ପୂରା ଦେଶ ଆତଙ୍କବାଦ ବିରୋଧରେ ଏକଜୁଟ୍‌ । ଆଜି ଲୋକଙ୍କ ମନରେ ଆକ୍ରୋଶ ରହିଛି । ଆତଙ୍କବାଦ ଶେଷ କରିବାକୁ ଭାରତ ସଂକଳ୍ପ ନେଇଛି । ଅପରେସନ ସିନ୍ଦୂରରେ ସେନାର ପରାକ୍ରମକୁ ନେଇ ଦେଶ ଗର୍ବିତ । ଅପରେସନ୍ ସିନ୍ଦୂର ଆତ୍ମନିର୍ଭର ଭାରତର ପ୍ରତୀକ ବୋଲି ମନ୍ କି ବାତ୍‌ରେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଅପରେସନ ସିନ୍ଦୂର’ ବଦଳୁଥିବା ଭାରତର ଚିତ୍ର । ଅପରେସନ ସିନ୍ଦୂର’ ସାହସ ଓ ସଂକଳ୍ପର ପ୍ରତୀକ । ସେନା ଆତଙ୍କବାଦୀଙ୍କ ଠିକଣା ଧ୍ବଂସ କରିଛି ବୋଲି କହିଛନ୍ତି ମୋଦି । ସେହିପରି ଖେଲୋ ଇଣ୍ଡିଆର ଅନେକ ଖେଳାଳି ଭଲ ପ୍ରଦର୍ଶନ କରିଛନ୍ତି । ଓଡ଼ିଆ ଖେଳାଳି ହର୍ଷ ବର୍ଦ୍ଧନ ସାହୁଙ୍କୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ।