିସ୍ତାନ ସରକାର ଯେଉଁଭଳି ଭାବରେ ଆତଙ୍କବାଦକୁ ପୋଷଣ କରିଚାଲିଛନ୍ତି ତାହା ଗୋଟିଏ ଦିନ ପାକିସ୍ତାନକୁ ବିନାସ ମୁହଁକୁ ନେଇଯିବ । ଖାଲି ଏତିକି ନୁହେଁ ଭାରତ ପରମାଣୁ ଧମକକୁ ଡରୁନି ବୋଲି ସଫା ସଫା କହିଥିଲେ ପ୍ରଧାନମନ୍ତ୍ରୀ ।

Argus News | argus news | Odisha Latest News, Breaking News, Trending News, Live TV