ଅର୍ଗସ ବ୍ୟୁରୋ:  ମହିଳା ବିରୋଧୀ ଅପରାଧ ମାମଲାରେ ତ୍ୱରିତ ନ୍ୟାୟ ପ୍ରଦାନ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୁରୁତ୍ୱ ।  ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଡି.ୱାଇ. ଚନ୍ଦ୍ରଚୂଡ଼ଙ୍କ ଉପସ୍ଥିତିରେ ଜିଲ୍ଲା ନ୍ୟାୟପାଳିକାର ରାଷ୍ଟ୍ରୀୟ ସମ୍ମିଳନୀର ଉଦଘାଟନୀ କାର୍ଯ୍ୟକ୍ରମରେ ଯୋଗଦେଇ ମହିଳା ବିରୋଧୀ ହିଂସାକୁ ନେଇ ଚିନ୍ତାପ୍ରକଟ କରିଛନ୍ତି ମୋଦି । ମହିଳାଙ୍କ ବିରୋଧରେ ହିଂସା ଏବେ ସାରା ଦେଶର ଚିନ୍ତା ବଢ଼ାଇଛି । ସେଥିପାଇଁ ନ୍ୟାୟପାଳିକା ଏହି ମାମଲାରେ ଶୀଘ୍ର ନ୍ୟାୟ ପ୍ରଦାନ କଲେ ଦେଶର ଅଧା ଜନସଂଖ୍ୟାଙ୍କର ଭରସା ନ୍ୟାୟାଳୟ ଉପରେ ରହିବ ବୋଲି ପ୍ରଧାନମନ୍ତ୍ରୀ ଆଜି ମତ ରଖିଛନ୍ତି ।

ସେହିପରି ମହିଳାମାନଙ୍କୁ ସୁରକ୍ଷାର ଗ୍ୟାରେଣ୍ଟି ବି ମିଳିବ । ଭାରତର ଲୋକେ କଦାପି ନ୍ୟାୟପାଳିକାର ନିଷ୍ପତ୍ତିକୁ ଅବିଶ୍ବାସ ଚକ୍ଷୁରେ ଦେଖିନାହାନ୍ତି ।  ସେଥିପାଇ ନ୍ୟାୟପାଳିକାକୁ ସମ୍ବିଧାନର ସଂରକ୍ଷକ ବୋଲି ମଧ୍ୟ କୁହାଯାଏ । ଏପରିକି ଇମରଜେନ୍ସି ସମୟରେ ମଧ୍ୟ ଲୋକଙ୍କ ବିଶ୍ବାସ ଅଦାଲତ କାଏମ ରଖିଥିଲେ ବୋଲି ପ୍ରଧାନମନ୍ତ୍ରୀ କହିଛନ୍ତି ।

ଅଧିକ ପଢ଼ନ୍ତୁ ଦେଶ ଖବର: