ସିନ୍ଦୁରର ବଦଲା ମିସାଇଲରେ । ଗୋଟି ଗୋଟି ଆକ୍ରମଣର ପ୍ରତିଶୋଧ ନେବ ଭାରତ । କାଲି ରାତି ଅଧରେ ପାକିସ୍ତାନ ଓ ପାକ ଅଧିକୃତ କଶ୍ମୀର ଉପରେ ଥିବା ଆତଙ୍କୀ ଆଡ୍ଡା ଉପରେ ଭାରତ ଆକ୍ରମଣ କରିଛି । ପାଖାପାଖି ରାତି ସାଢେ ୨ଟା ସମୟରେ ହୋଇଛି ଏହି ଆକ୍ରମଣ । ୯ଟି ଆତଙ୍କବାଦୀଙ୍କ ସ୍ଥାନରେ ଭାରତ ପକ୍ଷରୁ ୨୬ଟି ମିସାଇଳ ଆକ୍ରମଣ କରିଛି । ତେବେ ଏହାକୁ ନେଇ ପ୍ରତିକ୍ରିୟା ଦେଇଛନ୍ତି ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ।

ଜୟଶଙ୍କର କହିଛନ୍ତି ଆତଙ୍କବାଦୀଙ୍କ ଆକ୍ରମଣକୁ ଆଦୌ ସହିବନି ପୃଥିବୀ । ଏହାର ପ୍ରତିଉତ୍ତର ନିଶ୍ଚୟ ଦେବା ଆବଶ୍ୟକ । ପାକିସ୍ତାନର ୪ଟି ଓ ପିଓକେରେ ଥିବା ୯ଟି ଆତଙ୍କୀ ଶିବିର ଉପରେ ୨୪ଥର ଆକ୍ରମଣ କରାଯାଇଛି । ଯେଉଁଥିରେ ୯୦ରୁ ଅଧିକ ଆତଙ୍କବାଦୀ ଏପର୍ଯ୍ୟନ୍ତ ଆହତ ହୋଇଥିବା ସୂଚନା ମିଳିଛି ।

ଏଠାରେ କହି ରଖିବାକୁ ଚାହୁଁଛୁ, ୨୨ ଏପ୍ରିଲରେ ଜମ୍ମୁ କାଶ୍ମୀର ପହଲଗାମ୍‌ରେ ୨୨ ଏପ୍ରିଲରେ ଆତଙ୍କବାଦୀଙ୍କ ଆକ୍ରମଣ ହୋଇଥିଲା । ଯେଉଁଥିରେ ୨୬ ଲୋକଙ୍କର ମୃତ୍ୟୁ ହୋଇଥିଲା । ହିନ୍ଦୁ ପଚାରି କଲମା ପଢିବାକୁ କହି କରାଯାଇଥିଲା ଆକ୍ରମଣ । ଯେଉଁଥିରେ ଛୁଟି କାଟିବାକୁ ଯାଇଥିବା ଅନେକ ନୀରିହ ଲୋକଙ୍କ ଜୀବନ ଯାଇଥିଲା । ଏବେ ଭାରତ ଏହାର ପ୍ରତିଶୋଧ ସ୍ଵରୂପ କାଲି ମଧ୍ୟରାତ୍ରୀରେ ମିସାଇଲ ଆକ୍ରମଣ କରିଛି ।