ନାଁ ତାର ରାଫେଲ୍ । ଭାରତ ଫ୍ରାନ୍ସରୁ କିଣିଥିବା ରାଫେଲ ବିମାନର ସାହସିକ କାରନାମା ଦେଶବାସୀ ଅପରେସନ ସିନ୍ଦୂର ସମୟରେ ଦେଖିଛନ୍ତି । ଆଉ ଏ ରାଫେଲ୍ ବି କାହାଠୁ କମ୍ ନୁହେଁ । ଯେମିତି ରାଫେଲ ଯୁଦ୍ଧ ବିମାନ ତାଣ୍ଡବ ରଚି ସମସ୍ତଙ୍କ ଧ୍ୟାନ ଆକର୍ଷଣ କରିଥିଲା ଠିକ୍ ସେମିତି ରାଫେଲ୍ ଗାଈ ବି ଯେଉଁଠି ଯାଉଛି ସେଠି ତାକୁ ନେଇ ଚର୍ଚ୍ଚା । ପଞ୍ଜାବ, ହରିୟାଣା, ରାଜସ୍ଥାନରେ ଏହି ବ୍ରିଡ୍ ର ରାଫେଲ ଗାଈକୁ ନେଇ ବହୁତ ଚର୍ଚ୍ଚା । ଏମିତିକି ଏହି ପ୍ରଜାତିର ଗାଈ ଦିନକୁ 80 ଲିଟର କ୍ଷୀର ଦେବା ସହ ତିନୋଟି ଟ୍ରାକ୍ଟର, ତିନୋଟି ବାଇକ ଓ 50 ହଜାର ଟଙ୍କା ଜିତିସାରିଲାଣି ।

ଆଉ ଏହି ଗାଈ ଉତ୍ତର ଭାରତରେ ସବୁଠୁ ବଡ ପଶୁଧନ ମେଳାରେ ସମସ୍ତଙ୍କ ଧ୍ୟାନ ଆକର୍ଷଣ କରିଛି । 19ତମ ଇଣ୍ଟରନ୍ୟାସନାଲ ଡାଏରୀ ଆଣ୍ଡ ଏଗ୍ରିକଲଚର ଏକ୍ସପୋ ପରେ ଏହି ଗାଈକୁ ନେଇ ଚାଷୀଙ୍କ ମଧ୍ୟରେ ଚର୍ଚ୍ଚା ହେଉଛି । ଏକ୍ସପୋରେ ସବୁଠୁ ଅଧିକ ଦୁଗ୍ଧ ଦେଉଥିବା ଗାଈ ମଧ୍ୟରେ ଏହି ଗାଈ ଏକ ନମ୍ବର ସ୍ଥାନ ଅଧିକାର କରିଛି । ସେଠାରେ ଅଂଶଗ୍ରହଣ କରିଥିବା ଅନ୍ୟ ଗାଈ ଗୁଡିକ କିଏ 76 ଲିଟର ତ କିଏ ଦିନକୁ ବେଶୀ ରୁ ବେଶୀ 50 ଲିଟର ଦୁଗ୍ଧ ଦେଉଥିବାବେଳେ ଏହି ଗାଈଟି ସବୁଠୁ ଅଧିକ କ୍ଷୀର ଦେଇ ରେକର୍ଡ କରିଥିଲା ।

ଏଥିସହ ପଢ଼ନ୍ତୁ: କିଛି ଅସୁବିଧା ନାହିଁ, ଏଥର ଦେଲେନି ଦଶମ ପରୀକ୍ଷା ଆର ବର୍ଷ ଦବ: ବୈଭବଙ୍କ ବାପା

ଗାଈ ମାଲିକ ହେଲେ ପଞ୍ଜାବର ପ୍ରିତିପାଲ ସିଂ । ତାଙ୍କ କହିବା କଥା ଘରେ ଏହି ଗାଈ ଆହୁରି ଅଧିକ କ୍ଷୀର ଦିଏ । ଖାଲି ଏହି ଗୋଟିଏ ଏକ୍ସପୋ ନୁହେଁ ଏହି ବ୍ରିଡ୍ ର ଗାଈ ଯେ କୌଣସି ସ୍ଥାନକୁ ଯାଉଛି ସେଠାରେ ବିଜୟ ହେଉଛି । ଖାଲି କ୍ଷୀର ନୁହେଁ ଫିଜିକାଲ ଷ୍ଟାଣ୍ଡାର୍ଡ ଏବଂ ସମସ୍ତ ବ୍ରିଡ୍ କ୍ୱାଲିଟିରେ ତାକୁ କିଏ ହରାଇ ପାରିବେନି । ସେଥିପାଇଁ ସେ ଏହି ଗାଈର ନାଁ ରାଫେଲ ଦେଇଛନ୍ତି । ରାଫେଲ୍ ହେଉଛି ହଲଷ୍ଟେନ ଫ୍ରିସିଆନ ପ୍ରଜାତିର ଗାଈ । ଯାହାକୁ ଖୁବ ଯତ୍ନର ସହ ରଖାଯାଏ । ଦିନକୁ ତା'ପାଇଁ 2000 ଟଙ୍କା ଖର୍ଚ୍ଚ ହୁଏ । ଏ ସବୁ ଖର୍ଚ୍ଚକୁ ବାଦ୍ ଦେଲେ ମାସକୁ ରାଫେଲ୍ ଏକୁଟିଆ ଲାଭ ଦିଏ 60 ହଜାର ଟଙ୍କା । ଯେବେ ରାଫେଲ୍ କୁ 2 ବର୍ଷ ହୋଇଥିଲା ସେ ଏମିତି ଏକ୍ସପୋ ଗୁଡିକରେ ଅଂଶଗ୍ରହଣ କରିବା ଆରମ୍ଭ କରିଥିଲା । ସେତେବେଳେ ମଧ୍ୟ ସେ ଟୁ ଟିଥ୍ ମିଲକିଂ କାଟାଗୋରୀରେ ପ୍ରଥମ ସ୍ଥାନ ହାସିଲ କରିଥିଲା । 2025ରେ ମଧ୍ୟ ପ୍ରଥମ ସ୍ଥାନ ଅଧିକାର କରିଥିଲା । ସେତେବେଳେ ପୁରସ୍କାର ସ୍ୱରୁପ ଟ୍ରାକ୍ଟର ଜିତିଥିଲା । ପରେ 50 ହଜାର ଟଙ୍କା ଓ ମଟର ସାଇକେଲ ଜିତିଥିଲା ।

ଅଧିକ ପଢ଼ନ୍ତୁ ଦେଶ ଖବର: