ଚାଷୀଙ୍କ ପାଇଁ ଖୁସି ଖବର । ଆଜି ବିହାରରୁ ପିଏମ୍ କିଷାନର ୧୯ ତମ କିସ୍ତି ଚାଷୀଙ୍କ ଆକାଉଣ୍ଟକୁ ପଠାଇବେ ପ୍ରଧାନମନ୍ତ୍ରୀ ମୋଦି । ଦେଶର ପ୍ରାୟ ୯ କୋଟି ଚାଷୀଙ୍କ ଖାତାକୁ ଆସିବ ୨ ହଜାର ଲେଖାଏଁ ଟଙ୍କା । ପିଏମ୍ ମୋଦି ଡିବିଟି ଜରିଆରେ ୯.୫ କୋଟି ଚାଷୀଙ୍କ ଆକାଉଣ୍ଟକୁ ଏହି ଟଙ୍କା ପଠାଇବେ ।

ସରକାର ଏହି କିସ୍ତି ପାଇଁ ୨୦ ହଜାର କୋଟିରୁ ଅଧିକ ଅର୍ଥ ବ୍ୟୟବରାଦ କରିଛନ୍ତି। ପ୍ରଧାନମନ୍ତ୍ରୀ-କିଷାନ ଯୋଜନା ଅଧୀନରେ ପ୍ରତ୍ୟେକ ହିତାଧିକାରୀ ଚାଷୀଙ୍କୁ ପ୍ରତି ଚାରି ମାସରେ ୨୦୦୦ ଟଙ୍କାର ତିନୋଟି ସମାନ କିସ୍ତିରେ ବାର୍ଷିକ ୬ ହଜାର ଟଙ୍କା ଦିଆଯାଏ । ପିଏମ କିଷାନ ଯୋଜନାରେ ଦେଶର କୃଷକଙ୍କୁ ଆର୍ଥିକ ସ୍ଥିରତା ପ୍ରଦାନ କରୁଛି ।

ଏହା ସହିତ ପ୍ରଧାନମନ୍ତ୍ରୀ ରାଷ୍ଟ୍ରୀୟ ଗୋକୁଳ ମିଶନ ଅଧିନରେ ମୋତିହାରିରେ ସ୍ଵଦେଶୀ ବ୍ରିଡର ଦକ୍ଷତା କେନ୍ଦ୍ରକୁ ଉଦଘାଟନ କରିବେ । ଏହାର ପ୍ରମୁଖ ଉଦ୍ଦେଶ୍ୟ ହେଲା ଅତ୍ୟାଧୁନିକ ଆଇଭିଏଫ୍ ଟେକନିକ ଆରମ୍ଭ କରିବା, ଆଗାମୀ ଦିନରେ ପ୍ରଜନନ ପାଇଁ ସ୍ଵଦେଶୀ ବ୍ରିଡ୍‌ର ଉତ୍କୃଷ୍ଟ ପଶୁଙ୍କ ଉତ୍ପାଦନ ଏବଂ ଆଧୁନିକ ପ୍ରଜନନ ଟେକନିକରେ କୃଷକମାନଙ୍କୁ ପ୍ରଶିକ୍ଷଣ ପ୍ରଦାନ । ବରୌଣୀରେ ମଧ୍ୟ ଦୁଗ୍ଧ ଉତ୍ପାଦନ ସଂଯନ୍ତ୍ରର ଉଦଘାଟନ କରିବେ ପ୍ରଧାନମନ୍ତ୍ରୀ । ଏହାର ଉଦ୍ଦେଶ୍ୟ ୩ ଲକ୍ଷ ଦୁଗ୍ଧ ଉତ୍ପାଦକ ମାନଙ୍କ ପାଇଁ ଏକ ସଂଗଠିତ ବଜାର ସୃଷ୍ଟି କରିବା ।

ପିଏମ୍-କିଷାନ ପାଇଁ ଯୋଗ୍ୟତା ?

ଆବେଦନକାରୀ ଭାରତର ନାଗରିକ ହୋଇଥିବେ ।

ସେ ଜଣେ ଚାଷୀ ହୋଇଥିବେ ।

ତାଙ୍କର ଚାଷ ଯୋଗ୍ୟ ଜମି ଥିବ ।

ସେ ୧୦ ହଜାରରୁ ଅଧିକ ଟଙ୍କା ଭତ୍ତା ପାଉ ନଥିବେ ।

କୃଷକ ଜଣଙ୍କ ଆୟକରଦାତା ହୋଇ ନଥିବେ ।

ପିଏମ୍ କିଷାନ ଲାଗି ଇ-କେୱାଇସି ବାଧ୍ୟତାମୂଳକ ।

Argus News | argus news | -Argusnews Home: Odisha Latest News, Breaking News, Trending News, Live TV and more