ସୁଧୁରୁଛି ବୃନ୍ଦାବନର ସନ୍ଥ ପ୍ରେମାନନ୍ଦ ଜୀ ମହାରାଜଙ୍କ ସ୍ୱାସ୍ଥ୍ୟବସ୍ଥା । ତାଙ୍କର ଏବେ ଏକ ଭିଡିଓ ସାମନାକୁ ଆସିଛି ଯେ ଉଁଠି ସେ ନିଜେ କହୁଛନ୍ତି ଯେ ତାଙ୍କ ହାତ, ଗୋଡ ଗୁଡିକ ସଠିକ୍ କାମ କରୁଛି । ଗତକାଲି ଅପେକ୍ଷା ଭଲ ରହିଛି । ଏବଂ ସେ ଆଖି ଖୋଲିବାକୁ ମଧ୍ୟ ଚେଷ୍ଟା କରୁଛନ୍ତି । କେଳି କୁଞ୍ଜ ଆଶ୍ରମରେ ତାଙ୍କର ସମସ୍ତ ଚିକିତ୍ସା କରାଯାଉଛି । ପ୍ରତିଦିନ ଡାଏଲିସିସି କରାଯାଉଛି ।

ଆହୁରି ପଢନ୍ତୁ ବିବାଦରେ ପ୍ରେମାନନ୍ଦ ଜୀ ମହାରାଜ , କାହିଁକି ମହିଳାମାନଙ୍କୁ କହିଲେ ଏମିତି, ଜାଣନ୍ତୁ...

ପ୍ରେମାନନ୍ଦ ମହାରାଜ କିଡନୀ ରୋଗରେ ପୀଡିତ

ପ୍ରେମାନନ୍ଦ ମହାରାଜ ଦୀର୍ଘ ଦିନ ଧରି କିଡନୀ ରୋଗରେ ପୀଡିତ ଅଛନ୍ତି । ତାଙ୍କୁ ନିୟମିତ ଡାଏଲିସିସ୍ ଆବଶ୍ୟକ । ଗତ କିଛି ଦିନ ଧରି ତାଙ୍କ ସ୍ୱାସ୍ଥ୍ୟବସ୍ଥା ଖରାପ ହେଉଛି । ଆଉ ସକାଳ ପଦଯାତ୍ରା ମଧ୍ୟ ସେ ବାହାରି ପାରୁନାହାଁନ୍ତି । ତାଙ୍କ ଅନୁପସ୍ଥିତିରେ ଭକ୍ତମାନେ ଗଭୀର ବ୍ୟଥିତ ହୋଇପଡିଛନ୍ତି । ଏବେ ସେ ବାହାରକୁ ଯିବା ସ୍ଥିତିରେ ନାହାନ୍ତି । ସେପଟେ ଆଶ୍ରମ ପକ୍ଷରୁ ପୂର୍ବରୁ ଘୋଷଣା କରିଥିଲା ​​ଯେ ସ୍ୱାସ୍ଥ୍ୟଗତ କାରଣରୁ ତାଙ୍କର ପଦଯାତ୍ରା ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଛି । ଭକ୍ତମାନଙ୍କୁ ଦର୍ଶନ ପାଇଁ ରାସ୍ତାରେ ମହାରାଜଙ୍କ ଅପେକ୍ଷା ନକରିବାକୁ ମଧ୍ୟ ଅନୁରୋଧ କରାଯାଇଛି । ପ୍ରେମାନନ୍ଦ ମହାରାଜଙ୍କ ସ୍ୱାସ୍ଥ୍ୟକୁ ପ୍ରାଥମିକତା ଦୃଷ୍ଟିରୁ ଏସବୁ ପଦକ୍ଷେପ ନିଆଯାଇଛି ।

କେଳି କୁଞ୍ଜ ଆଶ୍ରମ ପକ୍ଷରୁ ଏହା କୁହାଯାଇଛି ଯେ ମହାରାଜଙ୍କ ସ୍ୱାସ୍ଥ୍ୟବସ୍ଥା ବର୍ତ୍ତମାନ ଭଲ ଅଛି । ଦୈନନ୍ଦିନ କାର୍ଯ୍ୟ ସେ କରିପାରୁଛନ୍ତି । କେବଳ ସକାଳ ପଦଯାତ୍ରା ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଛି । ଏହା ସହିତ, ଆଶ୍ରମ ଭକ୍ତମାନଙ୍କୁ କୌଣସି ମିଥ୍ୟା କିମ୍ବା ଭିତ୍ତିହୀନ ଗୁଜବରେ ଧ୍ୟାନ ନ ଦେବାକୁ ନିବେଦନ କରାଯାଇଛି । ଯେଉଁ ଭିଡିଓ ଭାଇରାଲ୍ ହେଉଛି ତାହା ବହୁତ ପୁରୁଣା । ପୂର୍ବ ଥର ଯେବେ ପ୍ରେମାନନ୍ଦ ଜୀଙ୍କ ସ୍ୱାସ୍ଥ୍ୟ ଖରାପ ହୋଇଥିଲା ସେତେବେଳେ ସେ ରାମକୃଷ୍ଣ ମିଶନ ସେବାଶ୍ରମରେ ଚିକିତ୍ସିତ ହେଉଥିଲେ । ଏହି ପୁରୁଣା ଭିଡିଓ ଆଧାରରେ ଗୁଜବ ପ୍ରଚାର ହେଉଛି । ସେପଟେ ତାଙ୍କ ଅସୁସ୍ଥତା ଖବର ଜାଣିବା ପରେ ଭକ୍ତମାନଙ୍କ ମନକୁ ଖୁବ କଷ୍ଟ ହୋଇଥିଲା । ଏବେ ତାଙ୍କ ସୁସ୍ଥତା ଖବର ସମସ୍ତଙ୍କୁ ଆଶ୍ୱସ୍ତ କରିଛି ।

ଆହୁରି ପଢନ୍ତୁ ପ୍ରେମାନନ୍ଦ ଜୀ ମହାରାଜଙ୍କୁ ଭେଟିଲେ ବାଦଶାହ , ପଚାରିଲେ ଏମିତି ପ୍ରଶ୍ନ...