ଅଦିନିଆ ବର୍ଷାରେ ବୁଡିଲା ଆସାମ । ଗତକାଲି ରାତିରେ ପ୍ରବଳରୁ ଅତି ପ୍ରବଳ ବର୍ଷା ଫଳରେ ଆସି ସକାଳ ହେବା କ୍ଷଣି ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ରାତିର ଲଗାଣ ବର୍ଷା ଫଳରେ ମଙ୍ଗଳବାର ସକାଳେ ଗୌହାଟୀରେ ରାସ୍ତାଘାଟ ଜଳମଗ୍ନ ହୋଇଛି । ଅନେକ ସ୍ଥାନରେ ଆଣ୍ଠୁଏ ଆଣ୍ଠୁଏ ପାଣି ଜମି ରହିଥିବା ବେଳେ ତଳିଆ ଅଞ୍ଚଳରେ ବେକେ ବେକେ ପାଣି ଜମିଥିବା ଦେଖିବାକୁ ମିଳିଛି । ଫଳରେ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଥିବା ବେଳେ ସାଧାରଣ ଜୀବନ ପ୍ରଭାବିତ ହୋଇଛି।

#WATCH | Assam: Due to heavy rainfall in Guwahati district, several areas are facing waterlogging, leaving normal life affected.

(Visuals from Rukmini Gaon and the Downtown area) pic.twitter.com/o71TsNuS6L
— ANI (@ANI) May 20, 2025

ଜୁ ରୋଡ୍, ନବୀନ ନଗର, ହାଚିଗାଓଁ, ଗଣେଶଗୁଡ଼ି, ଗୀତା ନଗର ଆଦି ଅଞ୍ଚଳରେ ଜଳବନ୍ଦୀ ପରିସ୍ଥିତି ଦେଖା ଦେଇଛି । ବର୍ଷା ଫଳରେ ଅନେକ ସ୍କୁଲରେ ପାଣି ପଶିଯାଇଥିବାର ଖବର ବି ଆସୁଛି । ତେବେ ସହରର ଅନେକ ସ୍ଥାନ ଜଳମଗ୍ନ ଥିବାରୁ ଅନେକ ସ୍କୁଲର ଇନଟରନାଲ୍ ପରୀକ୍ଷାକୁ ବାତିଲ କରାଯାଇଛି । ସେପଟେ ଗତକାଲି ଅଦିନିଆ ବର୍ଷାରେ ବେହାଲ ହୋଇଥିଲା ବେଙ୍ଗାଲୁରୁ । ପ୍ରବଳ ବର୍ଷା କାରଣରୁ ବେଙ୍ଗାଲୁରୁ ଜଳବନ୍ଦୀ ହୋଇଥିବା ବେଳେ ଆଜି ସେହି ପରିସ୍ଥିତି ଜାରି ରହିଛି । ଡ୍ରେନେଜ୍ ସମସ୍ୟା ପାଇଁ ଜଳ ନିଷ୍କାସନ ହୋଇପାରୁ ନଥିବାରୁ ରାସ୍ତାରେ ଜମି ରହିଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more