ଓଡ଼ିଶାରେ ସଡ଼କ ଦୁର୍ଘଟଣା ପାଇଁ ବଢୁଛି ଚିନ୍ତା । ସଡ଼କ ଦୁର୍ଘଟଣାରେ ଓଡ଼ିଶାରେ ପ୍ରତ୍ୟେକ ଦିନ ୧୫ ଲୋକଙ୍କର ହେଉଛି ମୃତ୍ୟୁ । ଯାହା ଏକ ଚିନ୍ତାଜନକ ସ୍ଥିତି ବୋଲି କହିଛନ୍ତି ସଚିବ ଉଷା ପାଢ଼ୀ । ଖାଲି ଓଡ଼ିଶାରେ ନୁହେଁ ବରଂ ସାରା ଭାରତରେ ସଡ଼କ ସୁରକ୍ଷା ଏକ ବଡ ସମସ୍ୟା ଉଭା ହେଲାଣି ।

ସାରା ଦୁନିଆରେ ରାସ୍ତା ଦୁର୍ଘଟଣାରେ ଏକ ନମ୍ବର ସ୍ଥାନରେ ରହିଛି ଭାରତ । ଆଉ ପୁରା ଭାରତରେ ସଡ଼କ ଦୁର୍ଘଟଣାରେ ଓଡ଼ିଶା ୧୩ ନମ୍ବର ସ୍ଥାନରେ ରହିଛି । ଲୋକଙ୍କ ସହଯୋଗ, ସରକାର, ପୋଲିସ, ରୋଡ଼ ଓନିଙ୍ଗ ଏଜେନ୍ସି, ଏଜୁକେସନାଲ ଇନଷ୍ଟିଚ୍ୟୁଟ୍ ସମସ୍ତଙ୍କ ମିଳିତ ଉଦ୍ୟମରେ ସଡ଼କ ଦୁର୍ଘଟଣା ରୋକିବା ଚେଷ୍ଟା ଜାରି ରହିଛି । ତେବେ ୪ ଟି ଦିଗରେ ସଡ଼କ ସୁରକ୍ଷା ନେଇ ସରକାରଙ୍କ ପ୍ରଚେଷ୍ଟା ଚଳାଇଛନ୍ତି ।

ଲୋକମାନେ ଛୋଟ ବେନିଫିଟ ପାଇଁ ଲାଇନ ରୁଲ, ମିଡିୟମ ରୁଲକୁ ମାନୁ ନାହାଁନ୍ତି । ଯେଉଁଥିପାଇଁ ଦୁର୍ଘଟଣା ସଂଖ୍ୟା ବଢୁଛି। ତେବେ ରାଜ୍ୟ ସରକାର ବ୍ଲାକ ସ୍ପଟ ଚିହ୍ନଟ ହୋଇଥିବା ଅଞ୍ଚଳରେ ଇଂଜିନିୟରିଙ୍ଗ ସୋଲ୍ୟୁସନ ପାଇଁ ପ୍ରଚେଷ୍ଟା ଆରମ୍ଭ କରିଛନ୍ତି । ଆମେ ରୋଡ ଓନିଙ୍ଗ ଏଜେନସି ଯେମିତିକି PWD,NHAI, RD ସମସ୍ତଙ୍କୁ ନିର୍ଦେଶ ଦିୟାଯାଇଛି ଇଞ୍ଜିନୀୟରିଙ୍ଗ ସୋଲ୍ୟୁସନ ପାଇଁ । ସେହିପରି ଭଳି ରାସ୍ତାର ଭିଡ ନିୟନ୍ତ୍ରଣ ପାଇଁ ସରକାର HYPER LOCAL ସୋଲ୍ୟୁସନ ପାଇଁ ଚାଲିଛି ଚେଷ୍ଟା।

ସୂଚନା ମୁତାବକ, ଆଜି ସକାଳ ୬ ଟା ୩୫ରେ ମଧ୍ୟପ୍ରଦେଶର ଗ୍ୱାଲିୟର-ଝାନସି ରାଜପଥର ମାଲୱା କଲେଜ ସମ୍ମୁଖରେ ଏକ ଦ୍ରୁତଗାମୀ କାର ବାଲି ବୋଝେଇ ଟ୍ରାକ୍ଟର ସହିତ ଧକ୍କା ହୋଇଥିଲା । ଫଳରେ କାର ଭିତରେ ଥିବା ୫ ଜଣଙ୍କର ମୃତ୍ୟୁ ହୋଇଛି। ସମସ୍ତ ମୃତକ ଗ୍ୱାଲିୟରର ବାସିନ୍ଦା ବୋଲି ଜଣାପଡିଛି । ସେମାନେ ଉତ୍ତର ପ୍ରଦେଶର ଝାନ୍ସୀରୁ ଏକ କାର୍ଯ୍ୟକ୍ରମରେ ଯୋଗ ଦେଇ କାରରେ ଗ୍ୱାଲିୟର ଫେରୁଥିଲେ।ତେବେ ଦୁର୍ଘଟଣା ନେଇ ଖବର ପାଇ ପୁଲିସ ଏବଂ ସ୍ଥାନୀୟ ବାସିନ୍ଦା କାରକୁ କାଟି ମୃତଦେହଗୁଡ଼ିକୁ ବାହାର କରିବା ପାଇଁ ଏକ କଟର ବ୍ୟବହାର କରିଥିଲେ ।

