ଅପରେସନ ସିନ୍ଦୂରର ବୀର ଯବାନଙ୍କୁ ସାଲ୍ୟୁଟ୍ କରିବାର ଅବସର,ଆମର ବୀର ଯବାନ ଶତ୍ରୁଙ୍କୁ କଳ୍ପନାତୀତ ଦଣ୍ଡ ଦେଇଛନ୍ତି । ଏପ୍ରିଲ ୨୨ରେ ସୀମାପାର ଶତ୍ରୁ ପହଲଗାମରେ ନରସଂହାର କଲେ । ପହଲଗାମରେ ଧର୍ମ ପଚାରି ପଚାରି ଲୋକଙ୍କୁ ଗୁଳି ମାରିଲେ । ପହଲଗାମ ଘଟଣା ନେଇ ସାରା ଦେଶ ଆକ୍ରୋଶରେ ଭରିଥିଲା । ଅପରେସନ ସିନ୍ଦୂର ପହଲଗାମ ଆକ୍ରୋଶର ଅଭିବ୍ୟକ୍ତି। ଏପ୍ରିଲ ୨୨ ପରେ ସେନାକୁ ପୁରା ସ୍ବାଧୀନତା ଦିଆଗଲା । ରଣନୀତି,ଲକ୍ଷ୍ୟ ଓ ସମୟ ସବୁକିଛି ସେନା ସ୍ଥିର କଲା । ଆମ ସେନା ଯାହା କରିଛି, ତାହା ଅନେକ ଦଶକ ଯାଏଁ ହୋଇନଥିଲା । ଶତ୍ରୁ ସୀମାରେ ପଶି ଆତଙ୍କୀ ଆଡ୍ଡାକୁ ଧୂଳିସାତ୍ କରାଲେ ଆମ ଯବାନ ମାନେ ।

ଆତଙ୍କୀ ଅଟ୍ଟାଳିକାକୁ ଧ୍ବସ୍ତ କଲେ ଭାରତୀୟ ସେନା । ପାକିସ୍ତାନରେ ହୋଇଥିବା ବିନାଶ ବାବଦରେ ପ୍ରତିଦିନ ନୂଆ ଖୁଲାସା ହେଉଛି । ଆମ ଦେଶ ବହୁ ଦଶକ ଧରି ଆତଙ୍କକୁ ସହି ଆସିଛୁ । ଆତଙ୍କବାଦରେ ଦେଶର ଛାତିକୁ ବିଦ୍ଧ କରାଯାଇଛି । ଆମେ ଏବେ ନୂଆ ନର୍ମାଲ୍ ସ୍ଥିର କରିଛୁ । ଆତଙ୍କୀ ଓ ସେମାନଙ୍କ ଆଶ୍ରୟଦାତାଙ୍କୁ ଆମେ ଅଲଗା ଅଲଗା ଦେଖିବୁ ନାହିଁ । ଭାରତ ସ୍ଥିର କରିଛି, ପରମାଣୁ ଧମକ ଆଉ ସହିବୁ ନାହିଁ । ଦୀର୍ଘ ବର୍ଷ ଧରି ଚାଲିଆସିଥିଲା ନ୍ୟୁକ୍ଲିୟର ବ୍ଲାକମେଲ୍ । ଆଗକୁ ବି ଶତ୍ରୁ ଏମିତି ଉଦ୍ୟମ ଜାରି ରଖିଲେ ମୁହଁତୋଡ଼ ଜବାବ ଦିଆଯିବ । ଆଗକୁ ବି ଜବାବ ଦେବାର ସମୟ, ଉପାୟ ସବୁକିଛି ସେନା ହିଁ ସ୍ଥିର କରିବ । ଆମେ ଶତ୍ରୁଙ୍କୁ ମୁହଁତୋଡ଼ ଜବାବ ଦେବୁ