ନାଗପୁରର ରେଶମବାଗରେ ରାଷ୍ଟ୍ରୀୟ ସ୍ୱୟଂସେବକ ସଂଘର ବିଜୟାଦଶମୀ ଉତ୍ସବ । RSSର ଶତବାର୍ଷିକୀ ବର୍ଷ ପାଳନ ପାଇଁ ସ୍ୱତନ୍ତ୍ର ବିଜୟାଦଶମୀ ସମାରୋହ । ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଓ RSS ମୁଖ୍ୟ ମୋହନ ଭାଗବତ RSSର ପ୍ରତିଷ୍ଠାତା କେ.ବି ହେଡଗେଓ୍ବାରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଏହି ଅବସରରେ ମୋହନ ଭାଗବତ କହିଛନ୍ତି- "ସୀମା ପାରରୁ ଆତଙ୍କବାଦୀମାନେ ୨୬ ଜଣ ଭାରତୀୟଙ୍କୁ ସେମାନଙ୍କ ଧର୍ମ ପଚାରି ହତ୍ୟା କରିଥିଲେ । ନୀରିହ ଲୋକଙ୍କ ଜୀବନ ନେଇଥିବା ଆତଙ୍କୀକୁ କଡା ଜବାବ ଦେଇଛି ଭାରତୀୟ ସେନା । ଦେଶ ଆତଙ୍କୀ ଆକ୍ରମଣ ପାଇଁ ଶୋକ ଏବଂ କ୍ରୋଧିତ ଥିଲା ।

ସମ୍ପୂର୍ଣ୍ଣ ପ୍ରସ୍ତୁତି ସହିତ, ଆମର ସରକାର ଏବଂ ସଶସ୍ତ୍ର ବାହିନୀ ଉପଯୁକ୍ତ ଜବାବ ଦେଇଥିଲେ । ସରକାରଙ୍କ ସମର୍ପଣ, ସଶସ୍ତ୍ର ବାହିନୀର ବୀରତ୍ୱ ଏବଂ ସମାଜରେ ଏକତା ଦେଶରେ ଏକ ଆଦର୍ଶ ପରିବେଶ ଉପସ୍ଥାପନ କରିଥିଲା । ଏହି ଘଟଣା ଏବଂ ଆମର ଅପରେସନ ପରେ ବିଭିନ୍ନ ରାଷ୍ଟ୍ର ଦ୍ୱାରା ନିର୍ବାହିତ ଭୂମିକା ଆମର ପ୍ରକୃତ ବନ୍ଧୁମାନଙ୍କୁ ପ୍ରକାଶ କରିଥିଲା । ଦେଶ ଭିତରେ କିଛି ଅସାମ୍ବିଧାନିକ ତତ୍ତ୍ୱ ଅଛନ୍ତି ଯେଉଁମାନେ ଦେଶକୁ ଅସ୍ଥିର କରିବାକୁ ଚେଷ୍ଟା କରନ୍ତି । ହିଂସାର କୌଣସି ସ୍ଥାନ ନାହିଁ ବୋଲି କହିଛନ୍ତି ମୋହନ ଭାଗବତ । ଏହା ସହ ଆତ୍ମନିର୍ଭର ଭାରତ ପାଇଁ ଆହ୍ବାନ ଦେଇଛନ୍ତି ।

RSSର ମହୋତ୍ସବରେ ୨୧ ହଜାରରୁ ଅଧିକ ସ୍ବୟଂସେବକ ଅଂଶଗ୍ରହଣ କରିଛନ୍ତି ।୧୯୯୫ ମସିହାରୁ ରାଷ୍ଟ୍ରୀୟ ସ୍ୱୟଂସେବକ ସଂଘର ବିଜୟାଦଶମୀ ଉତ୍ସବ ନାଗପୁରର ରେଶମବାଗ ପଡ଼ିଆରେ ପାଳିତ ହୋଇଆସୁଛି । ଏହି ଉତ୍ସବରେ ଘାନା, ଥାଇଲ୍ୟାଣ୍ଡ, ଇଣ୍ଡୋନେସିଆ, ଦକ୍ଷିଣ ଆଫ୍ରିକା ଏବଂ ଆମେରିକା ଭଳି ଦେଶରୁ ପ୍ରାୟ ୫୦ରୁ ୬୦ ପ୍ରତିନିଧି ଯୋଗ ଦେଇଛନ୍ତି ।

ଅଧିକ ପଢ଼ନ୍ତୁ ଦେଶ ଖବର: