ଅର୍ଗସ ବ୍ୟୁରୋ:  ବିଷାକ୍ତ କେକ୍ ନେଲା ଜୀବନ । ଜନ୍ମଦିନ ପାଳନ କରିବା ପାଇଁ ଆସିଥିବା କେକ ଖାଇ ଗୋଟିଏ ପରିବାରର ସମସ୍ତ ସଦସ୍ୟ ଗୁରୁତର ହୋଇଥିବା ବେଳେ ଜଣଙ୍କର ଜୀବନ ଯାଇଛି। ପଞ୍ଜାବ ପଟିଆଲାରେ ଜନ୍ମଦିନ ପାଳନ ପାଇଁ ଅନଲାଇନରେ ଏକ କେକ ମଗାଇଯାଇଥିଲା । ଏହି କେକ୍ ଖାଇବା ପରେ ସମସ୍ତେ ଗୁରୁତର ହୋଇ ପଡିଥିଲେ । ଅନ୍ୟପକ୍ଷରେ ଜନ୍ମ ଦିନ ପାଳନ କରିଥିବା ମାନଭିଙ୍କ ମୃତ୍ୟୁ ହୋଇଛି ।

ସନ୍ଧ୍ୟା ୭ଟାରେ କେକ୍ କାଟି ସମସ୍ତ ସଦସ୍ୟ ଖାଇଥିଲେ । ରାତି ୧୦ଟା ପରେ ଜଣଙ୍କ ପରେ ଜଣେ ସଦସ୍ୟ ବାନ୍ତି କରିବା ସହ ଅସୁସ୍ଥ ହୋଇ ପଡିଥିଲେ । ମାନଭିଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ମେଡିକାଲରେ ଭର୍ତ୍ତି କରି ଅକ୍ସିଜେନ ଦିଆଯାଇଥିଲା । ବିଷାକ୍ତ କେକ୍ ଖାଇବା ପରେ ପରିବାର ସଦସ୍ୟ ଗୁରୁତର ହୋଇ ପଡିଥିବା ମୃତ ବାଳିକାଙ୍କ ଜେଜେ ଅଭିଯୋଗ କରିଛନ୍ତି । ୧୦ବର୍ଷର ବାଳିକା ଜଣଙ୍କ ତାଙ୍କ ଜନ୍ମଦିନ ପାଳୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।

ଅଧିକ ପଢ଼ନ୍ତୁ ଦେଶ ଖବର: