ଓଡିଶାର ଐତିହ୍ୟ ଜାଣୁଛି ବିଶ୍ୱ
Key Points
- ମୋଦିଙ୍କ ହାତରେ ଓଡିଶାର କଳସ
- ବିଶ୍ୱ ଦରବାରରେ ପ୍ରସ୍ଫୁଟିତ ହେଉଛି ଓଡିଶାର କଳା, ସଂସ୍କୃତି ଓ ପରମ୍ପରା
- ଓଡିଶାର ଐତିହ୍ୟ ଜାଣୁଛି ବିଶ୍ୱ
- ପ୍ରଧାନମନ୍ତ୍ରୀଙ୍କ ହାତରେ ଓଡିଶାର ସଂସ୍କୃତି ଓ ପରମ୍ପରାର କଳସ
- ପୁଣି ଥରେ ଚର୍ଚ୍ଚାରେ ଓଡିଶାର କଳା ଓ ଓଡିଆ ଶିଳ୍ପୀଙ୍କ ଚିତ୍ରକଳା
ଅର୍ଗସ ବ୍ୟୁରୋ: ମୋ ମାଟି ମୋ ଦେଶ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ହାତରେ ଥିଲା ଓଡ଼ିଶାର ସଂସ୍କୃତି ଓ ପରମ୍ପରାର କଳସ । ଯେଉଁଥିରେ ରହିଛି ଓଡ଼ିଶାର ଚିତା ଏବଂ ଝୋଟିର କଳା । ଏହି କଳସକୁ ତିଆରି କରିଥିଲେ ଓଡ଼ିଶାର ଭିଜୁଆଲ ଆର୍ଟିଷ୍ଟ ସୂର୍ଯ୍ୟସ୍ନାତ ମହାନ୍ତି ।
ଲଳିତା କଳା ଏକାଡେମୀ ତରଫରୁ ଦେଶର 30 କଳାକାରଙ୍କୁ ଚୟନ କରାଯାଇଥିଲା । ଏବଂ ପ୍ରତି କଳାକାରକୁ 50 ଟି କଳସ ଡିଜାଇନ୍ କରିବାକୁ କୁହାଯାଇଥିଲା । ଯାହା ମଧ୍ୟରୁ ଚୁଡାନ୍ତ ହୋଇଥିଲା 10 କଳସ । ସେହି କଳସ ମଧ୍ୟରୁ ଓଡ଼ିଶାର ଡିଜାଇନ୍ ଥିବା କଳସକୁ ହାତରେ ଧରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଓଡ଼ିଶାର ଝୋଟି ଏବଂ ଚିତାର ଏହି କଳସକୁ କର୍ତ୍ତବ୍ୟ ପଥରେ ସ୍ମାରକୀ ଭାବେ ସ୍ଥାପନା କରାଯିବ । ଯାହାକୁ ନେଇ ଖୁସି ବ୍ୟକ୍ତ କରିଛନ୍ତି ଡ.ସୂର୍ଯ୍ୟସ୍ନାତ ମହାନ୍ତି ।
ମୋଦିଙ୍କ ଦୂରଦୃଷ୍ଟି, କୂଟନୀତି ଓ ଦକ୍ଷ ନେତୃତ୍ୱ ଯୋଗୁଁ ଦୁଇଦିନିଆ G-20 ବୈଠକ ସଫଳ
ପୂର୍ବରୁ ଜି20ରେ ସମ୍ମିଳନୀରେ କୋଣାର୍କ ଚକ୍ରର ମହତ୍ୱ ଜାଣିଥିଲେ ବିଶ୍ୱନେତା । ଏହା କେମିତି ସମୟକୁ ଦର୍ଶାଏ ଜାଣି ଆଶ୍ଚର୍ଯ୍ୟ ହୋଇଥିଲେ ବାଇଡେନଙ୍କଠୁ ଆରମ୍ଭ କରି ସୁନକ । ବିଶ୍ୱ ନେତାଙ୍କୁ ଗୋଟି ଗୋଟି କରି କୋଣାର୍କ ଚକ୍ରର ମହତ୍ୱ ବିଷୟରେ ବୁଝାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କିପରି କୋଣାର୍କ ଚକ୍ରକୁ ଜୀବନର ଗାଡି ବୋଲି କୁହାଯାଏ ।
📱 Get Argus News App
✨ସରିଲା ଜି-20 ସମ୍ମିଳନୀ; ବିଶ୍ୱ ଦେଖିଲା ଭାରତର ନେତୃତ୍ୱ
କୋଣାର୍କ ଚକ ସମୟର ଗତି ସହ କାଳଚକ୍ର ଓ ପ୍ରଗତୀ ଏବଂ ନିରନ୍ତର ପରିବର୍ତ୍ତନର ପ୍ରତୀକ ବୋଲି ବିଶ୍ୱନେତାଙ୍କୁ ବୁଝାଇଥିଲେ ମୋଦି । ସବୁବେଳେ ଓଡିଆ, ଓଡିଶା ଓ ଓଡିଶାର କଳା-ସଂସ୍କୃତିକୁ ପ୍ରାଧାନ୍ୟ ଦିଅନ୍ତି ପ୍ରେଧାନମନ୍ତ୍ରୀ ମୋଦି । ଯାହା ପ୍ରତିଟି ଓଡିଆଙ୍କୁ ବିଶ୍ୱ ଦରବାରରେ ପରିଚିତ କରାଉଛି ।