ସମସ୍ତ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି । ମୃତ ଯୁବକଙ୍କ ମଧ୍ୟରୁ ଦୁଇ ଜଣଙ୍କୁ ଚିହ୍ନଟ କରାଯାଇଛି । ସେମାନେ ହେଉଛନ୍ତି ପ୍ରିନ୍ସ ଏବଂ ଆଦିତ୍ୟ । ଉଭୟ ଗ୍ଵାଲିୟରର ଡିଡି ନଗରର ବାସିନ୍ଦା ବୋଲି ଜଣାପଡିଛି । ବାକି ତିନି ଯୁବକଙ୍କୁ ଚିହ୍ନଟ କରିବା ପ୍ରକ୍ରିୟା ଜାରି ରହିଛି । ପୁଲିସ ଏବଂ ପ୍ରଶାସନିକ ଦଳ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି । ରାଜପଥରେ କିଛି ସମୟ ପାଇଁ ଯାତାୟାତ ବାଧାପ୍ରାପ୍ତ ହୋଇଥିଲା, କିନ୍ତୁ ପରେ ପୁନଃସ୍ଥାପିତ ହୋଇଥିଲା । ପୁଲିସର କହିବା ଅନୁଯାୟୀ, କାରଟି ଝାନ୍ସୀରୁ ଆସୁଥିଲା । ଏହା ସିକରାଉଡା ଛକ ଅତିକ୍ରମ କରିଥିଲାବେଳେ ବାଲି ବୋଝେଇ ଏକ ଟ୍ରାକ୍ଟର ଏବଂ ଟ୍ରଲି ସାମ୍ନାକୁ ଆସିଲା। କାରଟି ଦ୍ରୁତ ଗତିରେ ଆସୁଥିଲା। ହଠାତ୍ ଟ୍ରାକ୍ଟର ଟ୍ରଲି ଦେଖାଦେବାରୁ ଡ୍ରାଇଭର ନିୟନ୍ତ୍ରଣ ହରାଇ ଟ୍ରାକ୍ଟରରେ ଧକ୍କା ଦେଇଥିଲେ ।

ସେପଟେ ଶନିବାର ଅର୍ଥାତ ଗତକାଲି ରାତିରେ ଜମ୍ମୁ ଓ କାଶ୍ମୀରର ବଡଗାମ ଜିଲ୍ଲାରେ ଏକ ଡମ୍ପର ଟ୍ରକ ସହିତ ଏକ ସ୍ପୋର୍ଟସ୍ ୟୁଟିଲିଟି ଗାଡି ଧକ୍କା ହୋଇଥିଲା । ଫଳରେ ଅତି କମରେ ୪ ଜଣଙ୍କର ମୃତ୍ୟୁ ଘଟିଛି ଏବଂ ଅନ୍ୟ ପାଞ୍ଚ ଜଣ ଆହତ ହୋଇଥିବା ଅଧିକାରୀମାନେ କହିଛନ୍ତି । ସେମାନେ କହିଛନ୍ତି ଯେ, ରାତି ପ୍ରାୟ ୧୦ଟା ୩୦ ସମୟରେ ବଡଗାମର ପାଲାରରେ ଏକ ଟାଟା ସୁମୋ ଗାଡି ଏବଂ ଏକ ଟ୍ରକ ମଧ୍ୟରେ ଧକ୍କା ହୋଇଥିଲା । ଅଧିକାରୀଙ୍କ ଅନୁଯାୟୀ, ଦୁର୍ଘଟଣା ପରେ ନଅ ଜଣଙ୍କୁ ନିକଟସ୍ଥ ଏକ ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ସେମାନଙ୍କ ମଧ୍ୟରୁ ଚାରି ଜଣଙ୍କୁ ଡାକ୍ତର ମୃତ ଘୋଷଣା କରିଥିଲେ । ଅନ୍ୟ ପାଞ୍ଚ ଜଣଙ୍କୁ ହସ୍ପିଟାଲରେ ଚିକିତ୍ସା କରାଯାଉଥିବା ଜଣାପଡିଛି ।