ଭାରତୀୟ ରିଜର୍ଭ ବ୍ୟାଙ୍କ (RBI) ରେପୋ ରେଟ୍‌କୁ ୫.୫%ରେ ଅପରିବର୍ତ୍ତିତ ରଖିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଟାରିଫ୍‌ ଧମକ ଯୋଗୁ ଟଙ୍କା ଚାପରେ ରହିଥିବାରୁ ଭାରତୀୟ ରିଜର୍ଭ ବ୍ୟାଙ୍କ ରେପୋ ରେଟ୍‌କୁ ୫.୫% ରେ ଅପରିବର୍ତ୍ତିତ ରଖିଛି। ଭାରତୀୟ ସାମଗ୍ରୀ ଉପରେ ଟାରିଫ୍‌ ବୃଦ୍ଧି କରିବାକୁ ଟ୍ରମ୍ପ ନୂତନ ଧମକ ଦେବା ପରେ ଗତକାଲି ଟଙ୍କା ୧୬ ପଇସା ହ୍ରାସ ପାଇଛି। ଲଗାତାର ତିନିଥର ରେଟ୍‌ ହ୍ରାସ କରିବା ପରେ RBI ସାଧାରଣ ଲୋକଙ୍କୁ ଝଟ୍‌କା ଦେଇଛି। RBIର ମୁଦ୍ରା ନୀତି କମିଟି ଅଗଷ୍ଟ ନୀତି ବୈଠକରେ ହାର ହ୍ରାସ କରିବା ପରିବର୍ତ୍ତେ ଏଥିରେ କୌଣସି ପରିବର୍ତ୍ତନ କରିନାହିଁ। ଏହାର ଅର୍ଥ ହେଉଛି ଯେ RBI ଏଥର ସାଧାରଣ ଲୋକଙ୍କ EMI ହ୍ରାସ କରିନାହିଁ।

କେନ୍ଦ୍ରୀୟ ବ୍ୟାଙ୍କର ଆର୍ଥିକ ରଣନୀତି ପ୍ରସ୍ତୁତ କରିବା ପାଇଁ ପ୍ରତି ଦୁଇ ମାସରେ ଅନୁଷ୍ଠିତ ହେଉଥିବା ମୁଦ୍ରା ନୀତି କମିଟି (MPC) ବୈଠକରେ ଆଜି ସକାଳେ ଏହି ନିଷ୍ପତ୍ତି ଘୋଷଣା କରାଯାଇଛି। ବୈଠକ ଶେଷରେ RBI ଗଭର୍ନର ସଞ୍ଜୟ ମାଲହୋତ୍ରା କହିଛନ୍ତି, ନିରପେକ୍ଷ ମନୋଭାବ ଜାରି ରଖିବାକୁ ନିଷ୍ପତ୍ତି ନିଆଯାଇଛି। ଦୀର୍ଘକାଳୀନ ଭୂରାଜନୈତିକ ଉତ୍ତେଜନାରୁ ସୃଷ୍ଟି ହେଉଥିବା ପ୍ରତିକୂଳ ପରିସ୍ଥିତି ଅଭିବୃଦ୍ଧି ଦୃଷ୍ଟିକୋଣ ପାଇଁ ବିପଦ ସୃଷ୍ଟି କରୁଛି।