ସବୁ ଆଡ଼େ ଚାଲିଛ ଯୁଦ୍ଧର ମାହୋଲ । ଯୁଦ୍ଧର ଘନଘଟା ଭିତରେ ଘାଣ୍ଟି ହେଉଛି ପୁରା ବିଶ୍ବ । ଆଉ ଏହାରି ଭିତରେ ଶକ୍ତିଶାଳୀ ଦେଶରେ ପହଞ୍ଚିଗଲେ ରାଜନଥା ସିଂ । ଭାରତର ଶତ୍ରୁ ଦେଶ ଦେଖି ଏବେ ଥରିଲେଣି । ଭାରତକୁ ଏମିତି ସମ୍ମାନ ମିଳିଛି ଯାହାକୁ ଦେଖି ଶତ୍ରୁ ଦେଶ ମାନେ ସହି ପାରୁ ନାହାଁନ୍ତି ।

ଶକ୍ତିଶାଳୀ ଦେଶର ସେନା ରାଜନାଥ ସିଂଙ୍କୁ ପାଛୋଟି ନେଇଛି । ଖାଲି ସେତିକି ନୁହେଁ ସେହି ଦେଶରୁ ଭାରତ ଏମିତି ଅସ୍ତ୍ର ଆଣୁଛି କି ଯାହା ଶତ୍ରୁ ଦେଶ ମାନଙ୍କୁ ପୁରା ଧ୍ବଂସ କରିଦେବ । ଭାରତ ଯୁଦ୍ଧ ପୂର୍ବରୁ ନିଜ ଦେଶକୁ ସାମରିକ କ୍ଷେତ୍ର ଶକ୍ତିଶାଳୀ କରିବାରେ ଲାଗିପଡ଼ିଛି। ଯେଉଁଥିପାଇଁ ରାଜଥାସିଂ ଯାଇ ପହଞ୍ଚି ଯାଇଛନ୍ତି ଜର୍ମାନୀରେ ।

ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କୁ ଜର୍ମାନୀରେ କେମିତି ପାଛୋଟି ନେଉଛନ୍ତି । ଏହି ଗସ୍ତ କେବଳ ଏକ ସାଧାରଣ ସାକ୍ଷାତ ନୁହେଁ। ଏହା ଭାରତର ପ୍ରତିରକ୍ଷା କ୍ଷେତ୍ରରେ ଏକ ନୂଆ ଅଧ୍ୟାୟ ସୃଷ୍ଟି କରିବାକୁ ଯାଉଛି । ଏହି ରଣନୀତିକ ସହଭାଗିତାକୁ ଦେଖି ଏବେ ଶତ୍ରୁ ଦେଶଙ୍କ ମନରେ ଛନକା ପଶିଛି । ଦୀର୍ଘ ୭ ବର୍ଷ ପରେ ଜଣେ ଭାରତୀୟ ପ୍ରତିରକ୍ଷା ମନ୍ତ୍ରୀଙ୍କ ଏହି ଜର୍ମାନୀ ଗସ୍ତ ସମଗ୍ର ବିଶ୍ୱର ନଜର ଟାଣିଛି ।  ଏହି ତିନି ଦିନିଆ ଗସ୍ତରେ ଭାରତ ଏବଂ ଜର୍ମାନୀ ମଧ୍ୟରେ ଏକ ବଡ଼ 'ଡିଫେନ୍ସ ରୋଡମ୍ୟାପ୍' ସ୍ୱାକ୍ଷର ହେବାକୁ ଯାଉଛି  ।

ଯଦି ଦେଖିବା ଏହି ଗସ୍ତରେ ଭାରତୀୟ ନୌସେନା ପାଇଁ ୬ଟି ଅତ୍ୟାଧୁନିକ ଷ୍ଟେଲ୍‌ଥ ସବମେରିନ୍ ନିର୍ମାଣ ନେଇ ବଡ଼ ବୁଝାମଣା ହୋଇପାରେ  । ଏହି ସବମରିନ୍‌ ପରମାଣୁ ବୋମାକୁ ମଧ୍ୟ ସାଙ୍ଗରେ ନେଇ ଶତ୍ରୁ ଦେଶକୁ ଆକ୍ରମଣ କରିପାରିବ ।  ଏହା ବ୍ୟତିତ ଷ୍ଟେଲ୍‌ଥ ଯୁଦ୍ଧବିମାନ ପାଇଁ ମଧ୍ୟ ଡିଲ୍‌ ହୋଇପାରେ ।

ଯୁଦ୍ଧ ଘନଘଟା ଭିତରେ ଏହି ଶକ୍ତିଶାଳୀ ମେଣ୍ଟ ଏବେ ଏସିଆ ମହାଦେଶର ଭୂ-ରାଜନୀତିକୁ ବଦଳାଇ ଦେଇଛି। ବିଶେଷ କରି ସୀମାରେ ଭାରତକୁ ହଇରାଣ କରୁଥିବା ଶତ୍ରୁ ଦେଶମାନେ ଏବେ ଭୟଭରେ ଥରିବାକୁ ଲାଗିଲେଣି ।  ଜର୍ମାନୀ ଭଳି ଏକ ଶକ୍ତିଶାଳୀ ୟୁରୋପୀୟ ଦେଶ ଭାରତକୁ ସାମରିକ କ୍ଷେତ୍ରରେ ସାହାଯ୍ୟ କରିବା ଅର୍ଥ ହେଉଛି ଭାରତ ଏବେ ଆତ୍ମନିର୍ଭରଶୀଳ ହେବା ସହ ଅଧିକ ଘାତକ ହେବାକୁ ଯାଉଛି ।