ନୂଆଦିଲ୍ଲୀ: ଆପ୍ ନେତା ସତ୍ୟେନ୍ଦ୍ର ଜୈନଙ୍କ ଲାଗି ବଢ଼ିଲା ଅଡୁଆ । ତାଙ୍କ ବିରୋଧରେ ମାମଲା ରୁଜୁ ପାଇଁ ଅନୁମତି ଦେଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଅର୍ଥ ହେରଫେର ଅଭିଯୋଗରେ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଏହାର ଏବେ ତଦନ୍ତ କରାଯାଉଛି । ଏନେଇ ୨୦୨୨ରେ ତାଙ୍କୁ ଇଡି ପକ୍ଷରୁ ଗିରଫ କରାଯାଇଥିଲା ।

ଦିଲ୍ଲୀର ପୂର୍ବତନ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ବିରୋଧରେ ମାମଲା ରୁଜୁ ପାଇଁ କେନ୍ଦ୍ର ଗୃହମନ୍ତ୍ରାଳୟ ପକ୍ଷରୁ ଗତ ସପ୍ତାହରେ ରାଷ୍ଟ୍ରପତିଙ୍କ ଅନୁମତି ମଗାଯାଇଥିଲା । ସତ୍ୟେନ୍ଦ୍ର ଏବେ ଜାମିନରେ ଆସିଛନ୍ତି । ଆୟ ବର୍ହିଭୂତ ସମ୍ପତ୍ତି ଠୁଳ ମାମଲାରେ ସିବିଆଇ ପକ୍ଷରୁ ତାଙ୍କ ବିରୋଧରେ ରୁଜୁ ହୋଇଛି ମାମଲା । ୨୦୧୫ରୁ ୨୦୧୭ ମଧ୍ୟରେ ନିଜର ଘୋଷିତ ଆୟ ଠାରୁ ୨୧୭ ଗୁଣା ଅଧିକ ସମ୍ପତ୍ତି ଠାବ କରାଯାଇଥିଲା । ଯାହାର ମୂଲ୍ୟ ଥିଲା ଏକ କୋଟି ୪୭ ଲକ୍ଷ ଟଙ୍କା ।

ଦିଲ୍ଲୀର ପୂର୍ବତନ ସ୍ଵାସ୍ଥ୍ୟ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ବିରୋଧରେ ବିଏନଏସ୍ ଧାରା ୨୧୮ରେ କେସ୍ ଚାଲିବ । ଏବେ ରାଷ୍ଟ୍ରପତି ମାମଲା ଲାଗି ଅନୁମତି ଦେବା ପରେ ପ୍ରବର୍ତ୍ତନ ନିର୍ଦ୍ଦେଶାଳୟ, ସତ୍ୟେନ୍ଦ୍ର ଜୈନଙ୍କ କେତେବେଳେ ବି ଗିରଫ କରିବାର ଆଶଙ୍କା ରହିଛି ।

ଇଡିର ଅଭିଯୋଗ ହେଉଛି, ସତ୍ୟେନ୍ଦ୍ର ଜୈନଙ୍କ ସହ ଜଡ଼ିତ ୪ଟି ନକଲି କମ୍ପାନୀ ଜରିଆରେ ମନି ଲଣ୍ଡରିଂ କରିଥିଲେ । ଏସବୁ ନକଲି କମ୍ପାନୀ ଜରିଆରେ ଆସିଥିବା ଟଙ୍କାର ବ୍ୟବହାର କରି ୨୦୧୫ ଫେବ୍ରୁଆରୀ ୧୪ରୁ ୨୦୧୭ ମେ ୩୧ ମଧ୍ୟରେ ଅନେକ ଲୋକଙ୍କ ନାଁରେ ସମ୍ପତ୍ତି କିଣା ଯାଇଥିଲା ।

Argus News | argus news | Odisha Latest News, Breaking News, Trending News, Live TV