ଦେଶବାସୀଙ୍କୁ ସମ୍ୱୋଧନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରାତି ୮ଟାରେ କରିବେ ସମ୍ୱୋଧନ। 'ଅପରେସନ୍‌ ସିନ୍ଦୂର' ପରେ ପ୍ରଧାନମନ୍ତ୍ରୀ ପ୍ରଥମ ସମ୍ୱୋଧନ। ପ୍ରଧାନମନ୍ତ୍ରୀଙ୍କ 'ଅପରେସନ୍‌ ସିନ୍ଦୂର'ର ସଫଳତା ବିଶ୍ୱ ଦେଖିଛି। ଅପରେସନ ‘ସିନ୍ଦୂର’କୁ ନେଇ ପ୍ରଧାନମନ୍ତ୍ରୀଙ୍କ ବାସଭବନରେ ବସିଥିଲା ବଡ଼ ବୈଠକ । ବୈଠକରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ବୈଦେଶିକ ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର, NSA ଅଜିତ ଡୋଭାଲ ଉପସ୍ଥିତ ଥିଲେ । ବୈଠକରେ CDS ଅନୀଲ ଚୌହ୍ବାନ, ୩ ସେନାର ମୁଖ୍ୟ ମଧ୍ୟ ଉପସ୍ଥିତ ଥିଲେ ।

ଅପରେସନ୍ ସିନ୍ଦୂରରେ ଧ୍ବସଂ ବିଧ୍ବଂସ ହୋଇଥିଲା ଆତଙ୍କୀ ଆଡ୍ଡା । ୯ଟି ଆତଙ୍କବାଦୀ ଆଡ୍ଡା ଉପରେ ମିଶାଇଲ୍ ମାଡ଼ କରିଥିଲେ ଭାରତୀୟ ସେନା । ପାକିସ୍ତାନରେ ୪ଟି ଏବଂ ପାକ୍ ଅଧିକୃତ କାଶ୍ମୀରରେ ୫ଟି ସ୍ଥାନରେ ହୋଇଥିଲା ମିଶାଇଲ ମାଡ଼ । ଲସ୍କର ଏ ତୋଇବା, ହିଜବୁଲ୍ ମୁଜାହିଦ୍ଦିନ୍ ଓ ଜୈସ୍ ଏ ମହମ୍ମଦ ଭଳି ଆତଙ୍କୀ ସଂଗଠନର କମର ଭାଙ୍ଗିଥିଲା ଭାରତ । ଯାହାର ସାଟେଲାଇଟ୍ ଚିତ୍ର ସେୟାର କରିଛି ଭାରତୀୟ ସେନା ।

ଯାହା ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀରରେ ଆତଙ୍କବାଦୀ ସ୍ଥଳରେ ଅପରେସନ୍ ସିନ୍ଦୂର ଦ୍ୱାରା ହୋଇଥିବା ଧ୍ୱଂସର ଦୃଶ୍ୟକୁ ପ୍ରମାଣ କରୁଛି । ଏହି ଦୃଶ୍ୟଗୁଡ଼ିକ ଦୁଇଟି ପ୍ରମୁଖ ଲକ୍ଷ୍ୟସ୍ଥଳ ମୁରିଦକେ ଏବଂ ବାହବଲପୁରର ପୂର୍ବ ଏବଂ ପରର । ଏହା ସହ ପାକିସ୍ତାନର ଏୟାର ଡିଫେନ୍ସ ରାଡାର ଏବଂ ଏୟାରଫିଲ୍ଡର ଆକ୍ରମଣର ପୂର୍ବ ଓ ପରର ଚିତ୍ର ସେୟାର କରିଛି ଭାରତୀୟ ସେନା ।