ସମ୍ପନ୍ନ ହୋଇଛି ଏକତାର ମହାକୁମ୍ଭ । ୪୫ ଦିନ ଧରି ଚାଲିଥିବା ମହାକୁମ୍ଭରେ ୧୪୦ କୋଟି ଦେଶବାସୀଙ୍କର ଆସ୍ଥା ଏକ ସଙ୍ଗରେ ଯୋଡି ହୋଇଥିଲା । ମହାକୁମ୍ଭରେ ଶ୍ରଦ୍ଧାଳୁଙ୍କ ଭାଗିଦାରୀ କେବଳ ଏକ ରେକର୍ଡ ନୁହେଁ, ଏହା ଆମର ସଂସ୍କୃତି ଓ ଐତିହ୍ୟକୁ ସମୃଦ୍ଧ କରିବା ପାଇଁ ଏକ ଦୃଢ ସ୍ତମ୍ଭ ଭାବେ ଉଭା ହୋଇଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋସିଆଲ ମିଡିଆ ଏକ୍ସରେ ଲେଖିଛନ୍ତି ।

महाकुंभ संपन्न हुआ...एकता का महायज्ञ संपन्न हुआ। प्रयागराज में एकता के महाकुंभ में पूरे 45 दिनों तक जिस प्रकार 140 करोड़ देशवासियों की आस्था एक साथ, एक समय में इस एक पर्व से आकर जुड़ी, वो अभिभूत करता है! महाकुंभ के पूर्ण होने पर जो विचार मन में आए, उन्हें मैंने कलमबद्ध करने का… pic.twitter.com/TgzdUuzuGI
— Narendra Modi (@narendramodi) February 27, 2025

ପ୍ରଧାନମନ୍ତ୍ରୀ ଲେଖିଛନ୍ତି, ପ୍ରୟାଗରାଜର ମହାକୁମ୍ଭ ଆଜି ସାରା ଦୁନିଆର ମ୍ୟାନେଜମେଣ୍ଟ ପ୍ରଫେସନାଲ ଓ ପ୍ଲାନିଂ ଏକ୍ସପର୍ଟ ମାନଙ୍କ ପାଇଁ ଗବେଷଣାର ବିଷୟ ବସ୍ତୁ ପାଲଟିଛି । ଭାରତ ଏବେ ନୂଆ ଉତ୍ସାହର ସହ ଆଗକୁ ବଢୁଛି । ଏହି ଯୁଗ ପରିବର୍ତ୍ତନର ସମୟରେ ନୂଆ ଭବିଷ୍ୟତ ଲେଖା ଯାଉଛି । ସମାଜର ପ୍ରତ୍ୟେକ ବର୍ଗ ଓ କ୍ଷେତ୍ରର ଲୋକମାନେ ଏହି ମହାକୁମ୍ଭରେ ସାମିଲ ହୋଇଛନ୍ତି ।

ପ୍ରତ୍ୟେକ ସମାଜର, ବିଭାଗ ଏବଂ ପ୍ରତ୍ୟେକ ଅଞ୍ଚଳର ଲୋକମାନେ ଏହି ମହାକୁମ୍ବରେ ଏକତ୍ରିତ ହୋଇଥିଲେ । ଏହା ଭାରତର ଶ୍ରେଷ୍ଠ ସ୍ମରଣୀୟ ଦୃଶ୍ୟ । ଯାହା କୋଟି କୋଟି ଦେଶବାସୀଙ୍କ ମଧ୍ୟରେ ଆତ୍ମବିଶ୍ୱାସ ବଢାଇଥିଲା । ଆସ୍ଥା, ଏକତା ଓ ସମତାର ମହାପର୍ବ ମହାକୁମ୍ଭର ସମାପନ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାର୍ଗଦର୍ଶନରେ ଆୟୋଜିତ ଏହି ମାନବତାର ମହାଯଜ୍ଞ ପ୍ରତ୍ୟହ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ସମାଗମ ହେଉଥିଲା ।

ପୌଷପୂର୍ଣ୍ଣିମାରରୁ ଆରମ୍ଭ ହୋଇଥିବା ମହାକୁମ୍ଭ ମହାଶିବରାତ୍ରିରେ ସମାପନ ହୋଇଛି । ୪୫ ଦିନ ଭିତରେ ଦେଶ ବିଦେଶର କୋଣ ଅନୁକୋଣରୁ ୬୬କୋଟି ୨୧ଲକ୍ଷ ଶ୍ରଦ୍ଧାଳୁ ପବିତ୍ର ତ୍ରିବେଣୀ ସଂଗମରେ ସ୍ନାନ କରିଥିଲେ । ବିଶ୍ଵ ଇତିହାସରେ ଏହା ଅଭୂତପୂର୍ବ ଓ ଅବିସ୍ମରଣୀୟ । ବିଭିନ୍ନ ଆଖଡା, ସାଧୁସନ୍ଥ, ମହାମଣ୍ଡଳେଶ୍ଵର ଓ ଧର୍ମାଚାର୍ଯ୍ୟଙ୍କ ଆଶୀର୍ବାଦରେ ମହାକୁମ୍ଭର ସଫଳ ଆୟୋଜନ ସହ ସାରା ବିଶ୍ଵକୁ ଏକତାର ସନ୍ଦେଶ ଦିଆଯାଇଛି ବୋଲି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସୋସିଆଲ ମିଡିଆ ଏକ୍ସରେ ଲେଖିଛନ୍ତି ।

ଏହି ଅବସରରେ ସେ ମହାକୁମ୍ଭରେ ଯୋଗ ଦେଇଥିବା ଦେଶ ବିଦେଶର ଶ୍ରଦ୍ଧାଳୁ ଓ କଳ୍ପବାସୀଙ୍କୁ ଅଭିନନ୍ଦନ ଓ କୃତଜ୍ଞତା ଜଣାଇଛନ୍ତି । ମହାକୁମ୍ଭର ସୁବ୍ୟବସ୍ଥିତ ଆୟୋଜନ ପାଇଁ ମେଳା ପ୍ରଶାସନ, ସ୍ଥାନୀୟ ପ୍ରଶାସନ, ପୋଲିସ , ସଫେଇ କର୍ମୀ, ସ୍ବଚ୍ଛାସେବୀ, ଗଙ୍ଗାଦୂତ, ଧାର୍ମିକ ସଂସ୍ଥା, ନାବିକ ଏବଂ ସହାୟତା ଯୋଗାଇଥିବା କେନ୍ଦ୍ର ଓ ରାଜ୍ୟ ସରକାରଙ ବିଭିନ୍ନ ସଂସ୍ଥାକୁ ସାଧୁବାଦ ଜଣାଇଛନ୍ତି । ପ୍ରୟାଗରାଜ ବାସୀଙ୍କ ଧୈର୍ଯ୍ୟ ଓ ଆତିଥ୍ୟ ଆଗନ୍ତୁକ ମାନଙ୍କୁ ସମ୍ମୋହିତ କରିଥିଲା ବୋଲି ଯୋଗୀ ଆଦିତ୍ୟନାଥ ଲେଖିଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more