ଆଜି ପ୍ରଧାନମନ୍ତ୍ରୀ ମୋଦିଙ୍କ ରାଜସ୍ଥାନ ଗସ୍ତ । ପଲାନା ଓ ବିକାନେରରେ ୨୬ ହଜାର କୋଟିର ବହୁମୁଖୀ ବିକାଶମୂଳକ ପ୍ରକଳ୍ପର ଭିତିପ୍ରସ୍ତର ଓ ଶିଳାନ୍ୟାସ କରିବେ ପ୍ରଧାନମନ୍ତ୍ରୀ । ଏହା ସହିତ ୧୮ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୮୬ଟି ଜିଲ୍ଲାରେ ପୁନର୍ଗଠିତ ୧୦୩ଟି ଅମ୍ରିତ ଷ୍ଟେସନର ଉଦଘାଟନ କରିବେ ମୋଦି । ଆଜି ପାଖାପାଖି ଦିନ ପ୍ରାୟ ୧୧ଟାରେ ବିକାନେରରେ ପହଞ୍ଚିବା ପରେ ଦେଶନୋକରେ କରଣୀ ମାତା ମନ୍ଦିରରେ ପୂଜାର୍ଚ୍ଚନା କରିବେ ପ୍ରଧାନମନ୍ତ୍ରୀ । ପଲାନାରେ ଆୟୋଜିତ ସାଧାରଣ ସଭାରେ ଉଦବୋଧନ ଦେବେ ପ୍ରଧାନମନ୍ତ୍ରୀ।

ଡିଡବାନା କୁଚମାନର ବିକାନେର ଓ ନାବାରେ ଥିବା ସୌର ପ୍ରକଳ୍ପ ସହ ପାର୍ଟ ବି ପାବାର ଗ୍ରୀଡ ସିରୋହୀ ଟ୍ରାନ୍ସମିଶନ ଲିମିଟେଡ ଓ ପାର୍ଟ ଇ ପାବାରଗ୍ରୀଡ ମେବାର ଟ୍ରାନ୍ସମିଶନ ଲିମିଟେଡର ବି ପ୍ରଧାନମନ୍ତ୍ରୀ ଭିତିପ୍ରସ୍ତର ସ୍ଥାପନ କରିବେ । ବିକାନେରର ସୌର ପ୍ରକଳ୍ପ, ନିମଚ ପାବାରଗ୍ରୀଡ ଫତେଗଡ-୨ ପାବାର ଷ୍ଟେସନର ଲୋକାର୍ପଣ କରିବେ ମୋଦି ।