ସଂସଦ ଭବନରେ ପ୍ରଥମ ଥର ଲାଗି ସମ୍ବୋଧିତ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
ଅର୍ଗସ ବ୍ୟୁରୋ: ବଜେଟ୍ ଅଧିବେଶନର ପ୍ରଥମ ଦିନ । ମିଳିତ ଅଧିବେଶନକୁ ନୂଆ ସଂସଦ ଭବନରେ ପ୍ରଥମ ଥର ଲାଗି ସମ୍ବୋଧିତ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । କହିଲେ ସମାଜ ପ୍ରତି ସମର୍ପଣ ଭାବର ପ୍ରତୀକ ଥିଲେ ଉତ୍କଳମଣି ଗୋପବନ୍ଧୁ ଦାସ । ସଂସଦରେ ମିଶୁ ମୋର ଦେହ ଏ ଦେଶରେ ମାଟିରେ…. ପଂକ୍ତିକୁ ଦୋହାରଇଛନ୍ତି ରାଷ୍ଟ୍ରପତି । ପୂରା ଦେଶ ଶୁଣିଲା ଗୋପବନ୍ଧୁଙ୍କ ଏ ପଂକ୍ତିକୁ । ରାଷ୍ଟ୍ରପତି ନିଜ ଅଭିଭାଷଣରେ କହିଛନ୍ତି, ଅମୃତ କାଳରେ ନିର୍ମାଣ ହୋଇଛି ନୂଆ ସଂସଦ ଭବନ । ସମ୍ବିଧାନ ପ୍ରସ୍ତୁତକୁ ୭୫ ବର୍ଷ ପୁରିଛି । ଏହି ଅମୃତ କାଳରେ ୧୭ ହଜାରରୁ ଅଧିକ ଅମୃତ ସରୋବର ହୋଇଛି । ୨ ଲକ୍ଷରୁ ଅଧିକ ଅମୃତ ବାଟିକାର ନିର୍ମାଣ ହୋଇଛି ।
ଅମୃତ ଉତ୍ସବରେ କର୍ତ୍ତବ୍ୟପଥରେ ନେତାଜୀଙ୍କ ପ୍ରତିମୂର୍ତ୍ତି ସ୍ଥାପିତ ହୋଇଛି । ବିର୍ସା ମୁଣ୍ଡାଙ୍କ ଜନ୍ମଦିନକୁ ଜନଜାତି ଗୌରବ ଦିବସ ଭାବେ ପାଳନ କରାଯାଉଛି । ଗମ୍ଭୀର ସଙ୍କଟ ସତ୍ତ୍ବେ ଭାରତ ବିକଶିତ ଭାରତ ଧାରାରେ ଆଗକୁ ବଢୁଛି । ଭାରତ ହେଉଛି ପ୍ରଥମ ଦେଶ, ଯିଏ ଚନ୍ଦ୍ରର ସାଉଥ ପୋଲରେ ପ୍ରଥମେ ପହଞ୍ଚିଛି । G-20 ରେ ଭାରତର ଗୌରବ ବଢିଛି । asian gamesରେ ୧୦୦ରୁ ଅଧିକ ମେଡାଲ ଜିତିଛି ଭାରତ । ଦେଶକୁ ଅଟଳ ସେତୁ, ଅମୃତ ଭାରତ ଟ୍ରେନ ମିଳିଛି । 5Gରେ ଭାରତ ଦ୍ରୁତ ଗତିରେ ବଢୁଛି । ଲକ୍ଷାଧିକ ଯୁବକଙ୍କୁ ସରକାରୀ ଚାକିରି ପ୍ରଦାନ କରିଛି ଏ ସରକାର । ସେହିପରି ୧୨ ମାସରେ ଅନେକ ମହତ୍ତ୍ବପୂର୍ଣ୍ଣ କାନୁନ ଆସିଛି । ନାରୀ ଶକ୍ତି ବନ୍ଧନ ଅଧିନିୟମ ପାରିତ ।
ଲୋକସଭା ଓ ବିଧାନସଭାରେ ମହିଳାଙ୍କ ଭାଗିଦାରୀ ବଢିବ ବୋଲି କହିଛନ୍ତି ରାଷ୍ଟ୍ରପତି । ଦଣ୍ଡ ନୁହେଁ ନ୍ୟାୟକୁ ପ୍ରାଥମିକତା ଦିଆଯାଇଛି । ଜାମ୍ମୁକାଶ୍ମୀରରୁ ୩୭୦ ହଟାଇବା ଇତିହାସ ବନିଛି । ୨୦୧୪-୧୫ରେ ୨୦୦୦ ଇଲେକ୍ଟ୍ରି ଯାନ ବିକ୍ରି ହେଉଥିଲା, ଏବେ ୧୫ ଲକ୍ଷ ଏଲେକକ୍ଟ୍ରି ଯାନ ବିକ୍ରି ହେଉଛି । ସେହିପରି ରାମ ମନ୍ଦିର ଆକାଂକ୍ଷାକୁ ପୂରଣ କରିଛି ବୋଲି କହିଛନ୍ତି ରାଷ୍ଟ୍ରପତି । ଆଉ ୫ ବର୍ଷ ପାଇଁ ମାଗଣା ରାସନ ମିଳିବ । ଆୟୁଷ୍ମାନ ଭାରତରେ ୫୩ କୋଟି ଭାରତୀୟଙ୍କ ଆଇଡି ବନିଛି ।
