ଆପଣ କଣ ବ୍ଲିଙ୍କଇଟ୍‌ ଆପ୍‌ରେ ଅର୍ଡର କରୁଛନ୍ତି କି? ତେବେ ଆପଣଙ୍କ ଘରକୁ ଆସିବ ଅର୍ଡର । ତା ପୁଣି ନେଇକି ଆସିବେ ପଞ୍ଜାବ ସାଂସଦ । ରାଘବ ଚଡ୍ଡା ନିଜେ ଆପଣଙ୍କ ଘରେ ପହଞ୍ଚିବେ? ଏହା ମଜାକ୍ ନୁହେଁ, ବରଂ ଏକ ସାମାଜିକ ପରୀକ୍ଷଣର ଏକ ଅଂଶ । ଆପଣ ବଲିଉଡ ଫିଲ୍ମ 'ନାୟକ' ଦେଖିଥିବେ, ଯେମିତି ସେଥିରେ ଅନୀଲ କପୁର ଗୋଟେ ଦିନ ପାଇଁ ମୁଖ୍ୟମନ୍ତ୍ରୀ ହୋଇଥିଲେ, ଠିକ ସେହିପରି ରାଘବ ଚଡ୍ଡା ମଧ୍ୟ ଗୋଟେ ଦିନ ପାଇଁ ଡେଲିଭରୀ ବୟ ହୋଇଛନ୍ତି।ଆପଣ ଅନେକ ଲୋକଙ୍କୁ ଦେଖିଥିବେ ଯିଏ ଜିରୋରୁ ନିଜର ରାଜନୀତି ଆରମ୍ଭ କରିଥାନ୍ତି। 

କିନ୍ତୁ ଆପଣ କେବେ ଦେଖିଛନ୍ତି କି ଜଣେ ସାଂସଦ କେବେ ଲୋକଙ୍କ ଘରେ ଘରେ ବୁଲି ଡେଲିଭରୀ ବୟ ହୋଇ ଖାଦ୍ୟ ବାଣ୍ଟିଥାନ୍ତି। ସେ ପୁଣି ଅସହ୍ୟ ଥଣ୍ଡାରେ। ଆଜ୍ଞା ହଁ, ଏମିତି କିଛି କରିଦେଖାଇଛନ୍ତି ପଞ୍ଜାବ ସାଂସଦ ରାଘବ ଚଡ୍ଡା। ରାଜନୀତିର ଚାକଚକିଆରୁ ବହୁ ଦୂରରେ । ସାଧାରଣ ଲୋକଙ୍କ ଜୀବନକୁ ବୁଝିବାର ଅନନ୍ୟ ପ୍ରୟାସ କରିଛନ୍ତି ରାଘବ । ଏମିତି ପ୍ରୟାସ କରିଛନ୍ତି ରାଜନୀତିର ଚର୍ଚ୍ଚିତ ଚେହେରା ତଥା ଆମ ଆଦମୀ ପାର୍ଟି (AAP) ରାଜ୍ୟସଭା ସାଂସଦ ରାଘବ ଚଡ୍ଡା । ଦିନକ ପାଇଁ ବ୍ଲିଙ୍କଇଟ୍‌ ଡେଲିଭରୀ ରାଇଡର ଭୂମିକା ନିଭାଇଛନ୍ତି । ସୋସିଆଲ ମିଡିଆରେ ତାଙ୍କର ଏହି ଭିଡିଓ ଚର୍ଚ୍ଚାର ବିଷୟ ପାଲଟିଛି।

Away from boardrooms, at the grassroots. I lived their day.

Stay tuned! pic.twitter.com/exGBNFGD3T

— Raghav Chadha (@raghav_chadha) January 12, 2026

ଯଦି ଆପଣ ଭାବୁଛନ୍ତି ଯେ ରାଘବ ଚଡ୍ଡାଙ୍କୁ ଘରକୁ ନିମନ୍ତ୍ରଣ କରିବା ପାଇଁ କ'ଣ ଅର୍ଡର କରିବେ, ତେବେ ବ୍ଲିଙ୍କଇଟ୍‌ ଆପ୍ ରେ ଯେକୌଣସି ଅର୍ଡର ଦିଅନ୍ତୁ - କିନ୍ତୁ ଏହା ଏକ ସ୍ୱତନ୍ତ୍ର ଅଭିଯାନର ଅଂଶ ହୋଇପାରେ । ଯେଉଁଠାରେ ଚଡ୍ଡା ଅନିୟମିତ ଗ୍ରାହକଙ୍କ ଜୀବନର ବାସ୍ତବତା ବୁଝିବା ପାଇଁ ସେମାନଙ୍କ ପାଖରେ ପହଞ୍ଚିଛନ୍ତି । ତଥାପି, ଏହା କେବଳ ଏକ ଟିଜର, ତେଣୁ ସମ୍ପୂର୍ଣ୍ଣ ଭିଡିଓ ପ୍ରକାଶିତ ହେଲେ ଅଧିକ ବିବରଣୀ ପ୍ରକାଶ ପାଇବ।ରାଘବ ଚଡ୍ଡା ତାଙ୍କ X ଆକାଉଣ୍ଟରେ ଏକ ଛୋଟ ଟିଜର ଭିଡିଓ ପୋଷ୍ଟ କରିଥିଲେ । ଯାହା ବେଶ୍ ଭାଇରାଲ ହେବାରେ ଲାଗିଛି । ଭିଡିଓଟି ରାଘବଙ୍କ ଦ୍ୱାରା ଆରମ୍ଭ ହୁଏ । ଯେଉଁଠି ସେ ବ୍ଲିଙ୍କଇଟ୍‌ -ବ୍ରାଣ୍ଡେଡ୍ ଟି-ସାର୍ଟ ଓ ଜ୍ୟାକେଟ୍ ପିନ୍ଧିଛନ୍ତି ।

ଏଥିସହ ପଢ଼ନ୍ତୁ: ଆମେରିକାକୁ ପଛରେ ପକେଇଦେଲା ଭାରତ, ଟ୍ରମ୍ପ କହିଲେ ଏହା କିପରି ସମ୍ଭବ ?

ତା'ପରେ ସେ ଜଣେ ପ୍ରକୃତ ଡେଲିଭରି ଆରୋହୀଙ୍କଠାରୁ ଏକ ବ୍ୟାଗ ନେଇ ତାଙ୍କ ସ୍କୁଟରରେ ଚଢ଼ି ଯାଆନ୍ତି। ରାସ୍ତାରେ, ସେମାନେ ଗୋଟିଏ ଦୋକାନରେ ଅଟକି ଯାଆନ୍ତି ଯେଉଁଠାରେ ଖାଦ୍ୟ ସାମଗ୍ରୀ ପ୍ୟାକ୍ ହୁଏ । ପରେ, ସେମାନେ ଡେଲିଭରୀ ସ୍ଥାନ ଆଡ଼କୁ ଯାଉଥିବା ସମୟରେ, ଜଣେ ଗ୍ରାହକଙ୍କ ଘରକୁ ଯାଆନ୍ତି । ଏହାପରେ ରାଘବ ବାହାରି ଆସନ୍ତି, ଡୋରବେଲ୍ ବଜାଇଥାନ୍ତି । ଭିଡିଓର କ୍ୟାପସନରେ, ରାଘବ ଲେଖିଛନ୍ତି: "ବୋର୍ଡରୁମ୍ ଠାରୁ ଦୂରରେ, ତୃଣମୂଳ ସ୍ତରରେ। ମୁଁ ତାଙ୍କ ପରି ବଞ୍ଚିଥିଲି। ଖୁବ ଭଲ ଲାଗିଲା। ଏହି ଭିଡିଓ କେବଳ ମନୋରଞ୍ଜନକାରୀ ନୁହେଁ ବରଂ ଏକ ସ୍ୱତନ୍ତ୍ର ବାର୍ତ୍ତା ମଧ୍ୟ ପ୍ରଦାନ କରେ ।

ଅଧିକ ପଢ଼ନ୍ତୁ ଦେଶ ଖବର: